Numeri 13:3 - Siswati 1996 Bible

³ Ngako-ke Mosi wenta njengobe abeyalwe nguSimakadze, wabatfuma aseseHlane lasePharani. Onkhe lamadvodza abebaholi bema-Israyeli.

Numeri 13:3 Cross References

Numeri 10:12

Sive sema-Israyeli satfutsa eHlane laseSinayi, siphuma ngeticheme taso. Lifu lahamba laze layakuma eHlane lasePharani.

Numeri 12:16

Emvakwaloko sive satfutsa eHaserothi sayakumisa eHlane lasePharani.

Numeri 13:2

“Tfumela lamanye emadvodza kutsi ayewuhlola lelive laseKhenani lengilipha ema-Israyeli. Tfumela umholi abe munye kuleso nakuleso sive.”

Numeri 13:26

Befika kuboMosi, na-Aroni kanye nesive sonkhe sema-Israyeli eKhadeshi, eHlane lasePharani. Befika bababikela kanye nesive sonkhe, badzimate babakhombisa netitselo talelo live.

Numeri 13:4

Nankha-ke emabito awo: Esiveni sakaRubeni kwakunguShamuwa, umsa waZakhuri;

Numeri 32:8

Naboyihlo benta njalo, nangibatfuma eKhadeshi Bhaneya kutsi bayewuhlola live.

Numeri 34:17

“Nankha-ke emabito alamadvodza latawunabela lelive kutsi libe lifa lenu: bo-Eleyazare, umphristi, naJoshuwa, umsa waNuni.

Dutheronomi 1:19

“Satfutsa eHorebe, njengobe Simakadze Nkulunkulu wetfu abesiyalile, sacondza ngasetintsabeni, eveni lema-Amori, sadzabula lonkhe lelo hlane lelesabekako lesenilibonile, saze sefika eKhadeshi Bhaneya.

Dutheronomi 1:23

“Lomcondvo wabonakala umuhle kimi; ngako ngavele ngakhetsa emadvodza lali-12 emkhatsini wenu, yaba yinye kuleso nakuleso sive.

Dutheronomi 9:23

“Ngesikhatsi Simakadze anikhipha eKhadeshi Bhaneya watsi: ‘Hambani nenyuke niyekulidla lelive lenginiphe lona.’ Kodvwa nine anizange niwulalele umyalo waSimakadze, nangete namkholwa, nangete nalilalela ngisho nelivi lakhe.

1 Samuweli 25:1

Samuweli wafa, kwatsi sonkhe sive sema-Israyeli seta, sahlangana ndzawonye, satakumlilela. Wangcwatjwa ekhaya lakhe, eRama. Davide wase uyehla waya eHlane laseMayoni.