Mikha 5:8 - Siswati 1996 Bible

⁸ Insali yema-Israyeli iyakubasemkhatsini wetive letinyenti, ifanane nelibhubesi lelitingela ehlatsini noma edlelweni: Lisuka lingene emkhatsini wetimvu, litisukele litidzabudzabule ticucwana, litsemba lato lekusindza lingabikho.

Mikha 5:8 Cross References

Genesisi 49:9

Juda ufanana neliwundlu lelibhubesi, ndvodzana yami, usukile enyamataneni loyibulele wabuyela esikhundleni sakho, waguca, walala njengelibhubesi nanjengelibhubesikati, ngubani nje longahle akucale?

Tihlabelelo 104:20

Wenta bumnyama bube busuku, bese kweluka tonkhe tilwane temahlatsi.

Tihlabelelo 44:5

Labaphambene natsi sitawubehlula sibagicite ngawe, labasivukelako sitabapitjita ngelibito lakho.

Tihlabelelo 50:22

“Caphelani loku nine lenedzelela Nkulunkulu, funa nginiklebhuklebhule, kubete nalongahle aniphephise.

Taga 30:30

Libhubesi: linemandla kunato tonkhe tilwane, futsi alesabi lutfo.

Isaya 5:29

Kubhodla kwabo kufanana nekwemabhubesi, yebo, babhodla njengemabhubesi lamancane, atsi ahhonga abe abamba imphango yawo, ayetfwale ahambe nayo kubete longayisindzisa.

Hezekeli 39:10

Abasayiwudzinga kutsi bayewutfota tinkhuni etigangeni, nome batikabhe emahlatsini, ngobe bayawusebentisa letikhali ekubaseni umlilo. Bayawuphanga labo labebaphangile, babemuke timphahla labo lababebemuke timphahla tabo, kusho iNkhosi Simakadze.’ ”

Hoseya 5:14

Ngobe ngiyawuba njengelibhubesi ku-Efrayimu, ngifanane nelibhubesi lelikhulu kuJuda. Ngiyawubadzabudzabula babe ticucu, ngisuke lapho ngibashiye. Ngiyawubetfwala ngibesuse, kubete nalobalamulelako.

Mikha 2:12

“Kodvwa ngiyakunibutsela ndzawonye, nonkhe nine sive saka-Israyeli lenisasele. Ngiyawunibutsela nonkhe ndzawonye njengetimvu tibuyela esibayeni sato; nanjengelidlelo leligcwele timvu, live lenu lisetawubuye ligcwale bantfu labanyenti.”

Mikha 4:13

Simakadze utsi: “Sive saseJerusalema, hambani nijezise titsa tenu, nitibhule njengemabele! Ngiyakunenta nibe nemandla njengenkunzi lenetimphondvo letiyinsimbi ibe nemasondvo elitfusi. Niyawucotfula tive letinyenti, bese kutsi umcebo letatiwutfole ngendluzula niwuletse kimi, mine Simakadze, iNkhosi yemhlaba wonkhe.”

Mikha 4:7

Bantfu balesive batishosha kantsi bakhashane nemakhaya abo, kodvwa ngiyawukwenta sicalo lesisha ngensali yabo, babe sive lesinemandla. Ngiyawuba yiNkhosi yabo eSiyoni kuze kube phakadze naphakadze.”

Mikha 5:3

Ngako Simakadze lesive sakhe uyawusiyekelela etitseni taso, kuze kufike sikhatsi sekutalwa kwendvodzana. Kuyawutsi bonkhe bakubo, labayawube basakatekile batfumbeka, bahlanganiselwe ndzawonye babe sive sinye.

Mikha 7:18

Kute nkulunkulu lofana nawe, Simakadze; wena utsetselela tono tensali yakho lesele ekubhujisweni. Awuhlali utfukutsele siphelane, kodvwa ujabulela kusikhombisa umusa wakho.

Zakhariya 10:5

Nasebahlangene bayawuba njengemadvodza lanemandla lamakhulu, abhocota ludzaka etitaladini nakuliwa imphi. Bayawukulwa bancobe, ngobe Simakadze unabo, bayawuncoba bagibeli bemahhashi.

Zakhariya 11:6

“Ngobe ngingeke ngisaba nesihawu kubantfu balelive,” kusho Simakadze. “Ngiyawunikela ngulowo nalowo esandleni samakhelwane wakhe nesenkhosi yakhe. Bayakulicindzetela live, nami futsi ngingeke ngibephule etandleni tabo.”

Zakhariya 12:3

Ngalelo langa, mhlazane tonkhe tive temhlaba tibutsene ndzawonye kutawumelana nayo, iJerusalema ngiyakuyenta ibe lidvwala lelisindzako kuto tonkhe tive. Bonkhe labetama kulisundvuta bayakutilimata bona.

Zakhariya 14:18

Nangabe emaGibhithe akenyuki kuyawuhlanganyela, nawo ayawubate imvula. Simakadze uyakwehlisela etikwabo leso sishayo lashaya ngaso tive letingenyuki kuyewugubha uMkhosi Wemadlangala.

Zakhariya 9:15

Simakadze longuSomandla uyakubavikela bantfu bakhe. Bayawubhubhisa bancobe ngematje etilingi. Bayawunatsa ingati babhodle kube shangatsi ngungeliwayini; bayawucitsa ingati yetitsa tabo iphuphume njengesitja lesisetjentiswa ekunyenyeteni emakona aselatini.

Malakhi 4:3

Lapho-ke niyawubagcobagcoba phansi lababi; bayawuba lutfuli ngaphansi kwetinyawo tenu ngalelo langa lengiyawulungisa ngalo konkhe,” kusho Simakadze longuSomandla.

Numeri 24:9

Njengelibhubesi bayahoshoba bacambalale phansi, yebo, nanjengelibhubesi lelisikati, ngubani nje longacala abavuse? “Ababusiswe labo labakubusisako, bacalekiswe labo labakucalekisako!”

Matewu 10:14

Kantsi futsi nangabe anemukelwa, nelivi lenu lingalalelwa, nibotsi naniphuma kulelo dolobha nome umuti, nitsintsitse lutfuli lwetinyawo tenu.

Imisebenti yebaPhostoli 18:6

Batsi nabamphikisa bangavumelani naye bametfuka, watsintsitsa lutfuli etingutjeni takhe wase utsi kubo: “Ingati yenu ayibesemahlombe enu, mine sengite licala. Kusukela nyalo sengitakuya kubetive.”

KumaHebheru 12:25

Caphelani ningamali lowo lokhulumako: Nangabe bangaphunyulanga labo labamala lowo abebacaphelisa alapha emhlabeni, natsi-ke singeke siphunyule, nasala kutsatsa tecwayiso talowo lokhuluma asezulwini.

KumaHebheru 2:3

Pho, tsine siyawuphunyula njani, nasingakunaki lokusindziswa lokungaka? Kwakhulunywa yiNkhosi kucala, kwaciniswa kitsi ngulabo labayiva.