Numeri 28:1 - Siswati 1996 Bible

¹ Simakadze wakhuluma kuMosi, watsi:

Numeri 28:1 Cross References

1 Tikhronike 23:31

nangato tonkhe tikhatsi nakwentiwa iminikelo yekushiswa kuSimakadze ngemaSabatha, nangemikhosi yekwetfwasa kwenyanga, nangemikhosi nje leminye lemisiwe. Babefanele kukhonta embikwaSimakadze njalo nje, babe sibalo lesitsite futsi bakhonte ngaleyo ndlela labanikwe yona.

2 Tikhronike 2:4

Manje sengifuna kucala kwakha lithempeli, ngakhele Libito laSimakadze Nkulunkulu wami, bese ngilinikela kuye libe lekushisela imphepho kube liphunga lelimnandzi kuye, libe lekubeka sinkhwa lesingcwele, nelekwentela khona iminikelo yekushiswa njalo ekuseni, nasentsambama, nangemaSabatha, nangekwetfwasa kwetinyanga, nangemikhosi lemisiwe yaSimakadze Nkulunkulu wetfu. Leso-ke simiso sema-Israyeli lesiyakuma kuze kube phakadze.

2 Tikhronike 23:18

Jehoyada wase ubeka baphristi lababengemaLevi kutsi kube ngubona bengameli belithempeli laSimakadze, Davide labebeke kubo umsebenti ethempelini kutsi betfule umnikelo wekushiswa kuSimakadze njengobe kubhaliwe emtsetfweni waMosi, ngekujabula nangekuhlabela, njengobe kwakushito Davide.

2 Tikhronike 31:3

Inkhosi yanikela ngetayo timphahla eminikelweni yekushiswa, yasekuseni neyasentsambama, naseminikelweni yekushiswa yemaSabatha, neyekwetfwasa kwenyanga, neyemikhosi lemisiwe, njengobe kubhaliwe emtsetfweni waSimakadze.

2 Tikhronike 8:13

njengobe kwakumisiwe nguMosi macondzana nayo yonkhe iminikelo yemalanga onkhe, neyemaSabatha, neyekwetfwasa kwenyanga kanye neyemikhosi lemitsatfu yeminyaka leyayimisiwe, uMkhosi Wesinkhwa Lesingenamvubelo, neMkhosi Wemaviki kanye neMkhosi Wemadlangala.

Ezra 6:9

Konkhe lokudzingekako, tinkunzana, netihhanca, nemazinyane etimvu lamadvuna emnikelo wekushiswa kuNkulunkulu wasezulwini, nakolo, neluswayi, neliwayini, nemafutsa, njengobe kucele baphristi eJerusalema, kufanele kunikelwe onkhe emalanga kungapholoti,

Nehemiya 10:33

tesinkhwa sekubekwa etafuleni, netemnikelo wafutsi walokutinhlavu kanye neteminikelo yekushiswa ngemlilo, neteminikelo yemaSabatha, neyemikhosi yekwetfwasa kwenyanga, netemikhosi leyemiswa, neteminikelo lengcwele neteminikelo yetono yekwenta kubuyisana kwema-Israyeli naNkulunkulu, netayo yonkhe nje imisebenti yasendlini yaNkulunkulu wetfu.

Isaya 1:13

Khawulani kuletsa iminikelo lengasho lutfo! Imphepho yenu isinengiso kimi. Imikhosi yenu yekwetfwasa kwenyanga, nemaSabatha, nemihlangano yenu yekukhonta, ngingeke ngiyibeketelele lemihlangano yenu lemibi.

Hezekeli 44:24

“ ‘Kuyo yonkhe imibango, baphristi kufanele babe behluleli, bakhiphe sincumo lesihambisana netimiso tami. Kufanele bayigcine imitsetfo yami netimiso tami tayo yonkhe imikhosi yami lebekiwe, bagcine nemaSabatha ami angcwele.

Hezekeli 45:17

Kuyawuba ngumsebenti wakhe kutsi aletse tilwane letitawushiswa samuku, neminikelo yalokutinhlavu, neminikelo yesinatfo saso sonkhe sive saka-Israyeli ngemikhosi yekwetfwasa kwenyanga, nangemaSabatha, nangaleminye imikhosi. Kufanele aletse iminikelo yesoni, neminikelo yalokutinhlavu, neminikelo yekushiswa, neminikelo yebudlelwane, kuze atewuhlawulela tono tesive saka-Israyeli.’ ”

Hezekeli 46:11

Ngemalanga emadzili nangemikhosi lemisiwe, umnikelo walokutinhlavu uyawuba ngemalitha langaba li-17 nencenye, uhambisane nenkunzi yinye, nemalitha langaba li-17 nencenye lahambisana nesihhanca, nemazinyane etimvu nanome ngabe yini-ke leyo loyo lokhontako lafuna kuyinikela. Umnikelo lonjalo walokutinhlavu kufanele uhambisane nemalitha langaba mane emafutsa emncumo.

Levithikusi 9:15

Emvakwaloko Aroni wase uletsa umnikelo wesive sonkhe. Watsatsa imbuti leyayitewunikelelwa lesive wayibulala, wayinikela elatini, kwaba ngumnikelo wesono sesive sonkhe, njengobe abentile emnikelweni wesono labecale ngawo.

Numeri 27:23

Wabeka tandla takhe etikwakhe, wamnika sikhundla, njengobe Simakadze abeyale Mosi.

Numeri 28:2

“Yala sive sema-Israyeli utsi: ‘Caphelani kutsi niletse kimi ngesikhatsi lesimisiwe kudla lokungumnikelo wami lowentiwa ngemlilo, kube liphunga lelinuka lusi lolumnandzi kimi.’

Numeri 7:15

inkunzana, nesihhanca, nelizinyane lemvu lelidvuna lelinemnyaka munye budzala, kwaba kwemnikelo wekushiswa;

KubaseGalathiya 4:10

Senihlonipha emalanga, netinyanga, netikhatsi, neminyaka.

KubaseKholose 2:16

Ngako-ke akubete umuntfu lonilahla ngekudla nangekunatsa, nome ngemikhosi, nangekwetfwasa kwenyanga, nome ngemaSabatha.