Numeri 22:12 - Siswati 1996 Bible

¹² Kodvwa Nkulunkulu wakhuluma kuBhalamu, watsi: “Ungacali uhambe nawo. Ungasibeki sicalekiso kuleso sive leso, ngobe sabusiswa.”

Numeri 22:12 Cross References

Genesisi 12:2

Ngitakwenta ube sive lesikhulu, ngikubusise, ngente libito lakho libe likhulu, wena ube sibusiso.

2 Tikhronike 31:10

Azariya, umPhristi Lomkhulu, wendlu yakaSadoki, waphendvula watsi: “Solomane kwesukela mzukwana sive sicala kuletsa iminikelo yaso ethempelini laSimakadze, besinekudla lokunyenti, besidla sesutse kuze kusale, ngobe Simakadze usibusisile sive sakhe, letindvundvuma nje sengulokusele.”

Tihlabelelo 144:15

Sibusisiwe sive lesinaletibusiso! Sibusisiwe leso sive Nkulunkulu waso lekunguSimakadze!

Tihlabelelo 146:5

Ubusisiwe umuntfu lomsiti wakhe kunguNkulunkulu waJakobe, lolitsemba lakhe likuSimakadze, Nkulunkulu wakhe.

Isaya 61:9

Titukulwane tabo tiyakwatiwa emkhatsini wetive, nentalelwane yabo emkhatsini wetive. Bonkhe labababonako bayawuvuma kutsi basive lesibusiswe nguSimakadze.”

Mikha 6:5

Sive sami, khumbulani inkhosi Bhalaki waseMowabi kutsi abefuna kwentani kini; nikhumbule nekutsi Bhalamu, umsa waBheyori, wamphendvula kanjani. Khumbulani konkhe lokwanehlela endleleni nisuka emathendeni aseShithimu niya eGilgali. Khumbulani yonkhe imisebenti yaSimakadze, khona-ke nitabe seniyabona kutsi ngatihlupha kanganani kuze nginisindzise.”

Numeri 22:11

‘Kunesive lesaphuma kulela laseGibhithe lesigcwele umhlaba wonkhe. Ngako wota utengicalekisela sona, kumbe ngingakhona kusehlula ngisicoshe kulelive lami.’ ”

Numeri 22:13

Ngakusasa ekuseni Bhalamu wavuka watjela labaholi lababetfunywe nguBhalaki, watsi: “Hambani nibuyele eveni lakini, Simakadze walile kutsi ngihambe nani.”

Numeri 22:6

Manje kota utengicalekisela lesive, ngobe sinemandla kakhulu kunami; kumbe ngingakhona kusehlula ngisikhiphe lapha eveni lami. Ngiyati kutsi lababusiswa nguwe bayabusiseka, nalabo labacalekiswa nguwe bayacalekiseka.”

Numeri 23:23

Kute longaloya Jakobe, kute longaphengula Israyeli; kuyawukhulunywa ngaJakobe nanga-Israyeli kutsiwe: ‘Bukani lokwentiwe nguNkulunkulu!’

Numeri 23:3

Bhalamu wakhuluma kuBhalaki, watsi: “Mani lapha eceleni kwemnikelo wakho, mine ngisaphambuka; ngisafuna kuhlola kutsi Simakadze utawuhlangabetana yini nami. Loko langembulela kona nawe ngitakwatisa.” Asakushito loko, wase ukhuphukela egcumeni lelingenatihlahla.

Numeri 23:8

Ngingabacalekisa kanjani labo labangakacalekiswa nguNkulunkulu? Ngingabajivaza kanjani labo labangakajivazwa nguSimakadze?

Numeri 24:9

Njengelibhubesi bayahoshoba bacambalale phansi, yebo, nanjengelibhubesi lelisikati, ngubani nje longacala abavuse? “Ababusiswe labo labakubusisako, bacalekiswe labo labakucalekisako!”

Matewu 27:19

Watsi Philatu asahleti esihlalweni sekwehlulela, umfati wakhe watfumela kuye livi atsi: “Ungatifaki endzabeni yalowo muntfu longenacala, ngobe angikalali ngihlushwa ngaye ngeliphupho ebusuku balamuhla.”

KubaseRoma 11:29

Phela Nkulunkulu akakuguculi kwephana kwakhe kwamahhala nekubita kwakhe.

Kubase-Efesu 1:3

Akabongwe Nkulunkulu longuYise weNkhosi yetfu Jesu Khristu, ngobe usibusise kuKhristu ngato tonkhe tibusiso taMoya tasezulwini.

Dutheronomi 2:7

“Simakadze Nkulunkulu wenu unibusisile ngayo yonkhe imisebenti yenu yetandla leniyentako. Uninakekele ngesikhatsi nisahamba nidzabula lelihlane lelikhulukati. Kuyo yonkhe leminyaka lengema-40 Simakadze Nkulunkulu wenu abesolomane anani, anizange seneswele lutfo.

Dutheronomi 23:5

Kodvwa noko Simakadze Nkulunkulu wenu akazange afune kulalela Bhalamu, wagucula lesicalekiso saba sibusiso kini, ngobe Simakadze Nkulunkulu wenu uyanitsandza.

Dutheronomi 28:6

“Niyawubusiswa naningena, nibusiswe nome niphuma.

Dutheronomi 33:29

Ubusisiwe wena, Israyeli! Ngubani lofanana nawe, sive lesisindziswe nguSimakadze? Nguye losihlangu sakho nemsiti wakho, nenkemba yakho yeludvumo. Titsa takho tiyawutiletsa kuwe, wena uyakutigcobagcoba tindzawo tato letiphakeme.”

Dutheronomi 7:14

Niyawubusiswa kwendlula tonkhe tive; kute lomdvuna nome lomsikati longeyiwutala umntfwana, ngisho netifuyo tenu tingeke tibe tinyumba.