Mikha 6:2 - Siswati 1996 Bible

² Nine tintsaba, nani tisekelo taphakadze temhlaba lalelani licala lelibekwa nguSimakadze! Simakadze ubeka sive sakhe licala. Utsi sive sakhe, lesingu-Israyeli, sinelicala.”

Mikha 6:2 Cross References

2 Samuweli 22:16

Kujula kwetilwandle kwenekeka ebaleni, tisekelo temhlaba tembuleka, ngenca yekutsetsa kwaSimakadze, nangenca yekufutsa kwemakhala akhe.

2 Samuweli 22:8

“Umhlaba watfutfumela, watamatama, tisekelo temazulu tatfutfumela, tatamatama, ngobe Somandla abesatfukutsele.

Tihlabelelo 104:5

Wasimisa umhlaba etikwetisekelo tawo, kuze ungatanyatanyiswa, phakadze naphakadze,

Taga 8:29

mhlazana asika imincele yetilwandle, kuze emanti angalengci livi lakhe, mhlazana abeka tisekelo temhlaba,

Isaya 1:18

Simakadze utsi: “Wotani manje sitewubonisana. Nome tono tenu tibovu njengengati, titawuba mhlophe njengangcocwane, nome tibovu tju, titawuba mhlophe njengeboya bemvu.

Isaya 3:13

Simakadze utilungiselele kutsetsa emacala; uyasukuma atekwehlulela sive.

Isaya 43:26

Asibuyekete loko lese kwentekile, ase sikhulumisane ngalendzaba; beka indzaba yakho yekuba msulwa kwakho.

Isaya 5:3

“Nine lenihlala eJerusalema, nani madvodza akaJuda, yehlulelani emkhatsini wami nesivini sami.

Jeremiya 2:9

“Ngako-ke ngiyaphindza nginibeka emacala,” kusho Simakadze. “Yebo, nebantfwana bebantfwabenu ngiyawubabeka emacala.

Jeremiya 25:31

Sidvumo siyawuhokoma sivakale nasemikhawulweni yemhlaba, ngobe Simakadze tive uyawutibeka emacala, uyakwehlulela bonkhe bantfu, lababi abalalise phansi ngenkemba,’ ” kusho Simakadze.

Jeremiya 31:37

Naku lokushiwo nguSimakadze, utsi: “Kuphela nje nangabe emazulu lasetulu angalinganiswa, netisekelo temhlaba letingaphansi tiphenywe, nami-ke ngulapho ngiyawusilahla sonkhe situkulwane saka-Israyeli, ngenca yako konkhe labakwentile,” kusho Simakadze.

Hoseya 12:2

Simakadze ubeka Juda licala, utawujezisa Jakobe njengekwetindlela takhe, amkhokhele ngangekwemisebenti yakhe.

Hoseya 12:3

Esiswini wabamba sitsendze semnakabo; asangumuntfu lomdzala walwa naNkulunkulu.

Hoseya 4:1

Vanini livi laSimakadze, nine ma-Israyeli, ngobe Simakadze usenelicala latanibeka lona, nine lenihlala kulelive, utsi: “Kute kwetsembeka, kute lutsandvo, kute kuphakamisa Nkulunkulu eveni.

Mikha 6:1

Lalelani kutsi Simakadze umbeka cala lini Israyeli: “Sukuma, Simakadze, usho licala lombeka lona Israyeli. Tintsaba nemagcuma akakuve kutsi utsini, akabe bofakazi.

Dutheronomi 32:22

Ngobe umlilo uphembeke ngentfukutselo yami, umlilo lovutsa ufike phansi ekujuleni endzaweni yalabafile. Uyawudla umhlaba kanye netivuno tawo, ulumeke umlilo etisekelweni tetintsaba.

Dutheronomi 4:26

Ngibita lizulu nemhlaba kutsi kungifakazele lamuhla kutsi naningangilaleli, niyawunyamalala masinyane emhlabeni. Ningeke nikhonse kulelo live lelingesheya kwemfula iJordane lenewelela kuyawulidla. Niyawubhujiswa niphele.