Matewu 9:36 - Siswati 1996 Bible

³⁶ Nabona ticumbi tebantfu, inhlitiyo yakhe yagcwala sihawu, ngobe bebakhatsatekile bahlakatekile, banjengetimvu letite umelusi.

Matewu 9:36 Cross References

1 Emakhosi 22:17

Mikhaya wase uyaphendvula, watsi: “Ngibone onkhe ema-Israyeli ahlakatekile etintsabeni njengetimvu letite umelusi; Simakadze watsi: ‘Labantfu abanamelusi. Nguloyo akatibuyelele ekhaya lakhe ngekuthula.’ ”

2 Tikhronike 18:16

Mikhaya wase uyaphendvula, watsi: “Ngibone onkhe ema-Israyeli ahlakatekile etintsabeni njengetimvu letite umelusi; Simakadze watsi: ‘Labantfu abanamelusi. Nguloyo akatibuyelele ekhaya lakhe ngekuthula.’ ”

Isaya 13:14

“Njengenyamatane letingelwako, nanjengetimvu letingenamelusi, ngulowo nalowo uyawubalekela esiveni sakubo, ngulowo nalowo abalekele eveni lakubo.

Jeremiya 50:6

“Bantfu bami babetimvu letilahlekile, belusi bato batedukisile, batenta tasabalala etulu etintsabeni. Babezulazula etikwetintsaba nemagcuma, baze bayikhohlwa nendzawo yabo, lapho baphumula khona.

Zakhariya 10:2

Tithico tikhuluma lokuyinkhohliso, labaphengulako babona imibono yemanga, bakhuluma emaphupho langesilo liciniso. Badvudvutana mahhala nje ngelite. Ngako-ke bantfu bazulazula njengetimvu, bacindzetelekile ngekweswela umelusi.

Zakhariya 11:16

Ngobe ngiyawuvusa umelusi etikwalelive longeke atinakekele timvu letilahlekile, longeke atifune letincane, longeke atiphilise letilimele, nalongeke atibonelele ondle leticinile naletikhuluphele, kodvwa uyawudla inyama yetimvu telikhetselo abhoncule tinselo tato.

Numeri 27:17

iphume ingene embikwaso, isihole ngekusikhipha nekusingenisa, kuze sive saSimakadze singafani netimvu letingenamelusi.”

Matewu 10:6

Esikhundleni saloko hambani niyewufuna timvu letilahlekile letisive sema-Israyeli.

Matewu 14:14

Jesu watsi uyehla esikebheni, wabona sicumbi lesikhulu sebantfu, waba nesihawu nabo. Wabaphilisa bonkhe lababegula.

Matewu 15:24

Jesu waphendvula watsi: “Angikatfunyelwa kulomunye umuntfu, kuphela etimvini letilahlekile letingema-Israyeli.”

Matewu 15:32

Jesu wabita bafundzi bakhe watsi: “Ngiyabadzabukela labantfu, ngobe sengemalanga lamatsatfu banatsi lapha, bangenalutfo labangahle baludle. Angitsandzi kubahambisa balambile, funa bacaleke endleleni.”

Makho 6:34

Watsi uyehla nje Jesu esikebheni wabona lesikhulu sicumbi sebantfu, wabahawukela ngobe bebanjengetimvu letite umelusi. Wabafundzisa ngetintfo letinyenti.

Makho 8:2

“Ngiyabadzabukela labantfu, ngobe bebakanye nami lapha kwaze kwaba ngemalanga lamatsatfu. Manje sebate lutfo loludliwako.

KumaHebheru 4:15

LomPhristi wetfu Lomkhulu akasiye lowehluleka kuvelana natsi ebutsakatsakeni betfu, kodvwa walingwa ngayo yonkhe indlela njengatsi, noko akazange one.

KumaHebheru 5:2

Lowo-ke angababeketelela labo labangati lutfo nalaba labedukako, ngobe kwayena unebutsakatsaka.