Numeri 15:3 - Siswati 1996 Bible

³ nibobe seniletsa iminikelo leyentiwa ngemlilo kuSimakadze, ibe yetinkhomo, nome yetimbuti, nome yetimvu, kube liphunga lelinuka lusi lolumnandzi kuSimakadze. Kungaba ngumnikelo wekushiswa, nome umhlatjelo wekugcwalisa setsembiso lesitsite, nome umnikelo wesihle, nome iminikelo yemikhosi.

Numeri 15:3 Cross References

Genesisi 8:21

Nkulunkulu waliva leliphunga lelinuka lusi lolumnandzi, watsi enhlitiyweni yakhe: “Ngingeke ngiphindze ngiwucalekise umhlabatsi ngenca yemuntfu, ngobe imizindlo yenhlitiyo yemuntfu mibi kwasebusheni bakhe. Ngingeke ngiphindze ngikubhubhise konkhe lokuphilako, njengobe ngentile.

Ezra 7:17

“Ngayo lemali kufanele utsenge tinkunzi, netihhanca, nemazinyane lamadvuna etimvu, utsenge neminikelo yalokutinhlavu neminikelo yetinatfo, uyinikelele elatini lelithempeli laNkulunkulu wakho eJerusalema.

Tihlabelelo 54:6

Ngiyawunikela kuwe, Simakadze, umnikelo wesihle, ngidvumise libito lakho ngobe lona lihle.

Eksodusi 29:18

Sonkhe lesihhanca usishisele etikwelilati sibe ngumnikelo wekushiswa kuSimakadze. Lelo liphunga lelinuka lusi lolumnandzi kuSimakadze, umnikelo lowentiwa ngemlilo kuSimakadze.

Eksodusi 29:25

Ubobe sewuyakutsatsa kubo ukushisele etikwemnikelo wekushiswa loselatini. Lelo liphunga lelinuka lusi lolumnandzi kuSimakadze, umnikelo lowentiwa ngemlilo kuSimakadze.

Eksodusi 29:41

Niyawunikela leli lelinye lizinyane entsambana kanye nalowo mnikelo walokutinhlavu nemnikelo wawo wesinatfo njengasekuseni. Lelo liphunga lelinuka lusi lolumnandzi kuSimakadze, umnikelo lowentiwa ngemlilo kuSimakadze.

Levithikusi 10:13

Ngako nibowudlela endzaweni lengcwele; loko kusabelo sakho nesemadvodzana akho emnikelweni lowentiwa kuSimakadze ngemlilo. Simakadze wangiyala kanjalo-ke.

Levithikusi 27:2

“Tjela sive sema-Israyeli utsi: ‘Nangabe umuntfu ente setsembiso ngebantfu kuSimakadze ngekunika intsengo lelingene bona,

Levithikusi 7:16

“ ‘Nangabe umuntfu aletsa umnikelo wekufeza setsembiso nome umnikelo wesihle, kufanele udliwe ngalelo langa lawunikela ngalo; nakukhona lokusele, kungaphindze kudliwe futsi nangakusasa.

Numeri 28:27

Niyakwetfula umnikelo wekushiswa wetinkunzana letimbili, nesihhanca sinye, nemazinyane lamadvuna etimvu lasikhombisa lanemnyaka munye budzala, kube liphunga lelinuka lusi lolumnandzi kuSimakadze.

Numeri 29:8

Niyakwetfula umnikelo wekushiswa ngenkunzana, nesihhanca, nemazinyane etimvu lamadvuna lasikhombisa lanemnyaka munye budzala, onkhe abete siyela, kube liphunga lelinuka lusi lolumnandzi kuSimakadze.

Numeri 6:15

Uyawunikela nangelibhasikidi linye letinkhwa letingenambiliso, nangemacebelengwane lentiwe ngafulaha lobhicwe nemafutsa emncumo, nangemicatsane legcotjiswe ngemafutsa emncumo, bese wengeta nangemnikelo wakhe walokutinhlavu neweliwayini.

Matewu 3:17

Kusenjalo kwevakala livi livela ezulwini litsi: “Lena yiNdvodzana yami, letsandzekako, lengijabula ngayo.”

2 kubaseKorinthe 2:15

Ngempela siliphunga lelimnandzi laKhristu kuNkulunkulu, emkhatsini walabasindziswako nasemkhatsini walabasendleleni lebange ekubhujisweni.

2 kubaseKorinthe 2:16

Siliphunga lekufa kube kufa kulababhujiswako, kantsi siliphunga lekuphila kube kuphila kulabasindziswako. Ngubani-ke longakumela loko?

Kubase-Efesu 5:2

Niphile imphilo yelutsandvo, njengobe naKhristu asitsandza watinikela ngenca yetfu, waba ngumnikelo nemhlatjelo loliphunga lelimnandzi kuNkulunkulu.

Dutheronomi 12:11

Kuleyo ndzawo-ke Simakadze Nkulunkulu wenu layakuyikhetsa ibe yakhe, niyawuletsa khona konkhe lenginiyale ngako: iminikelo yenu yekushiswa, nemihlatjelo yenu, nekwelishumi kwenu, netipho tenu letimcoka kanye nayo yonkhe iminikelo yenu yelikhetselo lenanetsembisa ngayo kuSimakadze.

Dutheronomi 12:17

Aniyikudlela emadolobheni enu kwelishumi kwenu kwalokutinhlavu, nome kweliwayini lelisha, nome kwemafutsa, nome kwematubulo emihlambi yenu yetinkhomo, neyetimbuti, neyetimvu, nome ngabe seyini-ke lenetsembisele kwephana ngayo, neminikelo yenu yesihle, netipho tenu letimcoka.

Dutheronomi 12:6

nimikise iminikelo yenu yekushiswa nemihlatjelo, nekwelishumi kwenu, netipho tenu leto lenincume ngato kutsi nitatiletsa, neminikelo yenu yesihle kanye nematubulo enu etinkhomo netimvu.

KubaseFiliphi 4:18

Ngemukele konkhe ngalokungetulu, ngenelisekile ngetipho lengitinikwe ngu-Ephafrodithu tichamuka kini, letingumnikelo longemakha lamnandzi, umhlatjelo lowemukelekako nalojabulisako kuNkulunkulu.