Numeri 33:2 - Siswati 1996 Bible

² Ngekuyala kwaSimakadze Mosi wabhala onkhe emabito etindzawo lapho babefike bemise khona. Nalu-ke luhambo lwaso ngetigaba talo:

Numeri 33:2 Cross References

Eksodusi 17:14

Simakadze wakhuluma kuMosi, watsi: “Kubhale phansi encwadzini loku kube ngumlandvo ngalemphi, kuze kube sikhumbuto. Utjele Joshuwa kutsi ema-Amaleki ngifuna kuwacotfula aphele nya emhlabeni.”

Numeri 10:13

Babecala kutfutsa bayalwa nguSimakadze ngemlomo waMosi.

Numeri 10:6

Licilongo nalikhala tikhawu letimfisha kwesibili, tonkhe tive letingaseningizimu tiyawuphuma tihambe. Ngako-ke emathende ayawudzilitwa, nangabe licilongo likhala tikhawu letimfisha,

Numeri 33:1

Leti-ke tigaba teluhambo lwesive sema-Israyeli, nasiphuma eGibhithe ngetive taso ngaphansi kwesandla saboMosi na-Aroni.

Numeri 33:3

Sive sema-Israyeli sesuka eRamsesi ngelilanga leli-15 lenyanga yekucala emnyakeni, lilanga lelilandzela liPhasika, ngenyanga yekucala. Baphuma ngesibindzi nangetigi emehlweni awo onkhe emaGibhithe abuka.

Dutheronomi 1:2

Kutsatsa emalanga lali-11 kuhamba usuka eHorebe uye eKhadeshi Bhaneya, nawuhamba ngemgwaco weNtsaba iSeyiri.

Dutheronomi 10:11

Wakhuluma kimi watsi: ‘Sukuma wehle uyewuhola lesive sitewuhamba singene silidle lelive lengafunga ngalo kubokhokho baso kutsi ngiyawubapha lona.’ ”