Mikha 2:4 - Siswati 1996 Bible

⁴ Mhlazana kufika leso sikhatsi, tive tiyawubekiselana ngalendzaba yenu yesehlakalo, tiyawuhlabela ingoma ngelusizi lwesehlakalo lesiyawube sinehlele, titsi: ‘Sibhujisiwe sacedvwa, Simakadze ulitsetse live letfu, walinika labo labasitfumbile.’ ”

Mikha 2:4 Cross References

2 Samuweli 1:17

Davide washo nasi sililo, alilela Sawula nemsa wakhe Jonathani,

2 Tikhronike 35:25

Jeremiya wacamba tingoma tesililo saJosaya, kuze kube ngulamuhla bonkhe bahlabeli besilisa nebesifazane basamkhumbula Josaya ngaletingoma tesililo sakhe. Letingoma tase tiba tingoma temihambo yema-Israyeli, tabhalwa encwadzini yetililo.

Jobe 27:1

Jobe wachubeka nenkhulumo yakhe, watsi:

Isaya 14:4

uhlabele siga uphukute inkhosi yaseBhabhulona utsi: “Ase nibuke kuphela kwemcindzeteli! Intfukutselo yakhe seyifike ekugcineni!

Isaya 24:3

Umhlaba utawubhidlitwa ube lite, uphangwe nekuphangwa. Simakadze ulikhulumile lelivi.

Isaya 6:11

Ngase ngitsi: “Awu! Simakadze, kutawuze kube ngunini?” Wangiphendvula watsi: “Kuyawuze kubhujiswe emadolobha, kubete bantfu labahlala kuwo; tindlu tize tibe tindzala, nemasimi abhujiswe aze onakale,

Jeremiya 14:18

Nangingena eveni, ngibona labo lababulewe ngenkemba; nangingena edolobheni, ngibona umonakalo lobangwe yindlala. Umphrofethi nemphristi bahambe kanyekanye, baya eveni labangalati.’ ”

Jeremiya 4:13

Bukelani, usondzela ukhephuka njengemafu, tincola takhe temphi tiyayalutela njengesiwunguwungwana, emahhashi akhe agijima kwendlula tinsweti.

Jeremiya 6:12

Tindlu tabo tiyawunikwa labanye, konkhe kanye nemasimi abo nebafati babo, nangiphindza ngelula sandla sami kulabo labahlala kulelo live,” kusho Simakadze.

Jeremiya 8:10

Ngako-ke bafati babo ngibanikela kulamanye emadvodza, nemasimi abo ngiwanike labanye bantfu, kutsi abe ngewabo. Kusukela kulomncane kakhulu kuye kulomkhulu kakhulu, bonkhe babogubhela kwesabo. Baphrofethi nebaphristi bayafanana, bonkhe bayayengana.

Jeremiya 9:10

Ngiyawukhala ngililele tintsaba, ngikhihlite sililo ngenca yemadlelo asehlane. Alahliwe omile akasahanjwa ngumuntfu, nekubhonsa kwetinkhomo akusevakali. Tinyoni tasemoyeni setibalekile, netilwane tihambile.

Jeremiya 9:16

Ngiyawubasakatela emkhatsini wetive labangazange sebatati, bona kanye naboyise, ngiyawubacosha ngenkemba ngize ngibacedze.”

Hezekeli 16:44

“ ‘Bonkhe labacaphuna etishweni bayawucaphuna kulesisho ngawe, batsi: “Ludziwo lufute imbita.”

Hezekeli 2:10

layisombulula embikwami. Ngala nangale kwayo kwakubhalwe emavi ekulila, newekukhala kanye newelusizi.

Joweli 1:13

Yembatsani emasaka, nine baphristi, nilile. Khalani, nine lenikhonta elatini. Wotani nitekwembatsa emasaka busuku bonkhe, nine lenikhonta embikwaNkulunkulu wami, ngobe umnikelo walokutinhlavu kanye nemnikelo wetinatfo sebakugodlile, akuseti endlini yaNkulunkulu wenu.

Joweli 1:8

Lilani njengentfombi leyembetse emasaka, iwavunulele umyeni wayo webusha.

Amose 5:1

Lalelani nali livi, ninendlu yaka-Israyeli. Lesililo ngisenta ngenca yenu:

Amose 5:17

Kuyawuba khona kudzindza sililo kuto tonkhe tivini, ngobe ngiyakwendlula emkhatsini wenu nginijezise.”

Mikha 1:15

Nine-ke takhamiti taseMaresha, Simakadze utaninikela etandleni tesitsa lesitawutfumba lelidolobha lenu. Baholi labahloniphekile baka-Israyeli bayawubhaca emihumeni yase-Adulamu.

Mikha 1:8

Mikha wase utsi: “Ngenca yaloko ngitawukhala ngilile kuze ngikhombise kudzabuka kwami, ngitawuhamba ngcunu ngingafaki ngisho neticatfulo, ngishaye umkhulungwane njengenja, ngikhale njengesahhukulu, ngikekele njengenshi.

Mikha 2:10

Sukumani nihambe, lena akusiyo indzawo lapho ningabalekela khona, ngobe ingcolile; lendzawo itawubhujiswa ngelulaka lolukhulu.

Habakhuki 2:6

“Abayikumchukuluta bonkhe yini ngemagama ekumeya, bahlekise ngaye batsi: ‘Maye kulowo lompongisa timphahla letebiwe, atinjingise ngekweba! Loku kutawuchubeka kuze kube ngunini?’

Zefaniya 1:2

“Ngiyawutsanyela ngisuse konkhe, ngikususe ebusweni bemhlaba,” kusho Simakadze.

Numeri 23:18

Bhalamu wakhuluma umlayeto wakhe, watsi: “Sukuma, Bhalaki, ulalele, ngive kahle wena, msa waSiphori.

Numeri 23:7

Bhalamu wakhuluma umlayeto wakhe, watsi: “Bhalaki wangisusa e-Aramu, inkhosi yakaMowabi, etintsabeni letingasemphumalanga, watsi: ‘Kota utengicalekisela Jakobe, ungijivazele Israyeli.’

Numeri 24:15

Walayetela, watsi: “Umlayeto waBhalamu, umsa waBheyori, umlayeto walowo lonemehlo labona kahle konkhe.

Numeri 24:3

walayetela watsi: “Umlayeto waBhalamu, umsa waBheyori, umlayeto walowo lonemehlo labona kahle konkhe.

Makho 12:12

Betama kubamba Jesu, kodvwa besaba ticuku tebantfu, ngobe babona kahle kutsi ngalomfanekiso ukhuluma ngabo, base bayamshiya, bahamba.

Dutheronomi 28:29

Kuyawutsi emini kala bha, niphumphutse indlela njengemphumphutse ebumnyameni. Aniyiwuphumelela kuko konkhe lenikwentako, imihla ngemihla niyawube nicindzetelekile, niphangwe, kubete nalonephulako.