Mikha 1:11 - Siswati 1996 Bible

¹¹ Nine takhamiti taseShafiri, tidzingiseni nihlazekile, ningcunu. Takhamiti taseSanani tesaba kuphuma edolobheni lato. Nawuva takhamiti taseBethi Eseli tilila, uyawuvele ubone kutsi kute siphephelo lapho.

Mikha 1:11 Cross References

Isaya 16:2

Njengetinyoni letizulazulako nangabe tikhishwa etidlekeni, bayawuba njalo-ke nebafati bakaMowabi ematubukweni ase-Anoni.

Isaya 20:4

kanjalo inkhosi yase-Asiriya iyawuhola baseGibhithe nebaseSudani labatfunjwe bangcunu, bangakafaki lutfo nasetinyaweni, labancane nalabadzala, bayawushwebheta ngetibunu tabo tisebaleni, kube lihlazo laseGibhithe.

Jeremiya 13:22

Nawutibuta utsi: “Loku kwentekeleni kimi?” phela kungenca yetono takho letinyenti, lokutsi tidvwaba takho tidzatjulwe, nemtimba wakho uphatseke kabi.

Jeremiya 48:6

Balekani niphephise imphilo yenu, banini njengesihlahla lesisehlane.

Jeremiya 48:9

Fakani luswayi kaMowabi, ngobe uyawuba yincitsakalo, emadolobha akhona ayawusala akhala libhungane, sekute muntfu longahlala kuwo.

Hezekeli 16:37

ngako-ke sengitawabutsa onkhe lamashende akho, lebewutijabulisa ngawo, lawo lebewuwatsandza nalawo lebewuwenyanya. Ngiyakuwabutsa kuyo yonkhe indzawo, akuvukele onkhe ngikungcunule embikwawo, futsi ayakububona bonkhe bungcunu bakho.

Hezekeli 23:29

Batakuphatsa ngenzondo, bakwemuke konkhe loko lokusebentele. Batakushiya ungcunu ungenalutfo, nelihlazo lebugwababane bakho libekeke ebaleni. Luntjingintjingi lwenkhanuko yakho nebugwababane bakho

Mikha 1:8

Mikha wase utsi: “Ngenca yaloko ngitawukhala ngilile kuze ngikhombise kudzabuka kwami, ngitawuhamba ngcunu ngingafaki ngisho neticatfulo, ngishaye umkhulungwane njengenja, ngikhale njengesahhukulu, ngikekele njengenshi.

Nahume 3:5

Simakadze longuSomandla utsi: “Mine ngiphambene nawe, ngitawuphakamisa tidvwaba takho tibheke etulu. Tonkhe tive temhlaba ngitatikhombisa bungcunu bakho, nemibuso yemhlaba ngiyikhombise lihlazo lakho.

Zakhariya 14:5

Niyawubalekela ngasesigodzini sentsaba yami, ngobe lesigodzi siyawufikela e-Aseli. Yebo, niyawubaleka njengamhlazane nibalekela kutamatama kwemhlaba ngesikhatsi sa-Uziya, inkhosi yakaJuda. Simakadze-ke longuNkulunkulu wami uyawube sewuyefika kanye nabo bonkhe labangcwele bakhe.

Joshuwa 15:37

KwakuyiSanani, neHadasha, neMigdali Gadi,