Numeri 3:15 - Siswati 1996 Bible

¹⁵ “Bala emaLevi, lusendvo ngelusendvo nangemindeni yawo. Bala bonkhe labadvuna kusukela kulabanenyanga budzala kuya etulu.”

Numeri 3:15 Cross References

2 Tikhronike 31:17

Babebuye babele baphristi lababebhaliswe ngemindeni yabo etincwadzini temilandvo yekutalana kwabo, kanjalo nemaLevi kusukela kulababeneminyaka lengema-20 kuya etulu, njengekwetinkonzo tabo ngeticheme tabo.

Taga 8:17

Ngiyabatsandza laba labangitsandzako, nalabo labangifunisisako bayangitfola;

Jeremiya 2:2

“Hamba uyewumemetela eJerusalema, ukhulume beva utsi: Naku lokushiwo nguSimakadze, utsi: “ ‘Ngiyakukhumbula kutinikela kwakho ebusheni bakho, kutsi wawungitsandza kanjani usengumakoti, wangilandzela kulo lonkhe lihlane, eveni lelalingakahlanyelwa lutfo.

Jeremiya 31:3

Simakadze wabonakala kitsi kadzeni, watsi: “Ngikutsandze ngelutsandvo lwaphakadze, futsi ngisachubeka nekukunakekela ngemusa.

Numeri 1:3

kusukela kulasebaneminyaka lengema-20 kuya etulu, onkhe emadvodza aka-Israyeli lase angalungela kuya emphini, wena na-Aroni niyakuwabala ngeticheme tawo.

Numeri 1:47

Sive sema-Levi sona asizange sibhaliswe kanye naleti letinye tive.

Numeri 26:57

Lawa-ke ngemaLevi labalwa ngetinsendvo tawo: emaGeshoni, labetalwa nguGeshoni, nemaKhohati labetalwa nguKhohati, nemaMerari labetalwa nguMerari.

Numeri 26:62

Onkhe emaLevi lamadvuna kusukela kulabenenyanga budzala kuya etulu abeti-23 000. Wona akazange abalwe kanye nema-Israyeli lamanye, ngobe wona akemukeliswanga sabelo selive.

Numeri 3:16

Ngako Mosi wawabala njengekusho kwelivi laSimakadze.

Numeri 3:22

Sibalo sabo bonkhe labadvuna kusukela kulababenenyanga budzala kuya etulu saba ti-7 500.

Numeri 3:28

Sibalo semaKhohati onkhe lamadvuna kusukela kulababenenyanga budzala kuya etulu saba ti-8 600. Umsebenti wawo bekukunakekela indzawo lengcwele.

Numeri 3:34

Sibalo sabo bonkhe labadvuna kusukela kulababenenyanga budzala kuya etulu saba ti-6 200.

Numeri 3:43

Sibalo sawo asawonkhe ematubulo lamadvuna kusukela kulababenenyanga budzala kuya etulu, lababhaliswa ngemabito abo, baba ti-22 273.

Makho 10:14

Kodvwa watsi kube akubone loko Jesu, watfukutsela watsi kubo: “Vumelani bantfwana bete kimi, ningabavimbeli, ngobe umbuso waNkulunkulu walabanjalo.

2 kuThimothi 3:15

nekutsi kusukela ebuntfwaneni bakho wayati imiBhalo lengcwele lenemandla ekuhlakaniphisa kube kusindziswa ngekukholwa nguKhristu Jesu.