Numeri 3:6 - Siswati 1996 Bible

⁶ “Letsa sive semaLevi usetfule ku-Aroni, umphristi, kutsi sitemsita.

Numeri 3:6 Cross References

1 Tikhronike 15:2

Davide wakhuluma watsi: “Kute nome munye ngaphandle kwemaLevi lekufanele etfwale libhokisi lesivumelwane saNkulunkulu, ngobe ngawo lakhetfwa nguSimakadze kutsi amkhonte ngaleyo nkonzo phakadze naphakadze.”

1 Tikhronike 23:28

Umsebenti wemaLevi kwakukusita emadvodzana a-Aroni emsebentini wasethempelini laSimakadze: Babefanele kwengamela tibuya netindlu letatichunywe ethempelini, nekuhlambulula tonkhe tintfo letingcwele kanye nekwenta leminye nje imisebenti yasendlini yaNkulunkulu.

1 Tikhronike 23:32

Ngako-ke emaLevi awenta umsebenti lamiselwe wona ethendeni lekuhlangana, nasendzaweni lengcwele, bangaphansi kwabomnakabo, batukulu ba-Aroni, enkonzweni yasethempelini laSimakadze.

1 Tikhronike 6:33

Nankha-ke lamadvodza labekhonta kanye nemadvodzana awo: Esiveni semaKhohati bekunguHemani, umhlabeli, umsa waJoweli, umsa waSamuweli,

2 Tikhronike 29:11

Madvodzana ami, ningacali nibe ngulabanganaki nyalo, ngobe Simakadze unikhetsile kutsi nime embikwakhe nimsebentele, nimkhonte nishise nemphepho embikwakhe.”

Ezra 6:18

Babeka baphristi ngabolonina, babeka nemaLevi ngetigaba tawo, balungiselelwa kukhonta Nkulunkulu eJerusalema, macondzana naloko lokwakubhalwe encwadzini yemtsetfo waMosi.

Malakhi 2:4

Nitawukwati-ke kutsi nginitfumelele lesecwayiso, khona kutawutsi sivumelwane sami naLevi sichubeke,” kusho Simakadze longuSomandla.

Numeri 18:21

“Konkhe kwelishumi ngikupha emaLevi kuma-Israyeli, kutsi kube lifa lawo kulowo msebenti lawentako asakhonta kulomsebenti wabo ethendeni lekuhlangana.

Numeri 2:17

“Lithende lekuhlangana kanye nenkambu yemaLevi kuyawumiswa emkhatsini wetinkambu. Bayawutfutsa emathende ngulowo nalowo endzaweni yakhe ngaphansi kwesiboniso sebuve bakhe.

Numeri 2:33

EmaLevi akabalwanga kanye nema-Israyeli, kwaya njengobe Simakadze abeyale Mosi.

Numeri 3:5

Simakadze wakhuluma kuMosi, watsi:

Dutheronomi 10:8

Ngaso leso sikhatsi Simakadze wehlukanisela sive semaLevi kutsi umsebenti waso kube kwetfwala libhokisi lesivumelwane saSimakadze, nekuma embikwaSimakadze sikhonte siphimisele tibusiso egameni lakhe, njengobe sisenta nalamuhla.