Numeri 22:7 - Siswati 1996 Bible

⁷ Ngako-ke baholi bakaMowabi nebakaMidiyani besuka bahamba baphatsa imali yekuphengula. Batsi nabefika kuBhalamu, bafike bamtjela loko bebakutfunywe nguBhalaki.

Numeri 22:7 Cross References

Isaya 1:23

Babusi benu babahlubuki, babangani bemasela; bonkhe batsandza imidizo, balandzelana netipho. Ababavikeli labo labate boyise; ngisho nendzaba yemfelokati abayinaki.

Isaya 56:11

Batinja letitsandza kakhulu kudla, abesutsi. Babelusi labangenakucondza, bonkhe bajikela etindleleni tabo, ngulowo nalowo bese utifunela kwakhe.

Hezekeli 13:19

Nine ningihlambalatile emkhatsini wesive sami, ngobe nicondze kutfola emabinta lambalwa nje ebhali netingebhuta letimbalwa tesinkhwa. Ngekukhuluma emanga esiveni sami, lesilalela emanga, nibabulele labo lebekufanele bangafi, nasindzisa lebekufanele bafe.

Hezekeli 21:21

Ngobe inkhosi yaseBhabhulona itakuma lapho lomgwaco wehlukana khona, esiphambanweni semigwaco lemibili, bese iyaphengula: Itakwenta inkatho ngemicibisholo, ibute etithicweni tayo, ihlole nasesibindzini sesilwane.

Mikha 3:11

Babusi balamadolobha bawabusa ngekudizelwa, kanjalo nebaphristi bayatsengwa kuze bachaze bahumushe nemtsetfo, nebaphrofethi imibono netembulo tabo batichaza ngekudizelwa; noko basajinge bachoshe ngekutsi Simakadze unabo, batsi: “Kute lokutasehlela, ngobe Simakadze unatsi.”

Numeri 22:8

Bhalamu wabaphendvula watsi: “Lalani lapha kulobusuku, kusasa ngitanibuyela nemphendvulo levela kuSimakadze.” Ngako labaholi bakaMowabi balala kaBhalamu.

Numeri 23:23

Kute longaloya Jakobe, kute longaphengula Israyeli; kuyawukhulunywa ngaJakobe nanga-Israyeli kutsiwe: ‘Bukani lokwentiwe nguNkulunkulu!’

Numeri 24:1

Ngaleso sikhatsi Bhalamu bese ati kahle kutsi kuyamjabulisa Simakadze nakabusisa lesive sema-Israyeli, ngako akazange aphindze afune letinye tibonakaliso njengakucala, kodvwa wesuka wabheka ngasehlane.

KubaseRoma 16:18

Ngobe labo labenta njalo, abakhonti yena Khristu iNkhosi yetfu, kodvwa bakhonta tisu tabo; nangemavi lamahle nalamnandzi bayenga tinhlitiyo talabo labangakahlakaniphi.

kuThithusi 1:11

Labo bafanele kubindziswa, ngobe bacitsa emakhaya ngekufundzisa timfundziso letingakafaneli, bentele kutfola ingcebo ngebubi.

Joshuwa 13:22

Ngetulu kwalabo lababebulewe emphini, ema-Israyeli abebulele agwaza Bhalamu, umsa waBheyori, labesangoma.

2 yaPhetro 2:15

Bashiye indlela lecondzile bedukela endleleni yaBhalamu, umsa waBheyori, lowatsandza umvuzo lomubi.

YaJuda 1:11

Maye kubo, ngobe bahamba ngendlela yaKhayini; bagijimela ekwedukeni kwaBhalamu ngenca yemvuzo; bahlubukile njengaKhora, nabo babhubha.