Numeri 23:21 - Siswati 1996 Bible

²¹ “Kute emashwa latakwehlela Jakobe, Israyeli angeke abe nelusizi. Simakadze Nkulunkulu wabo, unabo; kumenyetwa nekudvunyiswa kweNkhosi kusemkhatsini wabo.

Numeri 23:21 Cross References

2 Tikhronike 13:12

Nkulunkulu unatsi, yena ungumholi wetfu. Baphristi bakhe labaphetse emacilongo abo batakuwashaya, khona sitekulwa nani. Madvodza aka-Israyeli, ningalwi naSimakadze, Nkulunkulu waboyihlo, ngobe ningeke niphumelele.”

Tihlabelelo 103:12

Njengobe imphumalanga yehlukene nenshonalanga utikhweshise kangako-ke tono tetfu kitsi.

Tihlabelelo 118:15

Kuvakala emaphimbo ekwetsaba laphuma etindlini talabangcwele atsi: “Sandla sekudla saSimakadze sisebenta ngemandla.

Tihlabelelo 135:21

Akabongwe Simakadze eSiyoni, yena lohlala eJerusalema. Akabongwe Simakadze.

Tihlabelelo 23:4

Nome ngihamba esigodzini lesinelitfunti lekufa, angesabi lutfo lolubi, ngobe wena unami; intfonga yakho neludvondvolo lwakho kuyangivikela.

Tihlabelelo 32:2

Ubusisiwe umuntfu Nkulunkulu langambaleli tiphambuko takhe, lonenhlitiyo lete inkhohliso.

Tihlabelelo 32:5

Ngasivuma kuwe sono sami, angizange ngisifihle siphambuko sami. Ngatsi: “Ngiyawutivuma kuSimakadze tono tami.” Wena walitsetselela licala lesono sami. Cabanga.

Tihlabelelo 46:11

Nkulunkulu Somandla unatsi, Nkulunkulu waJakobe usiphephelo setfu. Cabanga.

Tihlabelelo 46:7

Nkulunkulu Somandla unatsi, Nkulunkulu waJakobe usiphephelo setfu. Cabanga.

Tihlabelelo 97:1

Simakadze uyabusa, umhlaba awujabule netichingi tonkhe tijabule.

Tihlabelelo 99:2

Simakadze mkhulu eSiyoni, uphakeme ngetulu kwetive tonkhe.

Eksodusi 13:21

Emini Simakadze abehamba embikwabo ngensika yelifu abakhombisa indlela, bese kutsi ebusuku ahambe embikwabo ngensika yemlilo kuze abakhanyisele indlela, khona batewuhamba busuku nemini.

Eksodusi 3:12

Nkulunkulu watsi: “Mine, ngitawuba nawe. Nasi-ke sibonakaliso loyawubona ngaso kutsi ngimi lona lokutfumile: Kuyawutsi nase ubakhiphile bantfu bami eGibhithe, bese niyeta nifike ningikhonte kulentsaba.”

Eksodusi 34:9

Wakhuluma watsi: “Simakadze, nangabe ngizuze umusa emehlweni akho, ngicela kutsi uhambe natsi, nome sisive lesinenhloko lelukhuni. Tsetselela kona netono tetfu, usente sibe lifa lakho.”

Isaya 1:18

Simakadze utsi: “Wotani manje sitewubonisana. Nome tono tenu tibovu njengengati, titawuba mhlophe njengangcocwane, nome tibovu tju, titawuba mhlophe njengeboya bemvu.

Isaya 12:6

Memetani kakhulu, nihlabele ngenjabulo, nine bantfu baseSiyoni, ngobe mkhulu lowo Longcwele waka-Israyeli losemkhatsini wenu.”

Isaya 33:21

Lapho-ke Simakadze uyawuba nguLonemandla wetfu. Kuyawufanana nendzawo lenemifula lebanti nemifudlana. Kute sikebhe lesinetigwedlo lesiyawuhamba kuyo, kute ngisho nemkhumbi lonemandla lotawuntjweza kuyo.

Isaya 33:22

Ngobe Simakadze ngumehluleli wetfu; Simakadze nguyena sishayamtsetfo setfu, Simakadze yinkhosi yetfu, nguye lotasisindzisa.

Isaya 38:17

Empeleni wentele kusita mine lokutsi ngive tinhlungu letinje. Elutsandvweni lwakho wangisindzisa emgodzini wembhubhiso, utsatse tonkhe tono tami watilahla emvakwakho.

Isaya 41:10

Ngako-ke ungesabi, ngobe mine nginawe; ungajabhi, ngobe mine nginguNkulunkulu wakho. Ngitakucinisa ngikusite, ngiyakukubamba ngesandla sami sekudla lesilungile.

Isaya 8:10

Takheleni emasu enu, kodvwa atakwehlulekiswa; yentani emachinga enu, kodvwa ngeke aphumelele; ngobe Nkulunkulu unatsi.

Jeremiya 50:20

Kulawo malanga, nangaleso sikhatsi, kuyawuphenywa ngelicala laka-Israyeli, kodvwa aliyiwutfolakala, kuphenywe nangetono takaJuda, kodvwa kute nasinye lesiyawutfolakala, ngobe ngiyakuyitsetselela insali lengayishiya,” kusho Simakadze.

Hezekeli 48:35

“Sebubonkhe budze balelidolobha kutungeleta lonkhe buyawuba ngemakhilomitha langaba yimfica. “Libito lalelidolobha kusukela ngaleso sikhatsi sekuyawutsiwa: ngusimakadze ulapha.”

Joweli 2:27

Niyawube seniyati kutsi ngika-Israyeli, nekutsi nginguSimakadze Nkulunkulu wenu, nekutsi futsi kute lomunye ngaphandle kwami. Sive sami singeke siphindze sihlazeke.”

Levithikusi 9:24

Kwachamuka umlilo usuka kuSimakadze wacedza lomnikelo wekushiswa kanye nemanoni labesetikwelilati. Satsi kube sive sikubone loku, samemeta sakhotsamisa nebuso baso, sawela phansi.

Numeri 14:18

‘Simakadze uyephuta kutfukutsela andze ngemusa, atsetselele sono nekuhlubuka. Noko lonelicala akamshiyi angakamjezisi; yena ujezisa bantfwana ngesono saboyise situkulwane sesitsatfu nesesine.’

Numeri 14:19

Njengobe wena, Simakadze, unelutsandvo lolukhulu, tsetselela sono salabantfu njengobe bewusolo ubatsetselela, kusukela besuka eGibhithe kuze kube ngunyalo.”

Numeri 16:3

Babutsana ndzawonye bahlasela boMosi na-Aroni, batsi kubo: “Senihambe kakhulu! Sonkhe lesive singcwele, bonkhe ngamunye ngamunye wabo, futsi naNkulunkulu unabo. Nine-ke nitiphakamiselani etikwalesive saSimakadze?”

Numeri 9:22

Kwakutsi lelifu nalihleti etikwalelithende lekukhontela emalanga lamabili nome inyanga nome umnyaka, ema-Israyeli abechubeka kuhlala lapho, angatfutsi; kodvwa lalitsi lingaphakama, nawo vele atfutse.

Matewu 1:23

“Bheka, intfombi iyawukhulelwa itale indvodzana, libito layo kuyawutsiwa ngu-Imanuweli,” lokusho kutsi: “Nkulunkulu unatsi.”

KubaseRoma 6:14

Sono akusafanele sibuse etikwenu, ngobe anisaphili ngaphansi kwemtsetfo, kodvwa niphila ngaphansi kwemusa.

KubaseRoma 8:1

Sekute kulahlwa kulabo labakuKhristu Jesu.

2 kubaseKorinthe 2:14

Kodvwa akabongwe Nkulunkulu losihola njalo eludvwendvweni lwekuncoba ngaKhristu. Nkulunkulu usebentisa tsine kutsi etindzaweni tonkhe avakalise liphunga lelimnandzi lekumati Khristu.

2 kubaseKorinthe 5:19

loku kusho naku: Nkulunkulu ubuyisene nelive ngaKhristu. Bantfu akababambeli emagcubu ngetono tabo, kodvwa usiphatsise livi lekubuyisana.

2 kubaseKorinthe 6:16

Nhlanganyelo yini lesemkhatsini welithempeli laNkulunkulu netithico? Ngobe tsine silithempeli laNkulunkulu lophilako; njengobe Nkulunkulu watsi: “Ngiyawuhlala kubo, ngihambe emkhatsini wabo; ngiyawuba nguNkulunkulu wabo, bona bayawuba sive sami.”

Dutheronomi 31:23

Simakadze wanika lowo myalo kuJoshuwa, umsa waNuni, watsi: “Cina ube nesibindzi, ngobe nguwe lotawungenisa ema-Israyeli eveni lengabetsembisa lona ngesifungo, mine matfupha ngiyawuba nawe.”

Dutheronomi 32:5

Bonile kuye, batindlisamahloni. Ngako-ke abasesibo bantfwana bakhe, kodvwa situkulwane lesesigwegwile, nalesintsamo yaso ishwilekile.

Dutheronomi 33:5

Simakadze waba yinkhosi yakaJeshuruni ngesikhatsi baholi besive bahlangene netive taka-Israyeli.

Dutheronomi 9:24

Nine anizange nimlalele Simakadze, seloku ngacala kunati.

Tikhulu 6:13

Gideyoni waphendvula watsi: “Kodvwa mnumzane, nangabe Simakadze anatsi, konkhe loku kwentekelani kitsi? Tiphi tonkhe letimangaliso takhe, bobabe lababesitjela ngato nabatsi: ‘Simakadze akasikhuphulanga yini, wasikhipha eGibhithe?’ Kodvwa manje Simakadze usishiye wasinikela etandleni temaMidiyani.”

1 Samuweli 25:28

Ngicela inceku yakho uyitsetselele ngalesono lesentile, ngobe Simakadze utakwenta ube yinkhosi wena kanye netitukulwane takho, ngobe ulwa timphi takhe. Shangatsi kungabate lokubi lokutfolakala kuwe, yingci nawusaphila.