Matewu 9:3 - Siswati 1996 Bible

³ Letinye tati temtsetfo takhuluma todvwana tatsi: “Lomuntfu uyahlambalata.”

Matewu 9:3 Cross References

Levithikusi 24:16

Lowo lohlambalata libito laSimakadze uyawubulawa. Sive sonkhe siyawumgcoba ngematje. Yebo, nome lomuntfu wetive nome angum-Israyeli wengati, kodvwa nahlambalata libito laSimakadze, uyawubulawa.

Numeri 15:30

“ ‘Kodvwa umuntfu lowona ngemabomu, nome angewemdzabu nome angewetive, uyawuba nelicala lekungahloniphi Simakadze, uyawuncunywa esiveni sakubo.

Matewu 26:65

Nasasho loku, umPhristi Lomkhulu wadzabula tingubo takhe watsi: “Vele, sewuhlambalatile; asisabudzingi lobunye bufakazi, seniyivile inkhulumo yakhe lehlambalatako!

Matewu 7:29

ngobe abebafundzisa njengemuntfu lonemandla, hhayi njengetati tabo temtsetfo.

Makho 14:64

Nikuvile kuhlambalata kwakhe. Nitsini-ke nine?” Bonkhe bamlahla ngelicala, batsi kufanele abulawe.

Makho 3:28

“Ngiyacinisa ngitsi kini: Tonkhe tono tebantfu tiyawutsetselelwa, nome ngabe sebahlambalate kangakanani;

Makho 3:29

kodvwa umuntfu lohlambalata Moya Longcwele, ngeke atsetselelwe nanini, kepha unelicala laphakadze.”

Makho 7:21

Ngobe enhlitiyweni yemuntfu kuphuma imicabango lemibi, nebugwadla, nekuba, nekubulala,

Lukha 5:21

Bafundzisi bemtsetfo nebaFarisi bacala bavungatela bakhuluma bodvwa batsi: “Ngubani lona lohlambalata Nkulunkulu? Ngubani longatsetselela tono ngaphandle kwaNkulunkulu?”