Mikha 2:8 - Siswati 1996 Bible

⁸ Simakadze waphendvula watsi: “Itolo loku sive sami sisukume phansi njengesitsa. Nihlubula tembatfo letinhle tebunjinga kulabo labendlulako, banganaki njengemabutfo labuya emphini.

Mikha 2:8 Cross References

2 Samuweli 20:19

Tsine sibantfu bekuthula nalabetsembekile ka-Israyeli. Wena wetama kubhubhisa lidolobha lelingunina wema-Israyeli. Ufunelani kumita lifa laSimakadze?”

Tihlabelelo 55:20

Lowo mngani-ndzini sewucabana nebangani bakhe, wephula sivumelwane sakhe.

Isaya 9:21

bakaManase bayawutondla ngebaka-Efrayimu, nebaka-Efrayimu batondle ngebakaManase, bonkhe bayawugucukela bakaJuda. Noko ngako konkhe loku, lulaka lwakhe alukagucuki, sandla sakhe sisephakeme.

Jeremiya 12:8

Lifa lami selifanana nelibhubesi lasehlatsini kimi. Liyangihhongela; ngako ngiyalenyanya.

Mikha 3:2

kodvwa esikhundleni saloko nitondza kulunga, nitsandze lokubi. Nihlinza bantfu bami, nihlube inyama yabo ematsanjeni abo.

Mikha 3:3

Nidla inyama yemitimba yesive sami, nihlube inyama yaso ematsanjeni aso nihlahlele ematsambo aso, nicobe inyama yemitimba yabo njengenyama icotjelwa kufakwa ebhodweni.

Mikha 7:2

Kute nome munye umuntfu lowetsembekile losasele eveni, kute losetsembekile kuNkulunkulu. Wonkhe umuntfu ufunana nematfuba ekubulala. Wonkhe umuntfu utingelana newakubo.

Mikha 7:3

Bonkhe batingcweti ekwenteni lokubi. Tiphatsimandla nebehluleli bacela kudizelwa. Umuntfu lomkhulu uvele atjele labantfu loko lakufunako, bese babopha lisu.