Mikha 6:1 - Siswati 1996 Bible

¹ Lalelani kutsi Simakadze umbeka cala lini Israyeli: “Sukuma, Simakadze, usho licala lombeka lona Israyeli. Tintsaba nemagcuma akakuve kutsi utsini, akabe bofakazi.

Mikha 6:1 Cross References

Tihlabelelo 50:1

Nkulunkulu wabonkulunkulu unguSimakadze lokhulumako. Umemetela emhlabeni wonkhe, kusukela emphumalanga kuye enshonalanga.

Tihlabelelo 50:4

Ubita emazulu ngetulu kanye nemhlaba, kutsi atekwehlulela bantfu bakhe, atsi:

Isaya 1:2

Lalelani, nine mazulu! Lalela nawe, mhlaba! Ngobe Simakadze sewukhulume, watsi: “Bantfwabami ngibondlile ngabakhulisa, kodvwa sebangihlamukile.

Isaya 3:13

Simakadze utilungiselele kutsetsa emacala; uyasukuma atekwehlulela sive.

Jeremiya 13:15

Vanini, nilalelisise, ningatigabatisi, ngobe Simakadze sewukhulumile.

Jeremiya 22:29

Awu live, live, live, vani livi laSimakadze!

Hezekeli 36:1

“Ndvodzana yemuntfu, phrofetha kuto tintsaba taka-Israyeli, utsi: ‘Awu nine, tintsaba taka-Israyeli, vanini livi laSimakadze.

Hezekeli 36:8

“ ‘Kodvwa nine, tintsaba taka-Israyeli, niyawuhluma emagala, nitselele sive sami ema-Israyeli titselo tenu, ngobe siyawubuya ekhaya masinyane.

Hezekeli 37:4

Wase utsi kimi: “Phrofetha kulamatsambo, utsi kuwo: ‘Nine matsambo lomile, vanini livi laSimakadze!

Hezekeli 6:3

‘Awu, tintsaba taka-Israyeli, lalelani livi leNkhosi Simakadze. Naku lokushiwo yiNkhosi Simakadze kini, nine tintsaba nemagcuma, nani mifudlana netihosha, itsi: Sekusedvutane kutsi ngehlisele inkemba etikwenu, futsi ngitatibhubhisa letindzawo tenu letiphakeme tekukhontela tithico.

Amose 3:1

Lalelani nankha emavi lashiwo nguSimakadze ngani, anisola nine, sive sema-Israyeli, umelana nawo wonkhe umndeni lawukhipha eGibhithe, utsi:

Mikha 1:2

Lalelani naku, nine tive nonkhe: nilalele nani mhlaba wonkhe! INkhosi Simakadze iyakunilahla ngelicala. Lalelani! Ukhuluma asethempelini lakhe.

Mikha 1:4

Letintsaba titawuncibilika ngaphansi kwetinyawo takhe; yebo, tincibilike njengemafutsa nakafakwa emlilweni. Tiyawugeletela etigodzini nasetihosheni; yebo, tigelete njengemanti ahhuhluleka aphuma eticongweni temagcuma.

Mikha 5:15

Ngekutfukutsela kwami lokukhulu ngiyakutenanela etiveni tonkhe letingazange tingilalele.”

Mikha 6:2

Nine tintsaba, nani tisekelo taphakadze temhlaba lalelani licala lelibekwa nguSimakadze! Simakadze ubeka sive sakhe licala. Utsi sive sakhe, lesingu-Israyeli, sinelicala.”

Lukha 19:40

Jesu wabaphendvula watsi: “Ngiyanitjela ngitsi: Nababindza laba, ematje lucobo atawumemeta.”

Dutheronomi 32:1

“Lalelani, mazulu, ngitawukhuluma. Vani, wena mhlaba, emavi emlomo wami.

Dutheronomi 4:26

Ngibita lizulu nemhlaba kutsi kungifakazele lamuhla kutsi naningangilaleli, niyawunyamalala masinyane emhlabeni. Ningeke nikhonse kulelo live lelingesheya kwemfula iJordane lenewelela kuyawulidla. Niyawubhujiswa niphele.

1 Samuweli 12:7

Nyalo-ke manini lapha, ngobe ngitawubeka embikwenu tizatfu lapha embikwaSimakadze ngato tonkhe tintfo letinhle letentiwe nguSimakadze kini naboyihlomkhulu.

1 Samuweli 15:16

Samuweli wakhuluma kuSawula, watsi: “Bindza! Ngitakutjela kutsi Simakadze utsiteni kimi kulobusuku.” Sawula watsi: “Ngitjele.”