Mikha 1:16 - Siswati 1996 Bible

¹⁶ Takhamiti takaJuda, hhulani tinwele tenu, nililele bantfwabenu lenibatsandzako. Singani tinhloko tenu tibe tincacadvu njengemphandla, ngobe bantfwabenu batawutfunjwa.

Mikha 1:16 Cross References

2 Emakhosi 17:6

Kwatsi ngemnyaka wemfica wekubusa kwaHosheya, inkhosi yase-Asiriya yatfumba iSamariya, yase itfumba baka-Israyeli yabayisa e-Asiriya. Yabeka labanye eHala, labanye eGozani ngasemfuleni iHabori, nalabanye emadolobheni emaMede.

Jobe 1:20

Watsi kube akuve loko Jobe, wasukuma waklebhula timphahla takhe, wahhula inhloko yakhe. Wesuka lapho watilahla phansi emhlabatsini wakhotsama,

Isaya 15:2

IDiboni seyenyukele ethempelini, endzaweni lephakeme yekukhontela, kuyawukhala. Sive sakaMowabi sikhalela iNebo neMedeba. Tonkhe tinhloko tihhuliwe, tonkhe tilevu tihhuliwe.

Isaya 22:12

INkhosi Simakadze lenguSomandla yanibita ngalelo langa kutsi nitewukhala nilile, kutsi nitewuhhula tinwele tenu, nembatse emasaka.

Jeremiya 16:6

“Labaphakeme nalabaphansi bayawufela kulelive. Bangeke bangcwatjwe, futsi abayiwukhalelwa, futsi kute labayawubazilela nalabayawuhhula ngenca yabo.

Jeremiya 4:8

Ngako yembatsani emasaka, khalani, nilile, ngobe intfukutselo leyesabekako yaSimakadze ayikesuki kitsi.

Jeremiya 47:5

IGaza iyawuhhula inhloko yayo ilile, i-Ashkeloni yona iyawuvalwa umlomo, ibhubhe. Awu, nsali yasetsafeni, niyawutikhipha umkhuphulwane kuze kube ngunini?

Jeremiya 6:26

Awu, sive sami, yembatsani emasaka, nitiphucaphuce emlotseni; lilani ngekudzabuka lokukhulu, kube shangatsi kwendvodzana lekukuphela kwayo, ngobe umbhubhisi uyakusitselekela ngekushesha lokukhulu.

Jeremiya 7:29

Hhulani tinwele tenu, nine bantfu baseJerusalema, nitilahle, nilile sililo emagcumeni laphakeme, ngobe Simakadze usilahlile, wasishiya lesitukulwane lesingaphansi kwelulaka lwakhe.’ ”

Sililo 2:19

Vuka ukhale kusengusebusuku, ngesikhatsi balindzi bangena emsebentini wabo, utfulule inhlitiyo yakho njengemanti ebukhoneni baSimakadze. Phakamisela tandla takho kuye ngenca yetimphilo tebantfwana bakho lasebacaleka ngenca yendlala, ekucaleni nasekupheleni kwato tonkhe titaladi.

Amose 7:11

Ngobe naku lokushiwo nguAmose, utsi: “ ‘Jerobowamu utakufa ngenkemba, ema-Israyeli wona ngempela atawudzingiswa, esuswe eveni lawo lekutalwa.’ ”

Amose 7:17

“Ngako-ke naku lokushiwo nguSimakadze: “ ‘Umfati wakho uyawuba yingwadla yelidolobha; emadvodzana nemadvodzakati akho ayakufa ngenkemba. Emasimi akho atawulinganiswa, abelwe labanye; wena utakufa, ufele eveni lemahedeni. Israyeli, vele, yena utawutfunjwa, esuswe eveni lakhe lekutalwa.’ ”

Amose 8:10

Emadzili enu enkholo ngiyakuwagucula abe sililo, nako konkhe kuhlabela kwenu kube kukhala. Ngiyawunenta nonkhe nembatse emasaka, nihhule tinhloko tenu. Leso sikhatsi ngiyawusenta sifanane nesekulilela indvodzana letelwe yodvwa kabo. Lelo langa liyawugcina kabuhlungu kakhulu.”

Dutheronomi 28:41

Niyawuba nemadvodzana nemadvodzakati, kodvwa akayiwuhlala nani, ngobe ayawutfunjwa.