Numeri 24:10 - Siswati 1996 Bible

¹⁰ Lulaka lwaBhalaki lwamvutsela kamatima Bhalamu, washaya tandla takhe, watsi kuye: “Ngikulandzele kutsi utewucalekisa titsa tami, kodvwa wena sewutibusise kwaze kwaba katsatfu.

Numeri 24:10 Cross References

Nehemiya 13:2

ngobe babengazange bahlangabete ema-Israyeli nekudla emanti, kodvwa bacasha Bhalamu kutsi abehlisele sicalekiso. Noko Nkulunkulu wetfu wasigucula leso sicalekiso saba sibusiso.

Jobe 27:23

Ushaya tandla umhleke lusulu; uyamhhewula umsuse endzaweni yakhe.”

Hezekeli 21:14

“Ngako phrofetha, ndvodzana yemuntfu, ugcizelele ngekushaya tandla. Inkemba ayigadle kabili nakatsatfu. Yinkemba yekugwaza, yinkemba yekugwaza lokukhulu, lebavimbetela ndzawo tonkhe.

Hezekeli 21:17

Nami futsi ngitabe sengishaya tandla, nelulaka lwami luyawubohla. Mine, Simakadze sengikhulumile.”

Hezekeli 22:13

“ ‘Ngempela, ngiyakwetfwala imikhono enhloko ngaleyo nzuzo lembi loyitfolile, nangengati loyicitse emkhatsini wenu.

Numeri 22:11

‘Kunesive lesaphuma kulela laseGibhithe lesigcwele umhlaba wonkhe. Ngako wota utengicalekisela sona, kumbe ngingakhona kusehlula ngisicoshe kulelive lami.’ ”

Numeri 22:17

ngobe ngiyakukukhokhela kahle kakhulu nome ungangibitani; kota ungicalekisele lesive.’ ”

Numeri 22:6

Manje kota utengicalekisela lesive, ngobe sinemandla kakhulu kunami; kumbe ngingakhona kusehlula ngisikhiphe lapha eveni lami. Ngiyati kutsi lababusiswa nguwe bayabusiseka, nalabo labacalekiswa nguwe bayacalekiseka.”

Numeri 23:11

Bhalaki wakhuluma kuBhalamu, watsi: “Yini lena lese uyente kimi? Ngikuletse lapha kutsi utewucalekisa letitsa tami, kodvwa kute lokwentile; esikhundleni saloko utibusisile.”

Numeri 24:11

Nyamalala nyalo ubuyele ekhaya lakho; bengitsi ngitakubonga ngesibongo lesihle, kodvwa Simakadze ukwalele kutsi utfole lesibongo.”

Numeri 24:9

Njengelibhubesi bayahoshoba bacambalale phansi, yebo, nanjengelibhubesi lelisikati, ngubani nje longacala abavuse? “Ababusiswe labo labakubusisako, bacalekiswe labo labakucalekisako!”

Imisebenti yebaPhostoli 11:10

Loku kwenteka emahlandla lamatsatfu, ekugcineni yonkhe intfo yakhushulelwa emuva yenyuselwa ezulwini.

Dutheronomi 23:6

Ningacali nisente nabo sivumelwane sekuthula nekuvana nabo, yingci nanisaphila.