Numeri 26:5 - Siswati 1996 Bible

⁵ Titukulwane takaRubeni, litubulo la-Israyeli, lusendvo ngelusendvo kwaba ngemaHanoki labetalwa nguHanoki, nemaPhalu labetalwa nguPhalu,

Numeri 26:5 Cross References

Genesisi 29:32

Leya wakhulelwa, watala indvodzana, wayetsa libito watsi nguRubeni, ngobe abetsi: “Simakadze ukubonile kuhlupheka kwami, manje indvodza yami seyitangitsandza.”

Genesisi 35:22

Israyeli asahleti kuleyo ndzawo, Rubeni walala nenina lomncane, Bhilha, lomunye webafati beyise. Israyeli wakuva loko. Asawonkhe emadvodzana aJakobe abelishumi namabili.

Genesisi 35:23

Emadvodzana aLeya bekuboRubeni, litubulo laJakobe, bese kuba nguSimeyoni, naLevi, naJuda, na-Isakhari, naZebuloni.

1 Tikhronike 5:1

Leti-ke titukulwane takaRubeni, litubulo la-Israyeli. Rubeni abelitubulo, kodvwa watsi kube alale nesingani seyise, walahlekelwa ngemalungelo ebutubulo bakhe, ase anikwa emadvodzana aJosefa, umsa wa-Israyeli. Ngako akabange asabalwa emlandvweni weluhlanga lwekutalana kwabo njengekwemalungelo ekutalwa kwakhe.

1 Tikhronike 5:3

Emadvodzana aRubeni, litubulo la-Israyeli, bekuboHanoki, naPhalu, naHesroni, naKhami.

Eksodusi 6:14

Laba-ke baholi betive tabo: Emadvodzana aRubeni, labelitubulo la-Israyeli: bekuboHanoki, naPhalu, naHesroni, naKhami; leyo-ke bekungimindeni yakaRubeni.

Numeri 1:20

Titukulwane takaRubeni, litubulo la-Israyeli, tema kanje: Onkhe emadvodza kusukela kulabesaneminyaka lengema-20 kuya etulu, labesangalungela kuya emphini abhaliswa ngemabito awo, ngayinye ngayinye, njengekutalana kwawo, lusendvo ngelusendvo nangemindeni yawo.

Numeri 26:4

“Yentani lubalo lwawo onkhe emadvodza kusukela kulabaneminyaka lengema-20 budzala kuya etulu, njengobe Simakadze ayale Mosi.” Nankha-ke ema-Israyeli laphuma eGibhithe:

Numeri 26:6

nemaHesroni labetalwa nguHesroni, nemaKhami, labetalwa nguKhami.