Numeri 4:10 - Siswati 1996 Bible

¹⁰ Batakugocotela kanye naletintfo letihambisana nalo ngesikhumba lesishukiwe semahhashi aselwandle, bakufake eluhlakeni lwekwetfwala.

Numeri 4:10 Cross References

Eksodusi 25:31

“Yenta lutsi lwetibane ngegolide lecengekile; sibunu salo nesicu salo nako kwentiwe ngegolide legcotjiwe. Imihlobiso yalo ibe njengetimbali letisengimidvumba nalesetichakazile, ukwente kube sikhatsa sinye nalolutsi.

Eksodusi 25:5

netikhumba tetihhanca letishukiwe taguculwa taba bovu, netikhumba temahhashi aselwandle, netingodvo temgamba,

Numeri 4:11

“Etikwelilati legolide kufanele bendlale indvwangu leluhlata njengesibhakabhaka, bese bambonya loko ngesikhumba lesishukiwe semahhashi aselwandle, bafake timboko talo endzaweni yato.

Numeri 4:12

Kufanele batsatse tonkhe letintfo letisetjentiswa ekukhonteni endzaweni lengcwele, batigocote ngalendvwangu leluhlata njengesibhakabhaka, bakumbonye ngesikhumba semahhashi aselwandle, bese bakubeka eluhlakeni lwekwetfwala.

Numeri 4:6

Batawube sebaphindze balembonya ngesikhumba lesishukiwe selihhashi laselwandle, ngetulu bendlale indvwangu leluhlata njengesibhakabhaka, bafake timboko talo endzaweni yato.

Numeri 4:9

“Bayawutsatsa indvwangu leluhlata njengesibhakabhaka baphutse lolutsi lwetibane tekukhanyisa, kanye netibane talo, nentsambo yalo, netijubantsambo, netitsebe, netindzebe temafutsa.