Numeri 3:10 - Siswati 1996 Bible

¹⁰ Uyawubeka Aroni nemadvodzana akhe kutsi bente imisebenti yebuphristi. Wonkhe umuntfu, ngaphandle kwabo, loyawusondzela eceleni kwalendzawo lengcwele uyawubulawa.”

Numeri 3:10 Cross References

2 Samuweli 6:7

Lulaka lwaSimakadze lwamvutsela Uza, ngenca yesento sakhe sekungahloniphi. Ngako Nkulunkulu wamshaya, wafa, wafela khona lapho eceleni kwelibhokisi lesivumelwane saNkulunkulu.

1 Emakhosi 12:31

Jerobowamu wabumba tithico etindzaweni letiphakeme, wabeka nebaphristi labebavela kuto tonkhe tinhlobonhlobo tetive, ngisho nakuleto letatingasesiwo nemaLevi.

1 Tikhronike 6:32

Abekhonta ngekuhlabelela embikwelithende lekuhlangana, Solomoni waze wakha lithempeli laSimakadze eJerusalema. Lomsebenti babewenta ngekulandzela imitsetfo leyo leyayentelwe bona.

Nehemiya 6:11

Kodvwa ngamphendvula ngatsi: “Indvodza lenjengami ingabaleka yini iyewubhaca? Empeleni umuntfu lofanana nami angabaleka yini, abalekele kufa ayewubhaca ethempelini? Ngingeke ngiye!”

Eksodusi 29:9

uwabophe ngemabhande etinkhalweni tawo, uwafake nemishuculo etinhloko. Utamgcoba kanjalo-ke Aroni kanye nemadvodzana akhe. Bona netitukulwane tabo bayawuba baphristi bami phakadze naphakadze.

Hezekeli 44:8

Esikhundleni sekwenta umsebenti wenu macondzana netintfo tami letingcwele, nibeke labanye bantfu kutsi baphatse indzawo yami lengcwele.

Levithikusi 22:10

“Umuntfu longesilo lilunga lemndeni wemphristi akukafaneli adle lutfo lolungcwele, ngisho nesivakashi nome sisebenti semphristi imbala.

Numeri 1:51

Njalo nje nangabe lithende lekukhontela selitfutsa, ngemaLevi lekufanele alehlise; kanjalo, nome selimiswa, ngemaLevi lekufanele alimise. Lowo longesiye umLevi loyawusondzela eceleni kwalelithende uyawubulawa, afe.

Numeri 16:10

Unisondzetile nine nawo onkhe emaLevi edvutane naye, kodvwa nyalo senifuna buphristi futsi.

Numeri 16:35

Umlilo lowaphuma kuSimakadze wadla onkhe lamadvodza labengema-250 labekashisa imphepho.

Numeri 16:40

njengobe Simakadze amlayela ngaMosi. Loko kwaba sikhumbuto esiveni sema-Israyeli kutsi wonkhe umuntfu longesiye umphristi, longesiyo intalelwane ya-Aroni, akayiwusondzela ashise imphepho embikwaSimakadze. Loyakwenta njalo uyawubona saKhora nesebalandzeli bakhe.

Numeri 18:3

Kufanele babe ngaphansi kwakho bente umsebenti wonkhe welithende, kodvwa bangasondzeli etimphahleni tendzawo lengcwele nome elatini. Nakwenteka basondzela, bona nani nitakufa.

Numeri 18:7

Kodvwa wena nemadvodzana akho niyawukhonta njengebaphristi kuko konkhe lokukwaselatini nangekhatsi kwendvwangu. Ngininika inkonzo yebuphristi njengesipho. Lowo longakafaneli loyawusondzela eceleni kwalelilati, uyawubulawa.”

Numeri 3:11

Simakadze wachubeka wakhuluma kuMosi, watsi:

Numeri 3:38

Mosi, na-Aroni nemadvodzana akhe bebafanele bakambe ngasemphumalanga nendzawo lengcwele, lapho kuphuma lilanga ngakhona, embikwelithende lekuhlangana. Bona babekelwa inkonzo yekunakekela indzawo lengcwele egameni lema-Israyeli. Wonkhe umuntfu, ngaphandle kwawo, lobekasondzela eceleni kwayo abefanele abulawe, afe.

KubaseRoma 12:7

nakungusenkonzweni yemsebenti, asitinikele kuyo; umfundzisi akasebentise sipho sakhe ekufundziseni.

Kubase-Efesu 2:19

Ngako-ke anisesito tihambi nemihambima, kodvwa nyalo seningumndeni munye nalabangcwele, senibendlu yaNkulunkulu.

Dutheronomi 18:5

Ngobe Simakadze Nkulunkulu wenu ubakhetsile bona kanye netitukulwane tabo emkhatsini wato tonkhe tive tenu kutsi batewuma bakhonte ngelibito laSimakadze ngaso sonkhe sikhatsi.

KumaHebheru 8:4

Kube abesemhlabeni abengeke abe ngumphristi nakancane nje, ngobe phela lapha emhlabeni bakhona baphristi labanikela ngetipho ngekwemtsetfo.

Tikhulu 17:5

Lendvodza lenguMikha beyinendumba, ngako yenta sidziya sebaphristi, yabumba tithico, yase ibeka lomunye wemadvodzana ayo kutsi abe ngumphristi wayo.

1 Samuweli 6:19

Kodvwa Nkulunkulu wababhubhisa labanye bantfu baseBhethi Shemeshi, wabhubhisa labanye lababengema-70 babo, ngobe babebuke ekhatsi ebhokisini lesivumelwane saSimakadze. Sive salila, ngobe Simakadze abebabhubhise ngembhubhiso lenkhulu kabi,