Numeri 19:3 - Siswati 1996 Bible

³ Niyawulinika Eleyazare, umphristi, liyawukhishelwa ngephandle kwenkambu lihlatjelwe embikwakhe.

Numeri 19:3 Cross References

Levithikusi 16:27

Inkunzi nalembuti yeminikelo yesono, ingati yayo lengeniswe endzaweni lengcwelengcwele kuyawukwenta inhlawulo yekubuyisana kuSimakadze kufanele kutsatfwe kukhishelwe ngaphandle kwenkambu; tikhumba tato, nenyama yato, nekwangekhatsi kwato kushiswe ngemlilo.

Levithikusi 24:14

“Mkhipheleni ngaphandle kwenkambu lomhlambalati, bese kutsi bonkhe laba labamvile babeke tandla etikwenhloko yakhe, sive sonkhe simtselekele simgcobe ngematje.

Levithikusi 4:11

Kodvwa uyawutsatsa sikhumba sayo, nenyama yayo yonkhe, nenhloko yayo, nemilente yayo, nekwangekhatsi kwayo, nemswane wayo.

Levithikusi 4:12

Yonkhe lenkunzana uyawuyitsatsa aphumele nayo ngaphandle kwenkambu endzaweni lehlantekile ngekwemtsetfo, lapho kucitfwa khona umlotsa, afike akushisele khona ngemlilo wetinkhuni, etikwendvundvuma yemlotsa.

Levithikusi 4:21

Lenkunzana uyawube sewuyayitsatsa, aphumele nayo ngaphandle kwenkambu afike ayishisele khona, njengobe entile nakashisa umnikelo wekucala. Lona-ke ngiwo umhlatjelo wekususa sono sesive sonkhe.

Numeri 15:36

Ngako-ke sive sayitsatsa sayikhiphela ngephandle kwenkambu, sayigcoba ngematje yaze yafa, njengobe Simakadze abeyale Mosi.

Numeri 19:9

“Kuyawutsi umuntfu lohlantekile kube nguyena abutsa lomlotsa walelitfokati ayewulahla ngephandle kwenkambu endzaweni lehlobile ngekwemtsetfo, uhlaliswe lapho, uhlalele kutsi sive sema-Israyeli siwusebentise emantini ekuhlambulula nasitewugeza sono ngawo.

Numeri 3:4

kodvwa boNadabi na-Abihu bawa phansi bafa embikwaSimakadze ngesikhatsi banikela ngemlilo lowawungengcwele eHlane laseSinayi. Babete emadvodzana; ngako-ke Eleyazare na-Ithamari baba baphristi ngesikhatsi sonkhe sekuphila kweyise, Aroni.

Numeri 5:2

“Yala ema-Israyeli uwatjele kutsi wonkhe umuntfu lonesifo salokusabulephelo nome lonekuvuta nome kwaluphi luhlobo, nome longcole ngenca yesidvumbu latsintsene naso, akacoshwe akhishelwe ngephandle kwenkambu.