Mikha 1:14 - Siswati 1996 Bible

¹⁴ Ngako, nine takhamiti takaJuda, yehlukanani nelidoloba iMoreshethi Gathi. Kute lusito lolutawutfolwa ngemakhosi aka-Israyeli edolobheni lase-Akzibi.

Mikha 1:14 Cross References

2 Samuweli 8:2

Davide wachubeka wahlasela nemaMowabi, wawehlula. Abebalalisa phansi emhlabatsini, bese ubulala babili njalo kulabatsatfu baletitfunjwa. Ngako emaMowabi ase aba ngaphansi kwakhe, aletsa imitselo yawo kuDavide.

2 Emakhosi 16:8

Ahazi watsatsa isiliva negolide leyayingatfolakala ethempelini laSimakadze nasendlini yengcebo yasesigodlweni senkhosi, wakutfumela njengesipho enkhosini yase-Asiriya.

Tihlabelelo 62:9

Bantfukatana bafanana nemoya nje, tikhulu nato tilite lelite. Nome bafakwa esikalini kanyekanye, balula kunemoya.

Isaya 30:6

Livi lesembulo lelimacondzana netilwane taseNegevu: Emancusa adzabula eveni lebulukhuni nenjabhiso, live lemabhubesi lamadvuna nalamasikati, lemabululu kanye netinyoka letindizako, ayalidzabula etfwala imicebo yawo ngetimbongolo, neminotfo yawo ngemalundza emakamela, aya kuleso sive lesingenanzuzo,

Jeremiya 15:18

Kwentiwa yini kutsi iminjunju yami ingapheli, nelinceba lami libe libibitseka, futsi lingelapheki? Vele, kimi utawuba njengemfula lolite yini nanjengemtfombo lote emanti?

Joshuwa 15:44

neKheyila, ne-Akzibi, neMaresha, lekwaba ngemadolobha layimfica akanye nemiti yawo.