Mikha 2:12 - Siswati 1996 Bible

¹² “Kodvwa ngiyakunibutsela ndzawonye, nonkhe nine sive saka-Israyeli lenisasele. Ngiyawunibutsela nonkhe ndzawonye njengetimvu tibuyela esibayeni sato; nanjengelidlelo leligcwele timvu, live lenu lisetawubuye ligcwale bantfu labanyenti.”

Mikha 2:12 Cross References

Genesisi 36:33

Kwatsi kube kufe Bela, kwase kubekwa Jobabi, umsa waZera. Inhlokodolobha yakhe bekuyiBhosra.

1 Tikhronike 1:44

Kwatsi kube kufe Bela, kwase kubekwa Jobabi, umsa waZera labewekutalwa eBhosra, waba yinkhosi emvakwakhe.

Isaya 11:11

Ngalelo langa Simakadze uyakwelula sandla sakhe kwesibili atibutsele imisalela yesive sakhe leyawube isasele e-Asiriya, naseGibhithe Lengentansi, neGibhithe Lengenhla, naseKushe, nase-Elamu, naseBhabhulona, naseHamathi, nasemaveni langaselwandle.

Isaya 27:12

Ngalelo langa Simakadze uyawubabhula kusukela emfuleni iYufrathe kuze kuyewufika emfuleni waseGibhithe, nine-ke ma-Israyeli, niyawubutfwa ngamunye ngamunye.

Isaya 34:6

Inkemba yaSimakadze icwiliswa engatini, inemanoni yonkhe indzawo, igcwele ingati yemazinyane etimvu, nengati yetimbuti, nemanoni lesuka etinsweni tetihhanca. Ngobe Simakadze unemhlatjelo eBhosra nekuhlaba lokukhulu kulaka-Edomu.

Isaya 5:17

Timvu tiyakudla kube shangatsi ngusemadlelweni ato; emazinyane etimvu ayakudla emkhatsini wetindzala talabanjingile.

Jeremiya 23:3

“Mine matfupha ngiyawutibutsela lensali yemhlambi wami emaveni onkhe, lapho ngiwusakatele khona, ngiwubuyisele edlelweni lawo, lapho uyawukwandza khona, ukhule wandze ngesibalo.

Jeremiya 3:18

Kulawo malanga indlu yakaJuda iyawutihlanganisa nendlu yaka-Israyeli, bete kanyekanye baphuma eveni lelingasenyakatfo, batewungena eveni lengalipha boyisemkhulu kutsi libe lifa labo.”

Hezekeli 34:11

“ ‘Ngobe naku lokushiwo yiNkhosi Simakadze, itsi: Mine ngekwami ngitatifunela letimvu tami, ngitelusele.

Hezekeli 34:13

Ngiyawutikhipha emkhatsini wetive, ngitibutse emaveni, bese ngitibuyisela eveni lato. Ngiyakutelusela etintsabeni taka-Israyeli, ngasemifuleni, nasetindzaweni tonkhe letakhiwe eveni.

Hezekeli 34:22

mine-ke ngitawusindzisa umhlambi wami, ungeke uphindze uphangwe. Ngiyakwehlulela emkhatsini wemvu nemvu.

Hezekeli 34:31

“ ‘Nine, timvu tami, timvu telidlelo lami, nisive sami, mine nginguNkulunkulu wenu, kusho iNkhosi Simakadze.’ ”

Hezekeli 36:37

“Naku lokushiwo yiNkhosi Simakadze, itsi: Nangaloku ngiyawulalela kukhala kwendlu yaka-Israyeli, ngibentele naku: Ngiyawukwenta sive sabo sandze sibe ngangetimvu,

Hezekeli 37:21

bese-ke uyabatjela kutsi: ‘Naku lokushiwo yiNkhosi Simakadze, itsi: Ngitawubutsa sonkhe sive sami saka-Israyeli kuto tonkhe tive lapho sahlakatekela khona, ngisibutsele ndzawonye ngize ngisibuyisele eveni lelingelaso.

Hoseya 1:11

Bantfu bakaJuda nebantfu baka-Israyeli bayawuphindze bahlanganiswe, bese babeka umholi wabo abe munye, bahlume eveni labo, ngobe liyawuba likhulu lelo langa lakaJezreyeli.

Amose 1:12

Ngako-ke ngitakwehlisela umlilo etikwaThemani lotawucotfula tigodlo taseBhosra.”

Mikha 2:13

Nkulunkulu uyawubavulela indlela yabo, abuye abahole abakhiphe ekutfunjweni kwabo. Bayawufohla, baphume emasangweni elidolobha bahambe bakhululekile. INkhosi yabo, Simakadze cobo lwakhe, uyawubahambela embili abakhiphe.

Mikha 4:8

Nawe Jerusalema, njengobe bewuyinqaba yekulondvolota umhlambi wakho, wena ntsaba yaseSiyoni uyawuphindza futsi ube yinhlokodolobha yalowo mbuso, lowawuvele ungiyo.

Mikha 5:7

Ema-Israyeli layawusindza ayawufanana nematolo lahlumelelisako latfunyelwe nguSimakadze etiveni letinyenti, afanane nemvula lenetsa lokumilako. Ayawuncika kuNkulunkulu, hhayi kumuntfu.

Mikha 5:8

Insali yema-Israyeli iyakubasemkhatsini wetive letinyenti, ifanane nelibhubesi lelitingela ehlatsini noma edlelweni: Lisuka lingene emkhatsini wetimvu, litisukele litidzabudzabule ticucwana, litsemba lato lekusindza lingabikho.

Mikha 7:14

Simakadze, bani ngumelusi wesive sakho losikhetsile. Nome bantfu bakho bahlala babodvwa ehlane, kodvwa batungeletwe live lelivundzile. Abasukume batondle emadlelweni laneluhlata lolunyenti, eBhashani nakaGileyadi, njengobe babenta kadzenidzeni.

Mikha 7:18

Kute nkulunkulu lofana nawe, Simakadze; wena utsetselela tono tensali yakho lesele ekubhujisweni. Awuhlali utfukutsele siphelane, kodvwa ujabulela kusikhombisa umusa wakho.

Zefaniya 3:20

Ngaleso sikhatsi ngiyawunibutsa; ngaleso sikhatsi ngiyawunibuyisela ekhaya. Ngiyawuninika kuhlonipheka neludvumo emkhatsini wato tonkhe tive temhlaba, nase nginibuyisela tinhlanhla tenu embikwemehlo enu nibuka,” kusho Simakadze.