Mikha 6:6 - Siswati 1996 Bible

⁶ Ngiyawuletsani mine kuSimakadze, Nkulunkulu wemazulu, nangitemkhonta? Ngiyawuletsa emazinyane lamnyaka munye abe ngumnikelo wekushiswa kuye yini?

Mikha 6:6 Cross References

2 Samuweli 21:3

Davide wabuta emaGibeyoni watsi: “Nginganentelani? Ngifuna kwenta inhlawulo yekubuyisana nani ngenca yaloko lokubi lokwentiwa kini, kuze nani nibusise sive saSimakadze.”

Tihlabelelo 116:12

Ngiyawumentelani Simakadze, ngimbonge ngako konkhe lokuhle langentela kona?

Tihlabelelo 22:29

Yebo, bonkhe labacebile emhlabeni, bayawudla bakhotsame embikwakhe; bonkhe labayakuya phansi elutfulini, bayawuguca embikwakhe bakhonte, yebo, nabo bonkhe labangeke batibambe kutsi bafe.

Tihlabelelo 95:2

Asiye kuye ngekuhlabela, simbonge ngetibongo nangetingoma.

Tihlabelelo 95:6

Wotani, sikhuleke, simkhotsamele, asiguce embikwaSimakadze, uMenti wetfu.

Eksodusi 12:5

Lelizinyane lenu kufanele kube ngulelite sici, libe nemnyaka munye budzala; nilehlukanise nemhlambi wetimvu nome wetimbuti.

Eksodusi 23:15

Ubogubha uMkhosi Wesinkhwa Lesingenambiliso. Ngenyanga lengu-Abibi, lenaphuma ngayo eGibhithe, uyakudla sinkhwa lesingenambiliso kuze kuphele emalanga lasikhombisa, njengobe ngakuyala. Kufanele kubete lovela embikwami angakaphatsi lutfo etandleni.

Taga 15:8

Imihlatjelo lenikelwa ngulababi isinengiso kuSimakadze; kodvwa imithandazo yebantfu labetsembekile iyamjabulisa.

Taga 21:3

Kwenta kulunga nekungakhetsi kumjabulisa kakhulu Simakadze kunekumentela iminikelo yemihlatjelo.

Isaya 40:16

Lihlatsi laseLebanoni alikaweneli umlilo wemalati, netifuyo talo atikaweneli umnikelo wekushiswa.

Jeremiya 6:20

Nginandzabani mine nemphepho yaseSheba, nome-ke nemakha ekhalamusi lanongotelako laphuma eveni lelikhashane? Iminikelo yenu yekushiswa ayikemukeleki kimi, nemihlatjelo yenu ayingijabulisi.”

Hezekeli 46:9

“ ‘Bantfu nabeta kutawukhonta Simakadze nome ngukumuphi umkhosi, labo labangena ngelisango langasenyakatfo kufanele baphume ngelisango langaseningizimu, nase bacedze kukhonta; nalabo labangene ngelisango langaseningizimu kufanele baphume ngelisango langasenyakatfo. Kute namunye lokufanele aphume ngelisango langene ngalo, kodvwa kufanele aphume ngalelinye lisango lelimalungana nalelo langene ngalo.

Danyela 3:26

Nebukhadnezari wasondzela emnyango walomlilo lowesabekako nalohhumako longemalangabi lavutsako, wamemeta, watsi: “Shadraki, naMeshaki, nawe Abednego, nine tinceku taNkulunkulu Longetulu Kwako Konkhe, phumani! Wotani lapha!” Ngako boShadraki, naMeshaki, na-Abednego baphuma emlilweni,

Danyela 4:9

“Ngakhuluma kuye, ngatsi: Bhelteshasari, mholi wetangoma, ngiyati kutsi umoya wabonkulunkulu labangcwele ukuwe, kute imfihlakalo lelukhuni kakhulu kuwe. Nali liphupho lami, ase ungichazele lona.

Danyela 5:18

“Nkhosi, Nkulunkulu Longetulu Kwako Konkhe wapha uyihlo Nebukhadnezari bukhosi, nebukhulu, neludvumo kanye nebukhatikhati.

Danyela 5:21

Wakhishwa emkhatsini webantfu, wanikwa ingcondvo yesilwane; wahlala emkhatsini wetimbongolo tesiganga, wadla tjani njengetinkhomo; nemtimba wakhe wanetfwa ngematolo asezulwini, waze wavuma kutsi Nkulunkulu Longetulu Kwako Konkhe wengamele yonkhe imibuso yebantfu nekutsi ubeka etikwayo nome ngumuphi lowo latsandza kumbeka.

Hoseya 5:6

Nabahamba nemihlambi yabo yetimvu netimbuti kanye nemihlambi yetinkhomo kuyawufuna Simakadze, bangeke bamtfole; sewutisusile kubo.

Amose 5:22

Ngisho nome ningangiletsela imihlatjelo yekushiswa kanye neminikelo yalokutinhlavu, ngingeke ngiyemukele. Ngisho nome ningaletsa iminikelo yebudlelwane yelikhetselo, ngingeke ngiyinake.

Numeri 7:51

inkunzana, nesihhanca, nelizinyane lemvu lelidvuna lelinemnyaka munye budzala, kwaba kwemnikelo wekushiswa;

Matewu 19:16

Kwase kufika lijaha lelitsite kuJesu latsi: “Mfundzisi, ngingahle ngenteni lokulungile kuze ngitewuba nekuphila lokuphakadze?”

Makho 12:33

Kutsandza Nkulunkulu ngenhlitiyo yami yonkhe, nangekucondza kwami konkhe, nangemandla ami onkhe, kanye nekutsandza makhelwane wami njengobe ngititsandza mine, kuncono kakhulu kuneminikelo leshiswako nakunemihlatjelo.”

Makho 5:7

Yamemeta ngelivi lelikhulu yatsi: “Ufunani kimi wena, Jesu, Ndvodzana yaNkulunkulu Losetikwako Konkhe? Mane ungangihluphi!”

Lukha 10:25

Lesinye sati semtsetfo seta satawulinga Jesu sicondze kumetsiya. Sabuta satsi: “Mfundzisi, kufanele ngenteni kuze ngitewutfola kuphila lokuphakadze?”

Johane 6:26

Jesu wabaphendvula watsi: “Ngicinisile, ngicinisile, ngitsi kini: Aningifuni ngobe nibone tibonakaliso, kepha ningifuna ngobe nidle tinkhwa, nesutsa.

Imisebenti yebaPhostoli 16:17

Sasivamise kulandzela tsine naPawula, simemete sitsi: “Labantfu laba tinceku taNkulunkulu Losetikwako Konkhe, bamemetela kini indlela yensindziso.”

Imisebenti yebaPhostoli 16:30

Wase ubakhiphela ngephandle wababuta watsi: “Makhosi, kufanele ngente njani kuze ngisindziswe?”

Imisebenti yebaPhostoli 2:37

Kwatsi bantfu nabakuva loku, bahlabeka etinhlitiyweni base batsi kuPhetro nakulabanye baphostoli: “Pho, bazalwane, sitakwenta njani?”

Kubase-Efesu 3:14

Ngenca yalesizatfu-ke, ngiguca ngemadvolo embikwaBabe,

KumaHebheru 10:11

Wonkhe umphristi uma njalo nje aphindzaphindze ente inkonzo yakhe, anikela ngayo yona leyo mihlatjelo lengatisusi tono.

1 Samuweli 15:22

Samuweli wakhuluma watsi: “Simakadze uyajatjuliswa yini ngiminikelo yekushiswa nemihlatjelo kunekulalelwa kwelivi laSimakadze? Kulalela kuncono kunemhlatjelo, kucaphela nekunaka kuncono kunemanoni etihhanca.