Numeri 4:3 - Siswati 1996 Bible

³ Bala onkhe emadvodza kusukela kulasaneminyaka lengema-30 kuya kulengema-50 budzala, labo lase bangena enkonzweni yekukhonta ethendeni lekuhlangana.

Numeri 4:3 Cross References

Genesisi 41:46

Josefa abesaneminyaka lengemashumi lamatsatfu nakacala kusebenta ngaphansi kwaFaro. Wesuka kuFaro walihamba lonkhe laseGibhithe.

2 Samuweli 5:4

Davide abeneminyaka lengema-30, nakabekwa kuba yinkhosi, wabusa iminyaka lengema-40.

1 Tikhronike 6:48

Laba labanye bomnakabo lababengemaLevi bona bebanikwe leminye imisebenti ethendeni lekuhlangana, lekwakuyindlu yaNkulunkulu.

2 Tikhronike 31:17

Babebuye babele baphristi lababebhaliswe ngemindeni yabo etincwadzini temilandvo yekutalana kwabo, kanjalo nemaLevi kusukela kulababeneminyaka lengema-20 kuya etulu, njengekwetinkonzo tabo ngeticheme tabo.

Ezra 3:8

Ngenyanga yesibili emnyakeni wesibili befikile endlini yaNkulunkulu eJerusalema, Zerubhabheli, umsa waSalatiyeli, naJeshuwa, umsa waJosadaki, kanye nabomnakabo bonkhe lababesele, baphristi, nemaLevi, nabo bonkhe lababebuye eJerusalema baphuma ekutfunjweni, bacala kusebenta, babeka emaLevi labeneminyaka lengema-20 kuya etulu kutsi agcugcutele kwakhiwa kwendlu yaSimakadze.

Numeri 1:3

kusukela kulasebaneminyaka lengema-20 kuya etulu, onkhe emadvodza aka-Israyeli lase angalungela kuya emphini, wena na-Aroni niyakuwabala ngeticheme tawo.

Numeri 1:50

Esikhundleni saloko, beka emaLevi kutsi aphatse lelithende lesivumelwane nako konkhe lokukulo lokuhambisana nalo. Kufanele etfwale lelithende nato tonkhe timphahla letihambisana nalo; yebo, kufanele alinakekele, ente inkonzo kulo, akambe emathende awo alitungelete.

Numeri 16:9

Akukanenelisi yini lokutsi Nkulunkulu wema-Israyeli watehlukanisela nine kuso sonkhe sive sema-Israyeli, wanenta nabasedvute naye kutsi nente inkonzo ethendeni laSimakadze, nime embikwesive, nisikhonte?

Numeri 4:2

“Bala emaKhohati langemaLevi lusendvo ngelusendvo nangemindeni yawo.

Numeri 4:23

Bala onkhe emadvodza kusukela kulasaneminyaka lengema-30 kuya kulengema-50 budzala lase bangena enkonzweni yekukhonta ethendeni lekuhlangana.

Numeri 4:30

Bala bonkhe labadvuna kusukela kulabaneminyaka lengema-30 budzala kuya kulengema-50, laba lase bangena enkonzweni yekukhonta ethendeni lekuhlangana.

Numeri 4:35

Onkhe emadvodza kusukela kulabeneminyaka lengema-30 budzala kuya kulengema-50, laba lase bangena enkonzweni yekukhonta ethendeni lekuhlangana,

Numeri 4:4

Umsebenti walamaKhohati ethendeni lekuhlangana bekukunakekela tintfo letingcwelengcwele.

Numeri 4:47

Asawonkhe emadvodza labeneminyaka lengema-30 budzala kuya kulengema-50, laba lase bangena enkonzweni yekukhonta ethendeni lekuhlangana,

Lukha 3:23

Nakacala lomsebenti wakhe Jesu abeneminyaka lecishe ibe ngema-30 budzala; bantfu babecabanga kutsi uyindvodzana yaJosefa labengumsa wa-Eli,

1 kuThimothi 1:18

Thimothi, ndvodzana yami, ngikwetfwesa lomtfwalo ngikhumbula tiphrofetho letaticondziswe kuwe, ngitsi: Lwani ngato kulwa lokuhle

1 kuThimothi 3:1

Licinisile lelivi lelitsi: Nangabe umuntfu afisa umsebenti wekuba ngumbonisi, ufisa umsebenti lomuhle.

1 kuThimothi 3:6

Umbonisi akukafaneli kube ngumuntfu losandza kuphendvuka funa atigcabhe, bese-ke Sathane uyamwisa.