Numeri 20:8 - Siswati 1996 Bible

⁸ “Tsatsa lendvuku, bese-ke wena na-Aroni, umnakenu, nibutsela sonkhe sive ndzawonye. Khuluma kulelidvwala, embikwaso sibuka, litawube selikhipha emanti. Uyawukhipha emanti kulelidvwala, kuze sonkhe sive kanye netifuyo taso sinatse kulo.”

Numeri 20:8 Cross References

Genesisi 18:14

Kukhona yini lokungamehlula Simakadze? Njengobe sengishito, ngitawubuya la kuwe ngemnyaka lotako. Sara utawuba nendvodzana.”

Nehemiya 9:15

Ekulambeni kwabo wabapha sinkhwa lesasichamuka ezulwini, kwatsi ekomeni kwabo wabanatsisa emanti labephuma edvwaleni. Wabatjela kutsi abangene badle lelive, lewawufunge ngalo ngekuphakamisa sandla sakho kutsi uyakubapha lona.

Tihlabelelo 105:41

Wavula lidvwala, kwampompota emanti, ageleta ehlane njengemfula.

Tihlabelelo 114:8

Simakadze ugucula lidvwala libe lichibi lemanti, ancibilikise tiphongotja tetintsaba tibe ngimitfombo yemanti.

Tihlabelelo 33:9

Ngobe wakhuluma, kwenteka; wakhalima, kwaba khona lutfo.

Eksodusi 14:16

Phakamisa indvuku yakho uyengamise etikwelwandle. Emanti atakwehlukana ekhatsi, kuze sive sema-Israyeli sewele lwandle sihamba emhlabatsini lowomile.

Eksodusi 17:9

Mosi wakhuluma kuJoshuwa watsi: “Sikhetsele emadvodza uhambe nawo uyekulwa nema-Amaleki. Mine ngitakwenyuka kusasa ngiye esicongweni seligcuma, ngiphetse indvuku Nkulunkulu langitjela kutsi ngiyiphatse.”

Eksodusi 4:17

Kodvwa ubotsatsa lendvuku yakho uhambe nayo utakwenta ngayo imimangaliso.”

Eksodusi 4:2

Simakadze wambuta watsi: “Yini lena lesesandleni sakho?” Waphendvula watsi: “Yindvuku.”

Eksodusi 4:20

Ngako Mosi watsatsa umkakhe nemadvodzana akhe wabagibelisa embongolweni, wahamba wabuyela eGibhithe. Esandleni sakhe Mosi abephetse lendvuku yaNkulunkulu.

Eksodusi 7:20

BoMosi na-Aroni benta njengobe babeyalwe nguSimakadze. Aroni waphakamisa indvuku yakhe embikwaFaro netiphatsimandla takhe washaya emanti emfula iNayili. Onkhe emanti lakuyo agucuka aba yingati.

Isaya 43:20

Tilwane tesiganga tiyangihlonipha, yebo, timphungutja kanye netahhukulu, ngobe ngiveta emanti ehlane nemifula eveni leligagadzekile, ngentele kunatsisa sive sami lesikhetsiwe,

Isaya 48:21

Abazange sebome ngesikhatsi abahola ehlane; wabavulela emanti agobhota edvwaleni, wacheketa lidvwala, kwampompota emanti.

Numeri 20:11

Ngako Mosi waphakamisa sandla sakhe washaya lelidvwala kabili ngalendvuku, emanti ampompota kulelidvwala, banatsa bona bonkhe kanye netifuyo tabo.

Numeri 20:7

Simakadze wakhuluma kuMosi, watsi:

Numeri 21:15

nemacele etihosha lehlela edolobheni lase-Ari, ehlele nangasemnyeleni welive lakaMowabi.”

Numeri 21:18

umtfombo lowembiwa ngemakhosi wembiwa nabaholi, wembiwa ngetindvuku tebukhosi, kanye nangemizaca yawo.” Esuka lapho kulelo hlane aya eMathana,

Matewu 21:21

Jesu wabaphendvula watsi: “Ngicinisile, ngitsi kini: Naninekukholwa ningangabati, ngeke nente emkhiwaneni kuphela, kodvwa nome nitsi kulentsaba: ‘Cukuleka, uye ujikeke elwandle,’ kuyakwenteka.

Lukha 11:13

Nome ningakalungi kodvwa niyakwati kupha bantfwabenu tintfo letinhle, kakhulu kangakanani-ke, Babe losezulwini uyawubanika Moya Longcwele labo labamcelako.”

Johane 16:24

Sekuze ngunyalo anikaceli lutfo egameni lami. Celani nitawuphiwa, kuze kutfokota kwenu kuphelele.”

Imisebenti yebaPhostoli 1:14

Bonkhe laba bacinisela njalo nganhlitiyo yinye ekukhulekeni nasekuncuseni kunye, kanye nebafati naMariya, unina waJesu, nabomnakaboJesu.

Joshuwa 6:20

Atsi kube emacilongo akhale kakhulu, sive sonkhe samemeta kakhulu. Satsi kube sive sonkhe sive kukhala kwelicilongo, samemeta, lubondza lwelidolobha lwahhihlikela phansi; ngako nguleyo naleyo ndvodza yangena yacondza ekhatsi, balidla lidolobha.

Joshuwa 6:5

Nitawutsi ningeva bawashaya badvonsa sikhatsi lesidze, bonkhe bantfu bamemete kakhulukati; lubondza lwalelidolobha lutakuwa, bantfu bese bangena ngekhatsi, ngulowo nalowo lapho angakhona khona.”

Sembulo 22:1

Lengilosi yase ingikhombisa umfula wemanti ekuphila, wawukhanya njengengilazi lekhanya kubonakale ngale. Emanti awo abegeleta aphuma esihlalweni sebukhosi saNkulunkulu neseliWundlu.

Sembulo 22:17

Moya namakoti batsi: “Kota!” Wonkhe umuntfu lovako akatsi: “Kota!” Lowo lowomile akete; nalowo lofuna emanti ekuphila, akawanatse mahhala.