Numeri 13:2 - Siswati 1996 Bible

² “Tfumela lamanye emadvodza kutsi ayewuhlola lelive laseKhenani lengilipha ema-Israyeli. Tfumela umholi abe munye kuleso nakuleso sive.”

Numeri 13:2 Cross References

Eksodusi 18:25

Wakhetsa emadvodza lafanele emkhatsini wesive sonkhe sema-Israyeli. Wawabeka aba baholi betinkhulungwane, nebemakhulu, nebema-50, nebemashumi.

Numeri 1:4

Kulowo nalowo mndeni niyawucela munye loyinhloko lemelele lowo mndeni kutsi anisite.

Numeri 11:16

Simakadze wakhuluma kuMosi, watsi: “Letsa baholi bema-Israyeli labangema-70 lobatiko kutsi babaholi netiphatsimandla emkhatsini walabantfu. Baletse lapha ethendeni lekuhlangana, kutsi batekuma lapha kanye nawe.

Numeri 13:16

Ngiwo lawa-ke emabito alamadvodza latfunywa nguMosi kutsi ayewuhlola lelo live. Mosi wetsa Hosheya, umsa waNuni, libito, watsi nguJoshuwa.

Numeri 13:3

Ngako-ke Mosi wenta njengobe abeyalwe nguSimakadze, wabatfuma aseseHlane lasePharani. Onkhe lamadvodza abebaholi bema-Israyeli.

Numeri 32:8

Naboyihlo benta njalo, nangibatfuma eKhadeshi Bhaneya kutsi bayewuhlola live.

Numeri 34:18

Beka umholi waleso naleso sive kutsi asisite ekwabeni lelive lelilifa lenu.

Dutheronomi 1:15

Ngako ngatsatsa labaholi betive tenu, emadvodza lahlakaniphile nalahloniphekile, ngawabeka kutsi anengamele, abe tindvuna tetinkhulungwane, netemakhulu, netema-50, netemashumi, nekutsi abe tiphatsimandla taletive tenu.

Dutheronomi 9:23

“Ngesikhatsi Simakadze anikhipha eKhadeshi Bhaneya watsi: ‘Hambani nenyuke niyekulidla lelive lenginiphe lona.’ Kodvwa nine anizange niwulalele umyalo waSimakadze, nangete namkholwa, nangete nalilalela ngisho nelivi lakhe.

Joshuwa 3:12

Khetsani emadvodza lali-12 etiveni taka-Israyeli, indvodza yinye kuleso nakuleso sive.