Numeri 2:3 - Siswati 1996 Bible

³ “Ngasemphumalanga kufanele kukambe ticheme tenkambu lenesiboniso sebuve bakaJuda. Umholi wesive sakaJuda nguNasoni, umsa wa-Aminadabi.

Numeri 2:3 Cross References

Genesisi 35:22

Israyeli asahleti kuleyo ndzawo, Rubeni walala nenina lomncane, Bhilha, lomunye webafati beyise. Israyeli wakuva loko. Asawonkhe emadvodzana aJakobe abelishumi namabili.

Genesisi 35:23

Emadvodzana aLeya bekuboRubeni, litubulo laJakobe, bese kuba nguSimeyoni, naLevi, naJuda, na-Isakhari, naZebuloni.

1 Tikhronike 2:10

Ramu abenguyise wa-Aminadabi, Aminadabi anguyise waNasoni, umholi wesive sakaJuda.

1 Tikhronike 5:2

Noko kwase kuba nguJuda lowaba sive lesasinemandla kakhulu, ngiso lesabe sesitala umbusi wato tonkhe tive tema-Israyeli, nome nje emalungelo ebutubulo abenikwe Josefa.

Eksodusi 6:23

Aroni watsatsa Elisheba, indvodzakati ya-Aminadabi, dzadzewaboNasoni. Wamtalela Nadabi, na-Abihu, na-Eleyazare, na-Ithamari.

Numeri 1:5

Lawa-ke ngemabito emadvodza lenitawusitana nawo kulomsebenti: “Emndenini wakaRubeni kuyawuba ngu-Elisuri, umsa waShedewuri.

Numeri 1:7

Emndenini wakaJuda kuyawuba nguNasoni, umsa wa-Aminadabi.

Numeri 10:5

Licilongo nalikhala tikhawu letimfisha kwekucala, tonkhe tive letingasemphumalanga tiyawuphuma tihambe.

Numeri 2:4

Sicheme saso saba ti-74 600.

Numeri 3:38

Mosi, na-Aroni nemadvodzana akhe bebafanele bakambe ngasemphumalanga nendzawo lengcwele, lapho kuphuma lilanga ngakhona, embikwelithende lekuhlangana. Bona babekelwa inkonzo yekunakekela indzawo lengcwele egameni lema-Israyeli. Wonkhe umuntfu, ngaphandle kwawo, lobekasondzela eceleni kwayo abefanele abulawe, afe.

Numeri 7:12

Lowaletsa umnikelo wakakhe ngelilanga lekucala kwaba nguNasoni, umsa wa-Aminadabi, wesive sakaJuda.

Numeri 7:17

tinkunzana letimbili, netihhanca letisihlanu, netiphongo letisihlanu, nemazinyane lamadvuna etimvu lasihlanu lanemnyaka munye budzala, kutsi kutewuba ngumnikelo wekuthula. Kwaba ngulowo-ke umnikelo waNasoni, umsa wa-Aminadabi.

Matewu 1:4

Ramu watala Aminadaba; Aminadaba watala Nasoni; Nasoni watala Salmoni;

Ruthe 4:20

Aminadabi watala Nasoni; Nasoni watala Salmoni,