Matewu 9:23 - Siswati 1996 Bible

²³ Kwatsi Jesu asefikile endlini yalomphatsi, abona bashayi bemintjingozi nesicuku lesijokotelako,

Matewu 9:23 Cross References

2 Tikhronike 35:25

Jeremiya wacamba tingoma tesililo saJosaya, kuze kube ngulamuhla bonkhe bahlabeli besilisa nebesifazane basamkhumbula Josaya ngaletingoma tesililo sakhe. Letingoma tase tiba tingoma temihambo yema-Israyeli, tabhalwa encwadzini yetililo.

Jeremiya 16:6

“Labaphakeme nalabaphansi bayawufela kulelive. Bangeke bangcwatjwe, futsi abayiwukhalelwa, futsi kute labayawubazilela nalabayawuhhula ngenca yabo.

Hezekeli 24:17

Bubula nje uthule; ungamlileli lowo lofile. Umshuculo wakho awuhlale uboshelwe enhloko, netincabule takho tihlale etinyaweni takho; ungalimbonyi lingentansi lebuso bakho, futsi ungakudli kudla kwelisiko kwalabalilako.”

Matewu 11:17

batsi: ‘Sanishayela tigubhu, anigidzanga; sahlabela tingoma tesililo, kodvwa anikhalanga.’

Lukha 7:32

Banjengebantfwana labahleti emakethe, lesinye sicumbi sabo simemeta lesinye sitsi: ‘Sanishayela tigubhu engomeni yesibhaca, kodvwa anizange nigidze; sahlabela tingoma temngcwabo, kodvwa anizange senikhale.’

Imisebenti yebaPhostoli 20:10

Kodvwa Pawula wehla watijika etikwakhe wamgaca ngemikhono, wase utsi kulabo bebalapho: “Ningakhatsateki, akafi.”

Imisebenti yebaPhostoli 9:39

Ngako Phetro watilungisela wahamba nabo. Nasafikile bamtsatsa bamyisa kulendlu leyayisesitezi. Bonkhe bafelokati bamsingatsa, bakhala bamkhombisa emahembe nemajazi labentiwe nguDokhasi asengakafi.

Sembulo 18:22

Ingeke iphindze ivakale kuwe imisindvo yebashayi bemahabhu, neyebahlabeli, neyebashayi bemintjingozi, neyebashayi bemacilongo. Kungeke kuphindze kwateke kutsi kwase kwaba khona babati betintfo letitinhlobonhlobo. Ungeke uphindze uvakale nemsindvo wesigayo.