Numeri 3:1 - Siswati 1996 Bible

¹ Leti titukulwane taka-Aroni naMosi ngesikhatsi Simakadze akhuluma naMosi eNtsabeni iSinayi.

Numeri 3:1 Cross References

Genesisi 10:1

Nati-ke titukulwane temadvodzana aNowa, boShemi, naHhamu, naJafethi, batalelwa emadvodzana emvakwazamcolo.

Genesisi 2:4

Ladalwa kanjalo-ke lizulu nemhlaba. Ngesikhatsi Nkulunkulu Simakadze enta umhlaba nelizulu,

Genesisi 5:1

Lona ngumlandvo wentalelwane ya-Adamu. Nkulunkulu nakadala umuntfu, wamenta waba ngumfanekiso waNkulunkulu.

Eksodusi 6:16

Lawa ngemabito emadvodzana aLevi: bekuboGeshoni, naKhohati, naMerari; leyo-ke bekungimindeni yakaLevi. Levi waphila wadzimate waba neminyaka leli-137 budzala.

Eksodusi 6:20

Amramu watsatsa Jokhebedi, labengudzadzewaboyise; wamtalela Aroni naMosi. Amramu waphila wadzimate waba neminyaka leli-137 budzala.

Eksodusi 6:27

Ngibo lababekhuluma naFaro, inkhosi yaseGibhithe, kutsi akakhulule sive sema-Israyeli siphume eGibhithe.

Levithikusi 25:1

Simakadze wakhuluma kuMosi asentsabeni yaseSinayi, watsi:

Levithikusi 27:34

Ngiyo lena-ke imiyalo yesive sema-Israyeli Simakadze layinika Mosi entsabeni yaseSinayi.

Numeri 2:34

Ngako-ke ema-Israyeli akwenta konkhe Simakadze labeyale Mosi kutsi akwente. Akamba onkhe ngulowo nalowo ngaphansi kwesiboniso sebuve bakhe; baphuma bahamba. Wonkhe umuntfu wangena emndenini wakhe naselusendvweni lwakubo.

Matewu 1:1

Lona ngumlandvo wekutalwa kwaJesu Khristu, labesitukulwane saDavide, naye abesitukulwane sa-Abrahama.