Numeri 4:6 - Siswati 1996 Bible

⁶ Batawube sebaphindze balembonya ngesikhumba lesishukiwe selihhashi laselwandle, ngetulu bendlale indvwangu leluhlata njengesibhakabhaka, bafake timboko talo endzaweni yato.

Numeri 4:6 Cross References

Eksodusi 25:10

“Kufanele bangakhele libhokisi lesivumelwane ngemgamba: budze balo bube ngemasentimitha langaba li-110, bubanti bube ngemasentimitha langaba ngema-66, kuphakama kube ngemasentimitha langaba ngema-66.

Eksodusi 35:19

netembatfo letihlotjiswe kahle letisetjentiswa ekukhonteni endzaweni lengcwele, lekutembatfo letingcwele ta-Aroni, umphristi, kanye netembatfo temadvodzana akhe labatisebentisa nabenta inkonzo yabo yebuphristi.”

Eksodusi 39:1

Batfunga tembatfo letihlotjiswe kahle tebaphristi ngensontfo leluhlata njengesibhakabhaka, nalebukhwebeletane, nalebovu ngalokutopele, lekwakufanele batembatse nabakhonta endzaweni lengcwele. Batfunga tembatfo letingcwele ta-Aroni, njengobe Simakadze abeyale Mosi.

Eksodusi 39:41

netembatfo letihlotjiswe kahle letisetjentiswa ekukhonteni endzaweni lengcwele, lekutembatfo letingcwele ta-Aroni, umphristi, kanye netembatfo temadvodzana akhe, labatisebentisa nabenta inkonzo yabo yebuphristi.

Numeri 4:14

Bayawubeka etikwayo tonkhe titja letisetjentiswa enkonzweni yelilati: emakesi, netintsi tenyama, nemafosholo, nemigezelo yekunyenyeta, nato tonkhe titja taselatini. Etikwalo bese bendlala sikhumba lesishukiwe semahhashi aselwandle, bafake timboko talo endzaweni yato.

Numeri 4:25

Batakwetfwala tindvwangu telithende lekukhontela, nelithende lekuhlangana, kanye netimbonyo talo letingetulu tesikhumba lesishukiwe semahhashi aselwandle, netindvwangu letisekungeneni kwelithende lekuhlangana,

Dutheronomi 31:9

Ngako-ke Mosi wawubhala phansi lomtsetfo, wase uwunika baphristi, emadvodzana aLevi, labetfwala libhokisi lesivumelwane saSimakadze, nabo bonkhe baholi besive saka-Israyeli.