Mikha 3:11 - Siswati 1996 Bible

¹¹ Babusi balamadolobha bawabusa ngekudizelwa, kanjalo nebaphristi bayatsengwa kuze bachaze bahumushe nemtsetfo, nebaphrofethi imibono netembulo tabo batichaza ngekudizelwa; noko basajinge bachoshe ngekutsi Simakadze unabo, batsi: “Kute lokutasehlela, ngobe Simakadze unatsi.”

Mikha 3:11 Cross References

Taga 17:23

Umuntfu lomubi uwemukela ngasese umdizo, khona atewuphambukisa umtsetfo.

Isaya 1:23

Babusi benu babahlubuki, babangani bemasela; bonkhe batsandza imidizo, balandzelana netipho. Ababavikeli labo labate boyise; ngisho nendzaba yemfelokati abayinaki.

Isaya 48:2

nine lenitibita ngekutsi nitakhamiti tasedolobheni lelingcwele, netsembele kuNkulunkulu wema-Israyeli, Simakadze longuSomandla libito lakhe, lalelani naku:

Isaya 5:23

labemukela umdizo, khona batawukhulula labo labanelicala, kuze babalahle ngelicala labo labate licala.

Isaya 56:11

Batinja letitsandza kakhulu kudla, abesutsi. Babelusi labangenakucondza, bonkhe bajikela etindleleni tabo, ngulowo nalowo bese utifunela kwakhe.

Jeremiya 23:17

Bachubeka bakhulume kulabangedzelelako batsi: ‘Simakadze utsi: Nitawuba nekuthula.’ Kubo bonkhe labalandzela inkhani yetinhlitiyo tabo, batsi: ‘Kute lokubi lokutanehlela.’

Jeremiya 26:7

Baphristi, nebaphrofethi kanye nabo bonkhe bantfu bamuva Jeremiya, nakakhuluma lamavi basekhatsi ethempelini laSimakadze.

Jeremiya 5:12

Bacale emanga ngaSimakadze batsi: “Kute latakwenta! Kute lokubi lokutasehlela, singeke siyibone inkemba nome indlala.

Jeremiya 6:13

“Kusukela kulomncane kakhulu kuye kulomkhulu kakhulu, bonkhe babogubhela kwesabo; baphrofethi nebaphristi bayafanana, bonkhe bayayengana.

Jeremiya 7:4

Ningawetsembi lamagama langemanga nitsi: “Leli lithempeli laSimakadze, lithempeli laSimakadze, lithempeli laSimakadze!”

Jeremiya 8:10

Ngako-ke bafati babo ngibanikela kulamanye emadvodza, nemasimi abo ngiwanike labanye bantfu, kutsi abe ngewabo. Kusukela kulomncane kakhulu kuye kulomkhulu kakhulu, bonkhe babogubhela kwesabo. Baphrofethi nebaphristi bayafanana, bonkhe bayayengana.

Hezekeli 22:12

Kuwe kunemadvodza lemukela imidizo entele kucitsa ingati; utsatsa intalo ugale inzuzo lenkhulu, wente intalo yebutulujane kumakhelwane wakho ngekumcindzetela. Sewungikhohliwe mine, kusho iNkhosi Simakadze.

Hezekeli 22:27

Tiphatsimandla talo letisemkhatsini welive tifanana netimphisi letidladlabula tinyamatane tato; ticitsa ingati tibulale bantfu, khona titewutfola inzuzo lembi.

Hezekeli 34:2

“Ndvodzana yemuntfu, phrofetha umelane nebelusi baka-Israyeli; phrofetha ukhulume kubo, utsi: ‘Naku lokushiwo yiNkhosi Simakadze, itsi: Nako kubelusi baka-Israyeli labatinakekela bona kuphela! Belusi akukafaneli yini kutsi banakekele umhlambi?

Hoseya 4:18

Nome ngabe tinatfo tabo setiphelile, bayachubeka nebugwadla babo; baholi babo batitsandza kakhulu tindlela tabo telihlazo.

Hoseya 4:8

Batondla ngetono tebantfu bami, bajatjuliswe bubi babo.

Amose 5:14

Funani lokuhle, hhayi lokubi, khona nitewuphila. Khona-ke Simakadze Nkulunkulu longuSomandla uyawuba nani, njengobe nani nisho kutsi unani.

Amose 9:10

Tonkhe toni letisemkhatsini wesive sami, tiyakufa ngenkemba; labo labakhuluma batsi: ‘Inhlekelele ingeke isehlele nome isikhandze.’ ”

Mikha 3:5

Sive sami sedukiswa baphrofethi labetsembisa kuthula kulabo lababapha imali, kantsi labo labangabadizeli babetsembisa babasongele ngemphi. Kulabo baphrofethi Simakadze utsi:

Mikha 7:3

Bonkhe batingcweti ekwenteni lokubi. Tiphatsimandla nebehluleli bacela kudizelwa. Umuntfu lomkhulu uvele atjele labantfu loko lakufunako, bese babopha lisu.

Zefaniya 3:3

Tiphatsimandla talo tingemabhubesi labhodlako, tikhulu talo titimphisi takusihlwa, letingashiyi lutfo lwangakusasa ekuseni.

Zefaniya 3:4

Baphrofethi balo bayatigcabha; bangemadvodza labotulujane. Baphristi balo bahlazisa indzawo lengcwele, bephule umtsetfo waNkulunkulu.

Malakhi 1:10

“Awu, shangatsi lomunye wenu angavala iminyango yelithempeli, kuze ningetikuyokhela imililo lengenamsebenti elatini lami! Angijabuli ngani, futsi ngingeke ngiwemukele umnikelo lophuma etandleni tenu,” kusho Simakadze longuSomandla.

Malakhi 2:9

“Ngako-ke mine senginente nedzeleleka natfotjiswa embikwabo bonkhe bantfu, ngobe anikatilandzeli tindlela tami, kodvwa nine niyaye nikhetse bantfu nanisebentisa umtsetfo.”

Numeri 16:15

Mosi watfukutsela wabila, watsi kuSimakadze: “Ungawemukeli umnikelo wabo. Angizange ngitsatse ngisho imbongolo kubo, futsi angikoni ngisho nome munye wabo.”

Numeri 22:7

Ngako-ke baholi bakaMowabi nebakaMidiyani besuka bahamba baphatsa imali yekuphengula. Batsi nabefika kuBhalamu, bafike bamtjela loko bebakutfunywe nguBhalaki.

Matewu 3:9

Ningatiyengi nje nitsi: ‘Sinaye Abrahama longubabe wetfu,’ ngobe ngiyanitjela ngitsi: Nkulunkulu angamvusela Abrahama bantfwana kulamatje.

1 kuThimothi 3:3

lengesiso sidzakwa, lengatitsatseli etulu tintfo, kodvwa lemnene, lengenalo luchweba, lengayitsandzi imali.

kuThithusi 1:11

Labo bafanele kubindziswa, ngobe bacitsa emakhaya ngekufundzisa timfundziso letingakafaneli, bentele kutfola ingcebo ngebubi.

1 yaPhetro 5:2

Yelusani umhlambi waNkulunkulu leniwuphetse, hhayi ngekucindzetelwa, kodvwa ngenhlitiyo levumako njengobe Nkulunkulu atsandza kutsi nente, hhayi ngekunaka inkhokhelo nje, kodvwa ngenshisekelo yekukhonta.

YaJuda 1:11

Maye kubo, ngobe bahamba ngendlela yaKhayini; bagijimela ekwedukeni kwaBhalamu ngenca yemvuzo; bahlubukile njengaKhora, nabo babhubha.

1 Samuweli 8:3

Kodvwa lamadvodzana akhe akazange ahambe etinyatselweni takhe. Aphambuka angete etsembeka, emukela imidizo, agwegwisa umtsetfo.