Numeri 15:7 - Siswati 1996 Bible

⁷ kunikelwe kanye neliwayini lelingaba yilitha nencenye, kube ngumnikelo wesinatfo. Kunikele kube liphunga lelinuka lusi lolumnandzi kuSimakadze.

Numeri 15:7 Cross References

1 Tikhronike 29:21

Ngelilanga lelilandzelako benta imihlatjelo neminikelo yekushiswa kuSimakadze: tinkunzi letiyinkhulungwane, netihhanca letiyinkhulungwane, nemazinyane lamadvuna etimvu latinkhulungwane, neminikelo yayo yetinatfo kanye naleminye imihlatjelo leminyenti, bentela Israyeli wonkhe.

Eksodusi 29:40

Lelizinyane lelitabonikelwa ekuseni libohambisana nemphuphu yakolo locolisakele leyikhilogremu yinye, lebhicwe nelitha yinye yemafutsa emncumo. Utsele ilitha yinye yeliwayini ibe ngumnikelo wesinatfo.

Numeri 15:6

Nawunikela ngesihhanca, bhica fulaha wemnikelo walokutinhlavu longemakhilogremu langaba mabili labhicwe nemafutsa emncumo langaba yilitha nencenye,

Numeri 15:8

Nawulungisa inkunzana kutsi ibe ngumnikelo wekushiswa nome ibe ngumhlatjelo wesetsembiso lesitsite nome semnikelo wekuthula kuSimakadze,

Numeri 28:2

“Yala sive sema-Israyeli utsi: ‘Caphelani kutsi niletse kimi ngesikhatsi lesimisiwe kudla lokungumnikelo wami lowentiwa ngemlilo, kube liphunga lelinuka lusi lolumnandzi kimi.’

Numeri 28:7

Uyawuhambisana nemnikelo wesinatfo lesingaba yilitha yinye ngelizinyane linye. Kuyawutselwa kuSimakadze umnikelo wesinatfo lesinemandla endzaweni lengcwele.

Numeri 6:15

Uyawunikela nangelibhasikidi linye letinkhwa letingenambiliso, nangemacebelengwane lentiwe ngafulaha lobhicwe nemafutsa emncumo, nangemicatsane legcotjiswe ngemafutsa emncumo, bese wengeta nangemnikelo wakhe walokutinhlavu neweliwayini.

Tikhulu 9:13

“Kodvwa lomvini waphendvula, watsi: ‘Ngingacala ngilahle leliwayini lami lelingulona lijabulisa bonkulunkulu nemadvodza, ngiyewuhamba ngintengetela etikwetihlahla?’