Numeri 33:1 - Siswati 1996 Bible

¹ Leti-ke tigaba teluhambo lwesive sema-Israyeli, nasiphuma eGibhithe ngetive taso ngaphansi kwesandla saboMosi na-Aroni.

Numeri 33:1 Cross References

Tihlabelelo 105:26

Watfumela Mosi, inceku yakhe, wahamba na-Aroni labekhetfwe nguSimakadze.

Tihlabelelo 77:20

Sive sakho wasihola njengetimvu, ngesandla saboMosi na-Aroni.

Eksodusi 12:37

Ema-Israyeli aphuma eRamsesi; ahamba aze efika eSukhothi. Emadvodza labekhona lapho ahamba ngetinyawo abengaba ti-600 000 ngaphandle kwebafati nebantfwana.

Eksodusi 12:41

Tonkhe letive tema-Israyeli taphuma eveni laseGibhithe mhlazana kuhlangana leminyaka lengema-430.

Eksodusi 12:51

Simakadze wawakhipha ngalo lelo langa ema-Israyeli eGibhithe ngetive tawo.

Eksodusi 13:18

Esikhundleni saloko, Nkulunkulu sive sema-Israyeli wasihola ngendlela lendze lejika ehlane lelingaseLwandle Lolubovu, sive sema-Israyeli saphuma eGibhithe sihleleke njengemphi.

Eksodusi 6:26

Bo-Aroni naMosi ngibo lakhuluma kubo Simakadze, watsi: “Khiphani sive sema-Israyeli onkhe eveni laseGibhithe.”

Mikha 6:4

Nganikhipha eGibhithe; nganikhipha ebugcilini, ngatfumela boMosi na-Aroni, naMiriyamu kutsi banihole.

Numeri 33:2

Ngekuyala kwaSimakadze Mosi wabhala onkhe emabito etindzawo lapho babefike bemise khona. Nalu-ke luhambo lwaso ngetigaba talo:

Joshuwa 24:5

“ ‘Ngabe sengitfuma boMosi na-Aroni, ngashaya emaGibhithe ngaloko lengakwenta lapho, nganikhipha nine.

1 Samuweli 12:8

“Watsi kube Jakobe efike eGibhithe, boyihlomkhulu bakhala kuSimakadze bacela lusito; Simakadze watfumela boMosi na-Aroni labangubona bakhuphula boyihlomkhulu, babakhipha eGibhithe, babahola, babaletsa kulendzawo.