Mikha 2:7 - Siswati 1996 Bible

⁷ Ucabanga kutsi sive saka-Israyeli singaphansi kwesicalekiso yini? Kungabe Nkulunkulu sewulahlekelwe kubeketela kwakhe yini? Angayenta kambe intfo lenje? “Akakhulumi kahle yini kulabo labenta lokuhle?”

Mikha 2:7 Cross References

Tihlabelelo 119:65

Yentele lokuhle inceku yakho, Simakadze, kuye ngekwelivi lakho.

Tihlabelelo 119:68

Wena umuhle, konkhe lokwentako kuhle, ngifundzise timiso takho.

Tihlabelelo 15:2

Ngulomuntfu lonetindlela letimsulwa, abe ngumuntfu lowenta lokulungile, akhulume liciniso lelisuka ekujuleni kwenhlitiyo yakhe.

Tihlabelelo 18:26

kulohlantekile wena utibonakalisa uhlantekile, kodvwa kulosigwegwe wena utibonakalisa ulukhuni.

Tihlabelelo 84:11

Ngobe Simakadze, Nkulunkulu ulilanga letfu nesihlangu sekusivikela. Simakadze usipha umusa asente sihlonipheke. Angeke abagodlele lutfo loluhle labo labahamba ngebucotfo embikwakhe.

Taga 10:29

Indlela yaSimakadze iyinqaba yalabalungile; kodvwa ikubhubha kulababi.

Taga 10:9

Umuntfu lowetsembekile uhamba aphephile; kodvwa lokhetsa tindlela letimagiligombo uyawugcina atfolakele.

Taga 14:2

Umuntfu lohamba ngebucotfo wesaba Simakadze; kodvwa lotindlela takhe tigwegwile wedzelela Simakadze.

Taga 2:7

Labacotfo ubabekele kuhlakanipha; ulihawu kulabo labatiphatsa ngekwetsembeka.

Taga 28:18

Umuntfu lophila ngekwetsembeka uyawuphepha; kodvwa lophila imphilo legwegwile uyakuwa.

Isaya 50:2

Kwaya ngani ngingakhandzi muntfu nangifika? Ngesikhatsi ngimemeta, kwabate leni losabelako? Ingalo yami yayiyimfisha kakhulu yini kwekutsi yayinganisindzisa? Ngite yini mine emandla ekunephula? Mine ngekhuta kanye nje kome lwandle, ngigucula imifula ibe lugwadvule, tinhlanti tayo tibole ngenca yekweswela emanti, tife, tibulawe koma.

Isaya 58:1

Nkulunkulu utsi: “Kumemetele ngelivi lelikhulu, ungatibambi. Phakamisa livi lakho njengelicilongo. Tjela bantfu bami kuhlubuka kwabo, indlu yakaJakobe tono tayo.

Jeremiya 15:16

Emavi akho atsi nakefika kimi, ngawadla, aba yinjabulo yami nentfokoto yenhlitiyo yami, ngobe ngibitwa ngeLibito lakho, awu, Simakadze Nkulunkulu longuSomandla.

Jeremiya 2:4

Vanini livi laSimakadze, ninendlu yakaJakobe, nonkhe nine bantfu belusendvo lwendlu yaka-Israyeli.

Hoseya 14:9

Ngubani lohlakaniphile? Uyawutibona letintfo. Ngubani lokwati kubona tintfo letifihlakele? Utaticondza kahle letintfo. Tindlela taSimakadze tilungile, labalungile bahamba ngato, kodvwa labahlubukako bayakhubeka kuto.

Mikha 3:9

Lalelani la kimi, nine babusi baka-Israyeli, nine lenitondza kuvikela lokulungile bese niguculela lokuhle kube kubi.

Zakhariya 4:6

Ngako yakhuluma kimi, yatsi: “Leli livi laSimakadze leliya kuZerubhabheli, litsi: ‘Akuyi ngetikhwepha nangemandla, kodvwa kuya ngaMoya wami,’ kusho Simakadze longuSomandla.

Numeri 11:23

Simakadze waphendvula Mosi watsi: “Sandla saSimakadze sifishane yini? Utase ubone-ke kutsi loku lengikushoko kutakwenteka ngempela yini kuwe, nome cha!”

Matewu 3:8

Vetani titselo letikhombisa kuphendvuka.

Johane 8:39

Bamphendvula batsi: “Babe wetfu ngu-Abrahama.” Jesu wabaphendvula watsi: “Kube benibantfwana ba-Abrahama ngempela, ngabe nenta imisebenti ya-Abrahama.

KubaseRoma 7:13

Pho, loko lokuhle kwaletsa kufa yini kimi? Cha, akuzange. Loko kwentiwa sono, ngobe ngekusebentisa lokuhle sangiletsela kufa, khona kutekwembuleka sono kutsi sisono. Ngobe ngemyalo sono sibonakaliswa sisono kakhulu.

2 kubaseKorinthe 6:12

Kute lesinigodlele kona tsine, kodvwa ngini lenisivalele tinhlitiyo tenu.

2 kuThimothi 3:5

Bayawuba nesimo sekumesaba Nkulunkulu, kodvwa babe bawaphika emandla ako; labo-ke ubakhweshele.