Matewu 8:34 - Siswati 1996 Bible

³⁴ Ngako-ke wonkhe umuntfu kulelo dolobha waphuma wayawuhlangabeta Jesu; batsi kube bambone, bamncenga batsi akesuke kulelo live labo.

Matewu 8:34 Cross References

1 Emakhosi 17:18

Lomfelokati wakhuluma ku-Elija, watsi: “Ngoneni kuwe, muntfu waNkulunkulu? Kantsi lapha kami utele kutangikhumbuta sono sami, ubulale nendvodzana yami.”

1 Emakhosi 18:17

Watsi kube abone Elija, wakhuluma kuye watsi: “Nguwe yini lowo, lohlupha sive saka-Israyeli?”

Jobe 21:14

Noko bakhuluma kuNkulunkulu, batsi: ‘Ase uyekele tsine! Site sifiso sekwati tindlela takho.

Jobe 22:17

Bakhuluma kuNkulunkulu batsi: ‘Ase usiyekele! Somandla angasentani tsine?’

Amose 7:12

Amasiya wakhuluma ku-Amose, watsi: “Phuma, wena mboniswa. Buyela eveni lakaJuda. Hamba uyewuhlala khona usebentele kudla kwakho khona, uphrofethe khona.

Matewu 8:29

Bamemeta batsi: “Sinamsebenti muni nawe, Ndvodzana yaNkulunkulu, sewutele kutesivisa buhlungu yini sikhatsi sisengakefiki?”

Lukha 5:8

Kodvwa Simoni Phetro abona loku, waguca ngemadvolo etinyaweni taJesu watsi: “Ncono usuke kimi, Nkhosi, ngobe mine ngingumuntfu losoni!”

Lukha 8:28

Yatsi nayibona Jesu, yakhala kakhulu, yaze yatilahla embikwakhe, yatsi: “Jesu, Ndvodzana yaNkulunkulu Losetikwako Konkhe! Ufunani kimi? Ngiyakuncenga ngitsi ungangihluphi.”

Imisebenti yebaPhostoli 16:39

Ngako tase tiyeta titawucolisa kubo, tabakhipha; tabacela kutsi abesuke kulelo dolobha.

Dutheronomi 5:25

Kodvwa-ke manje sifelani? Lomlilo lomkhulu kangaka utasishisa usicedze, futsi sitakufa nangabe sichubeka kuliva leliphimbo laSimakadze Nkulunkulu wetfu.

1 Samuweli 16:4

Samuweli wenta loko labekutjelwe nguSimakadze. Watsi nakefika eBhetlehema, baholi belidolobha batfutfumela nabahlangana naye. Bambuta batsi: “Ute ngesihle yini?”