Numeri 11:1 - Siswati 1996 Bible

¹ Sive sacala sasola Simakadze ngenca yetinhlupheko taso; watsi kube asive, lulaka lwakhe lwabavutsela. Watfumela umlilo lowavutsa emkhatsini wabo, waze washisa nalababesemaphetselweni enkambu.

Numeri 11:1 Cross References

Genesisi 38:10

Simakadze watfukutsela ngaleso sento sa-Onani, ngako naye wambulala.

2 Samuweli 11:27

Kwatsi nase siphelile sikhatsi sekumzilela, Davide watsi akalandvwe aletfwe kakhe. Wabe sewumenta umfati wakhe, wamtalela indvodzana. Kodvwa lentfo leyayentiwe nguDavide yaba yimbi emehlweni aSimakadze.

2 Emakhosi 1:12

Elija wayiphendvula, watsi: “Nangabe ngingumuntfu waNkulunkulu, akwehle umlilo ezulwini ubhubhise wena nalamadvodza langema-50 lohamba nawo.” Ngako umlilo waNkulunkulu wehla ezulwini, wabhubhisa lendvuna kanye nalamadvodza langema-50 leyayihamba nawo.

Jobe 1:16

Satsi sisakhuluma lesigijimi, kwefika lesinye, satsi: “Umlilo waNkulunkulu wehle esibhakabhakeni washisa tonkhe timvu takho kanye nato tonkhe tinceku takho; ngimi kuphela losindzile, ngase ngiyabaleka ngita lapha kuwe kutekwatisa ngaloko!”

Tihlabelelo 106:18

kwalumekeka umlilo ebutfweni labo, lilangabi lashisa lacedza bonkhe lababi.

Tihlabelelo 78:21

Ngako-ke watsi Simakadze nakuva loko watfukutsela, kwavutsa umlilo wadla bakaJakobe, intfukutselo yakhe yabavutsela bakaJakobe,

Tihlabelelo 78:63

Emajaha abo acotfulwa ngumlilo, tintfombi tabo tandzindza lababengatiteka.

Eksodusi 16:7

Kusasa ekuseni nitawubona inkhatimulo yebukhona baSimakadze, ngobe ukuvile kukhonona kwenu ngaye. Tsine besiyini nje kutsi ningakhonona ngatsi?”

Eksodusi 16:9

Mosi wakhuluma ku-Aroni, watsi: “Khuluma kubo bonkhe labantfu ubatjele utsi: ‘Sondzelani embikwaSimakadze, ngobe ukuvile kukhonona kwenu.’ ”

Isaya 10:17

Kukhanya kwa-Israyeli kuyawuba ngumlilo, Longcwele wakhe abe lilangabi. Ngelilanga linye uyawuvutsa, udle emanyeva akhe netitfwetfwe takhe.

Isaya 30:33

IThofethi seyalungiswa kadzeni, yentiwa yalungela inkhosi. Umgodzi wayo wemlilo sewagujwa waba banti wabuye washona, kwatfotwa netinkhuni letinyenti temlilo; kuphefumula kwaSimakadze lokugeleta njengemfula wesibabule lesivutsako kuyakuyilumeka ivutse.

Isaya 33:14

Toni taseSiyoni tiyatfutfumela, kutfutfumela kubabambile labangamesabi Nkulunkulu: “Ngubani emkhatsini wetfu longahlala nemlilo locotfulako? Ngubani emkhatsini wetfu longahlala nekuvutsa kwaphakadze?”

Sililo 3:39

Umuntfu nje lophilako ukhononelani, nakajeziswa ngenca yetono takhe?

Hezekeli 20:36

Njengaloku ngagweba boyihlo ehlane laseveni laseGibhithe, nani ngiyakunigweba kanjalo-ke, kusho iNkhosi Simakadze.

Levithikusi 10:2

Masinyane kwachamuka umlilo kuSimakadze wabadla, bafela khona lapho, ebukhoneni bakhe Simakadze.

Nahume 1:5

Tintsaba tiyatfutfumela embikwakhe, nemagcuma ancibilike aphele. Umhlaba nalabahlala kuwo kuyatfutfumela, nakuchamuka yena.

Habakhuki 3:5

Sishayo sihamba embikwakhe, mashayacotfule wesifo ulandzela etinyatselweni takhe.

Numeri 10:33

Satsi sive sema-Israyeli nasisuka eNtsabeni yaSimakadze, satsatsa emalanga lamatsatfu sihamba. Libhokisi lesivumelwane saSimakadze lalihamba embikwabo ngawo onkhe lawo malanga lamatsatfu, libabukela indzawo lapho kwakufanele baphumule khona.

Numeri 11:18

Tjela labantfu utsi: ‘Tihlambululeni nitilungiselele likusasa; kukhona inyama lenitayidla kusasa kona loku. Simakadze univile nanikhala nitsi: “Ngubani longasipha inyama sitekudla? Sasincono eGibhithe.” Manje-ke Simakadze utanipha inyama, futsi vele nitayidla.

Numeri 12:2

Babekhuluma batsi: “Kambe ngabe Simakadze ukhulume ngaMosi kuphela yini? Akakhulumi yini nangatsi futsi?” Simakadze wakuva loko.

Numeri 14:2

Onkhe ema-Israyeli asola boMosi na-Aroni atsi kubo: “Kube samane safela eGibhithe nome ehlane.

Numeri 14:22

kute nome munye walabantfu lababona inkhatimulo yami netibonakaliso letiyimimangaliso lengatenta eGibhithe nasehlane kodvwa bangete bangilalela, bangilinga emahlandla lalishumi,

Numeri 14:27

“Kutawuze kube ngunini lesive lesikhohlakele singisola? Sengikuvile kusola kwalama-Israyeli lakhononako.

Numeri 14:28

Ngako-ke batjele utsi: ‘Simakadze utsi: Ngifunga kuphila kwami kutsi ngitakwenta kini tona kanye leto tintfo benginive nitisho.

Numeri 16:11

Kuphambene naSimakadze kutsi wena nalabalandzeli bakho nihlangane ngekududana kanje. Ngubani yena lo-Aroni kutsi ningemelana naye nine?”

Numeri 16:35

Umlilo lowaphuma kuSimakadze wadla onkhe lamadvodza labengema-250 labekashisa imphepho.

Numeri 17:5

Indvuku yalowo lengimkhetsile itawuhluma, ngitakucedza kanjalo kusola kwalama-Israyeli lakhononako.”

Numeri 21:5

basola Nkulunkulu naMosi batsi: “Nasikhiphelani eGibhithe kuze sitewufela lapha ehlane? Kute kudla! Kute nemanti! Siyakwenyanya lokudla lokungenamsoco!”

1 kubaseKorinthe 10:10

Ningakhononi njengalabanye kubo labakhonona, babhujiswa ngumbhubhisi.

Dutheronomi 25:18

Ngesikhatsi senikhatsele nidziniwe, ahlangabetana nani endleleni abahlasela ababulala bonkhe labo bebahambela emuva. Akazange amesabe Nkulunkulu.

Dutheronomi 32:22

Ngobe umlilo uphembeke ngentfukutselo yami, umlilo lovutsa ufike phansi ekujuleni endzaweni yalabafile. Uyawudla umhlaba kanye netivuno tawo, ulumeke umlilo etisekelweni tetintsaba.

Dutheronomi 9:22

“Naphindze natfukutselisa Simakadze eThabera, naseMasa kanye naseKhibrothi Hathava.

KumaHebheru 12:29

ngobe loNkulunkulu wetfu ungumlilo locotfulako.

YaJakobe 5:4

Ase nibuke la, emaholo etisebenti letavuna emasimi enu leniwagodlile ayanimangalela anilahle ngelicala; nekukhala kwebavuni sekungenile etindlebeni teNkhosi Sebawothi.

YaJuda 1:16

Labantfu laba bati kukhonona nje nekusola yonkhe intfo, bahamba ngetinkhanuko tabo letimbi, bayatigabatisa, bashaya ticetse, khona kutawuphumelela bona.