Mikha 4:10 - Siswati 1996 Bible

¹⁰ Shumpani nibubule, bantfu baseJerusalema, nilingise umfati aphetfwe ngumhelo nasatawubeleka, ngobe nyalo senitawuphuma ekhaya niyewuhlala etigangeni. Nitakuya eBhabhulona; noko lapho niyawusindziswa, Simakadze uyakunephula etitseni tenu.

Mikha 4:10 Cross References

2 Emakhosi 20:18

Labanye betitukulwane takho, labayingati yakho nenyama yakho, lewuyawutalelwa bona, bayawutfunjwa bayekwentiwa batsenwa basesigodlweni senkhosi yaseBhabhulona.’ ”

2 Emakhosi 25:4

Lubondza-ke lwalelidolobha lwase luyafohlwa, imphi yonkhe yabhuza ebusuku seyibaleka, yaphuma ngelisango lelisemkhatsini wetibondza letimbili letatingasengadzeni yenkhosi, lite nome emaBhabhulona abelitungeletile lelidolobha. Yabaleka yabhekisa emabombo ngase-Arabha,

2 Tikhronike 33:11

Ngako Simakadze wehlisela etikwabo libutfo letindvuna temphi tenkhosi yase-Asiriya, tefika tatfumba Manase, tamfaka lihhuka lapha ekhaleni, tambopha ngetinketane telitfusi, tahamba naye tammikisa eBhabhulona.

2 Tikhronike 36:20

Watsatsa lemisalela wayakuyidzingisela eBhabhulona, labo lababesindze enkembeni, base baba tigcili takhe kanye netebantfwabakhe, waze umbuso wasePheresiya waba ngulonemandla kakhulu.

2 Tikhronike 36:23

“Naku lokushiwo nguKhuresi, inkhosi yasePheresiya, utsi: “ ‘Simakadze, Nkulunkulu welizulu, unginike yonkhe imibuso yemhlaba, sewungiyalile kutsi ngimakhele lithempeli eJerusalema kulakaJuda. Manje-ke, ngulowo nalowo kini nine sive saNkulunkulu losemkhatsini wenu, shangatsi Simakadze Nkulunkulu wakhe angaba naye, ahambe aye khona.’ ”

Tihlabelelo 106:10

Ngako wabasindzisa esandleni sesitsa, wabahlenga emandleni esitsa.

Isaya 43:14

Naku lokushiwo nguSimakadze, uMhlengi wenu, Longcwele waka-Israyeli, utsi: “Ngenca yenu ngitawutfumela eBhabhulona, ngibabuyise njengemambuka bonkhe baseBhabhulona, ngibabuyise ngemikhumbi lababetigabatisa ngayo.

Isaya 45:13

Ngiyawuvusa Khuresi ngekulunga kwami; ngiyakwenta tonkhe tindlela takhe ticondze. Uyawulakha kabusha lidolobha lami, akhulule labatfunjiwe bami, kodvwa loko akwente ngaphandle kwentsengo nemvuzo, kusho Simakadze longuSomandla.”

Isaya 48:20

Sukani lapha eBhabhulona. Wabalekeleni emaBhabhulona. Kumemeteleni loku ngenjabulo lenkhulu, nikubabate, kutfumeleni emikhawulweni yemhlaba, nitsi: “Simakadze umhlengile Jakobe, inceku yakhe.”

Jeremiya 13:4

“Tsatsa lelibhande lolitsengile lolivunule elukhalweni lwakho uhambe nyalo uye eYufrathe, ufike ulifihle khona elufantfwini lwemadvwala.”

Jeremiya 15:21

“Ngiyawukusindzisa etandleni talababi, ngikuhlenge ekubanjweni ngulabanelulaka.”

Jeremiya 29:20

“Ngako-ke vanini livi laSimakadze, nonkhe nine labatfunjiwe, lengabacosha eJerusalema ngabayisa eBhabhulona.

Jeremiya 4:31

Ngiva kukhala lokunjengekwemfati lophetfwe ngumhelo, kuquma lokunjengekwalowo lobeleka litubulo lakhe, kukhala kweNdvodzakati yaseSiyoni, lephefumulela etulu, leyelula tandla tayo itsi: “Maye, ngiyacaleka, kuphila kwami kunikelwe etandleni tebabulali.”

Jeremiya 48:41

Emadolobha atawutfunjwa, kudliwe netinqaba tawo. Ngalelo langa tinhlitiyo tetihlabani takaMowabi tiyawufanana nenhlitiyo yemfati nasaphetfwe ngumhelo.

Jeremiya 52:27

Lapho eRibla, eveni laseHamathi, inkhosi yafike yababulalela khona. Ngako Juda waya ekutfunjweni, khashane nelive lakhe.

Hoseya 1:10

“Noko ema-Israyeli ayawuba manyenti ngangesihlabatsi saselugwini lwelwandle, lesingeke sikalwe nome sibalwe. Endzaweni lapho kwakukhulunywa khona kubo kwatsiwa: ‘Nine anisiso sive sami,’ bayawubitwa ngekutsi: ‘Ngemadvodzana aNkulunkulu lophilako.’

Hoseya 13:13

Imihelo yemfati nasatawubeleka iyamfikela, kodvwa ungumntfwana lote kuhlakanipha; kutsi nakufika sikhatsi sakhe, angete eta ngasemnyango wesibeletfo.

Hoseya 2:14

“Ngako-ke manje ngitamhhungula, ngimholele ehlane, ngikhulume naye kamnandzi.

Mikha 5:2

Simakadze utsi: “Betlehema Efratha, nome ungulomunye wemiti lemincane yakaJuda, kodvwa ngiyawuveta kuwe umbusi loyawubusa sive saka-Israyeli. Lusendvo lwakhe luyawusukela kulolo lwaluvele lukhona kwasekucaleni.”

Mikha 5:3

Ngako Simakadze lesive sakhe uyawusiyekelela etitseni taso, kuze kufike sikhatsi sekutalwa kwendvodzana. Kuyawutsi bonkhe bakubo, labayawube basakatekile batfumbeka, bahlanganiselwe ndzawonye babe sive sinye.

Sembulo 12:14

Kodvwa lomfati wanikwa timphiko letimbili telusweti lolukhulu, kuze atewundiza abalekele lenyoka aye ehlane endzaweni lapho kufanele ondliwe khona, kuze kube sikhatsi netikhatsi nencenye yesikhatsi.