Numeri 18:9 - Siswati 1996 Bible

⁹ Itawuba ngeyenu incenye yaleminikelo lengcwelengcwele lengayiswa emlilweni. Kuto tonkhe tipho labatiletsa kimi njengeminikelo lengcwelengcwele, nome ingeyalokutinhlavu nome yesono nome yelicala, leyo ncenye lengcwele kakhulu yakho nemadvodzana akho.

Numeri 18:9 Cross References

2 Emakhosi 12:17

Ngaleso sikhatsi Hazayeli, inkhosi yaseSiriya, yakhuphuka yayawuhlasela iGathi, yayitfumba; yesuka lapho yacondza eJerusalema, nayo yayihlasela.

Nehemiya 10:36

“Njengobe kubhaliwe futsi emtsetfweni, sitawuletsa ematubulo etfu labafana, newetinkhomo tetfu, newemihlambi yetfu, newetifuyo tetfu, endlini yaNkulunkulu wetfu, kulabo baphristi labayawube bakhonta ngaleso sikhatsi.

Hezekeli 42:13

Lendvodza yakhuluma kimi, yatsi: “Lamakamelo langasenyakatfo nangaseningizimu labhekene nelibala lelithempeli ngemakamelo langcwele ebaphristi, lapho baphristi labatakuya kuSimakadze batawufike badlele khona iminikelo lengcwelengcwele. Ngulapho-ke lapho bayawubeka khona iminikelo lengcwelengcwele: iminikelo yalokutinhlavu, neminikelo yesono kanye neminikelo yelicala, ngobe lendzawo ingcwele.

Hezekeli 44:29

Bayawudla iminikelo yalokutinhlavu neminikelo yesono, neminikelo yesono, neminikelo yelicala. Konkhe lokunikelwe kuSimakadze ka-Israyeli kuyawuba kwabo.

Levithikusi 10:17

“Anikawudleli ngani endzaweni lengcwele lomnikelo wesono? Lomnikelo ungcwele kakhulu, futsi unikelwe kini, khona kutewususwa sono sesive ngekwenta umsimeto wekutsetselelwa kwetono taso embikwaSimakadze.

Levithikusi 14:13

Kufanele lelizinyane lemvu alibulalele endzaweni lapho kwentelwa khona umnikelo wesono kanye nemnikelo wekushiswa endzaweni lengcwele. Umnikelo welicala, njengemnikelo wesono, ngekwemphristi, ngobe ungcwele kakhulu.

Levithikusi 2:10

Incenye yawo lesele iyawuba sabelo sa-Aroni nemadvodzana akhe; ingcwele kakhulu ngobe itsetfwe emnikelweni lowentiwa ngemlilo kuSimakadze.

Levithikusi 22:11

Kodvwa nangabe umphristi atsenga sigcili njengemphahla yakhe yemali, lesigcili singadla kulokungcwele, nome ngulesitalelwe kulowo mndeni naso singadla kulokungcwele.

Levithikusi 22:7

Nakushona lilanga, utawuhlanteka; emvakwaloko sangatidla leto tintfo letingcwele, ngobe phela tikudla kwakhe.

Levithikusi 4:22

“ ‘Nangabe kone umholi, waba nelicala lekwephula umyalo waSimakadze longuNkulunkulu wakhe, angakacondzi,

Levithikusi 4:27

“ ‘Nangabe kone umuntfu nje, abe nelicala lekwephula lomunye wemiyalo yaSimakadze, angakacondzi,

Levithikusi 5:1

“ ‘Nangabe umuntfu onile ngekutsi atsi afunwa ngumtsetfo kutsi atewufakaza ecaleni, kepha angabe asafakaza ngaloko lakubonile nome lakuvile, kufanele ajeziselwe lelo cala lakhe.

Levithikusi 5:6

Inhlawulo yaso kufanele kube lizinyane lelisikati, lemvu nome lembuti, kube ngumhlatjelo wesono kuSimakadze. Umphristi utamentela inhlawulo yekubuyisana kuSimakadze ngesono sakhe.

Levithikusi 6:17

Akuyiwuphekwa ngembiliso. Loko ngibanikele kutsi kube sabelo sabo kuleminikelo leletfwe kimi kutsi ishiswe ngemlilo; kungcwelengcwele, njengawo umnikelo wesono nemnikelo welicala.

Levithikusi 6:19

Simakadze wachubeka wakhuluma kuMosi, watsi:

Levithikusi 6:30

Kodvwa nangabe kuletfwa umnikelo wesono ethendeni lekuhlangana, ingati yawo letawuhlawulela sono endzaweni lengcwele, lowo mnikelo akukafaneli udliwe; kufanele ushiswe.’ ”

Levithikusi 7:1

“ ‘Lena-ke ngimitsetfo lecondzene neminikelo yemacala, ngiminikelo lengcwelengcwele:

Levithikusi 7:6

Bonkhe labadvuna lababemndeni webaphristi bavunyelwe kuwudla lomnikelo. Kufanele udlelwe endzaweni lengcwele; ungcwelengcwele.

Levithikusi 7:7

“ ‘Indlela yekuphatfwa kwemnikelo welicala kanye nemnikelo wesono iyawufanana. Inyama iyawuba yalowo mphristi lowenta inhlawulo yekubuyisana.

Numeri 18:10

Uyakuwudla njengentfo lengcwelengcwele; wonkhe lomdvuna uyakuwudla. Kufanele uwutsatse ube ngcwele.

Dutheronomi 18:1

“Baphristi labangemaLevi, bona ngempela besive semaLevi, akukafaneli babe nesabelo nome lifa kanye nesive sema-Israyeli. Bona bayawuphila ngeminikelo leyentiwa ngemlilo kuSimakadze, ngobe loko ngukona kulifa labo.