Numeri 24:8 - Siswati 1996 Bible

⁸ Nkulunkulu wabakhipha eveni laseGibhithe, unjengenyatsi lenemandla kubo. Bayakudla tive letititsa tabo, bephule ematsambo ato abe timvutfu, bagwaze leto tive ngetikhali.

Numeri 24:8 Cross References

Tihlabelelo 2:9

ubaphahlate ngentfonga yensimbi, ubaphihlite njengeludziwo lwembumbi.”

Tihlabelelo 21:12

Uyawubenta babaleke, ubadubule ngemicibisholo yakho.

Tihlabelelo 45:5

Imicibisholo yakho iyakhalipha, ihlaba inhlitiyo yetitsa tenkhosi, udle netive, utilahle ngaphansi kwakho.

Tihlabelelo 45:6

Sihlalo sakho sebukhosi, Nkulunkulu, saphakadze naphakadze, kubusa kwakho kumsulwa, akukhetsi.

Eksodusi 23:22

Kodvwa nangabe nililalelisisa kahle livi layo nente konkhe lengikushoko, ngiyawuba sitsa setitsa tenu ngilwe nalabalwa nani.

Isaya 38:13

Ngilindzile ngekubeketela kwaze kwadzabuka kusa; kodvwa yena njengelibhubesi uwabhobabhobe onkhe ematsambo ami. Busuku nemini wetamana nekungicedza.

Jeremiya 50:17

“Israyeli unjengemhlambi wetimvu letisakatekile ticoshwe ngemabhubesi. Lekucala lelamudla kwaba yinkhosi yase-Asiriya; lekugcina lelabhoba ematsambo akhe, kwaba nguNebukhadnezari, inkhosi yaseBhabhulona.”

Jeremiya 50:9

Ngobe ngiyawuchukuluta letive letinemandla ngitiletse titewusukela iBhabhulona tiyihlasele, tichamuka emaveni angasenyakatfo, tiyawutihlela kahle ize itfunjwe. Imicibisholo yato ifanana neyetingcweti tetihlabani letingabuyeli emuva tilengisa tandla.

Danyela 6:24

Inkhosi yakhipha umyalo, kwaletfwa kuyo onkhe lamadvodza labebeke Danyela licala ngekumcalela emanga, ajikijelwa emgodzini wemabhubesi, wona, nabomkawo, kanye nebantfwabawo. Emabhubesi atseleka etikwabo, abadzabudzabula abacedza bangakefiki ngisho nasesiyilweni salomgodzi wemabhubesi, ababhasha ngisho nematsambo abo.

Numeri 14:9

Musani kuhlubuka Simakadze, futsi ningabesabi nalabantfu balelive, ngobe sitabagwinya. Sivikelo sabo sesihambile, kodvwa Simakadze unatsi. Ningabesabi.”

Numeri 21:5

basola Nkulunkulu naMosi batsi: “Nasikhiphelani eGibhithe kuze sitewufela lapha ehlane? Kute kudla! Kute nemanti! Siyakwenyanya lokudla lokungenamsoco!”

Numeri 23:22

Nkulunkulu lowabakhipha eGibhithe, ubalwela ngemandla lanjengewenyatsi.

Numeri 23:24

Lesive sivuka njengelibhubesi lelisikati, siphakame njengenkunzi yelibhubesi, lelingaphumuli lingakayidli layicedza inyamatane leliyibambile, linatse nengati yaleto tinyamatane lelitibulele.”

Matewu 2:15

Wahlala khona, waze Herodi wafa, kuze kugcwaliseke lokwakhulunywa yiNkhosi ngemphrofethi nakatsi: “Ngayibita iNdvodzana yami kutsi iphume eGibhite.”

Dutheronomi 32:23

“ ‘Ngiyawubutsisa tehlakalo etikwabo ngibafumbe ngemicibisholo yami.

Dutheronomi 32:42

Imicibisholo yami ngiyakuyenta idzakwe yingati, ngesikhatsi inkemba yami idla inyama, ingati yalabagwaziwe nalabatfunjiwe, tinhloko tebaholi betitsa.’ ”

Dutheronomi 7:1

“Simakadze Nkulunkulu wenu utaningenisa eveni lenitawuhlala kulo libe lenu. Utawucosha embikwenu letive letinyenti letikulo: emaHethi, nemaGirigashi, nema-Amori, nemaKhenani, nemaPheresi, nemaHivi, nemaJebhusi, tive letisikhombisa letinkhulu naletinemandla kunani.

Joshuwa 2:10

Sivile kutsi Simakadze walomisa kanjani Lwandle Lolubovu embikwenu ngesikhatsi niphuma eGibhithe, nekutsi nentani kuSihoni na-Ogi, emakhosi lamabili ema-Amori, lenawabhubhisa ngelusiko lwenkemba ngasemphumalanga kwemfula iJordane.