Numeri 1:1 - Siswati 1996 Bible

¹ Simakadze wakhuluma kuMosi asethendeni lekuhlangana eHlane laseSinayi ngelilanga lekucala, enyangeni yesibili, emnyakeni wesibili ema-Israyeli aphuma eGibhithe, watsi:

Numeri 1:1 Cross References

1 Emakhosi 6:1

Emnyakeni wema-480 kusukela ema-Israyeli aphuma eGibithe, lekwakungumnyaka wesine inkhosi Solomoni yatsatsa sihlalo sebukhosi, ngenyanga yesibili lenguZivu, Solomoni wacala kwakha lithempeli laSimakadze.

Eksodusi 19:1

Ngelilanga lekucala lenyanga yesitsatfu seloku sive sema-Israyeli saphuma eGibhithe, sefika ehlane laseSinayi.

Eksodusi 19:2

Satsi kube sisuke eRefidimu, sahamba saze sefika ehlane laseSinayi; ngulapho sefika semisa khona, sabukana nentsaba.

Eksodusi 25:22

Ngitawuhlangana nawe lapho, ngikhulume nawe ngisetikwalesihlalo semusa emkhatsini walamakherubhi lamabili lasetikwelibhokisi. Ngulapho ngitakunika khona yonkhe imitsetfo yami yesive sema-Israyeli.”

Eksodusi 40:17

Ngako-ke ngelilanga lekucala enyangeni yekucala emnyakeni wesibili baphumile eGibhithe lithende lekukhontela lemiswa laphela.

Eksodusi 40:2

“Ngelilanga lekucala enyangeni yekucala ubomisa lithende lekukhontela, lekulithende lekuhlangana.

Levithikusi 1:1

Simakadze asethendeni lekuhlangana, wabita Mosi wakhuluma kuye watsi:

Levithikusi 27:34

Ngiyo lena-ke imiyalo yesive sema-Israyeli Simakadze layinika Mosi entsabeni yaseSinayi.

Numeri 1:18

base babita sonkhe sive ngelilanga lekucala enyangeni yesibili. Bonkhe bantfu babhalisa, ngulowo nalowo wabhalisa ngeyisemkhulu, kwabhaliswa emabito awo onkhe emadvodza kusukela kulabeneminyaka lengema-20 kuya etulu, ngayinye ngayinye,

Numeri 12:4

Masinyane Simakadze wakhuluma kuboMosi, na-Aroni, naMiriyamu, watsi: “Phutfumani nobatsatfu nite kimi ethendeni lekuhlangana.” Baphuma bobatsatfu.

Numeri 9:1

Simakadze wakhuluma kuMosi eHlane laseSinayi ngenyanga yekucala, emnyakeni wesibili kusukela ema-Israyeli aphuma eGibhithe, watsi:

Dutheronomi 1:3

Ngemnyaka wema-40, ngelilanga lekucala enyangeni yeli-11, kusukela baphuma eGibhithe, Mosi wakhuluma kuma-Israyeli konkhe loko Simakadze labemyale ngako kutsi awatjele kona, lokumacondzana nawo.

Dutheronomi 2:14

Kwendlula iminyaka lengema-38 kusukela esikhatsini sekusuka eKhadeshi Bhaneya. Ngaleso sikhatsi lonkhe lelo butfo lemadvodza aleso situkulwane abesafe aphela, njengobe Simakadze abefungile.

Dutheronomi 2:7

“Simakadze Nkulunkulu wenu unibusisile ngayo yonkhe imisebenti yenu yetandla leniyentako. Uninakekele ngesikhatsi nisahamba nidzabula lelihlane lelikhulukati. Kuyo yonkhe leminyaka lengema-40 Simakadze Nkulunkulu wenu abesolomane anani, anizange seneswele lutfo.