Matewu 8:26 - Siswati 1996 Bible

²⁶ Jesu wabaphendvula watsi: “Nesabani, nine bekukholwa lokuncane?” Wasukuma wasekhuta lesivunguvungu kanye nelwandle, kwase kuba khona kuthula lokukhulu.

Matewu 8:26 Cross References

Tihlabelelo 65:7

Ubindzisa kudvuma kwetilwandle, uthulise kugubha nekuhlokoma kwemagagasi, ubindzise siphitsiphitsi lesicokotelisa tive.

Tihlabelelo 89:9

Nguwe lobusa kutichenya kwelwandle nakaphakama emagagasi alo, wena uyawabindzisa.

Isaya 63:12

lowatfumela umkhono wakhe lonemandla lamangalisako, kutsi ube ngasesandleni saMose sekudla, lowehlukanisa emanti embikwabo, aze atakhele yena Libito lelineludvumo lwaphakadze?

Nahume 1:4

Wekhuta lwandle, kome emanti alo; womisa yonkhe imifula yemanti. Tikhotsa taseBhashani tiyoma, iNtsaba iKhameli ihamuke, timbali taseLebanoni tibune.

Habakhuki 3:8

Awu, Simakadze, kungabe bewuyitfukutselele yini imifula? Kungabe lulaka lwakho belumelene nemifudlana yini? Walutfukutselela yini lwandle ngesikhatsi ugibele emahhashi akho, netincola takho tekuncoba?

Matewu 16:8

Kepha Jesu akwati loko watsi kubo: “Nine bantfu bekukholwa lokuncane, nentiwa yini kutsi nikhulumisane nodvwana ngekutsi kwentiwa ngobe nite tinkhwa?

Matewu 17:20

Jesu wabaphendvula watsi: “Kwentiwe kutsi nine ninekukholwa lokuncane, ngobe ngicinisile, ngitsi kini: Naningaba nekukholwa lokuncane lokungangenhlavu yendlulamitsi, ningatsi kulentsaba: ‘Suka la, uye lapha,’ ivele isuke. Kute lokungete kwenteka kini. [

Matewu 6:30

Kodvwa nangabe Nkulunkulu abembatsisa kangaka tjani besiganga, lobuphilako lamuhla, kusasa bushe, akayiwunembatsisa kakhulu yini nine leninekukholwa lokuncane?

Matewu 8:27

Bantfu bamangala, badzimate batsi: “Kantsi muntfu muni lona, ngobe imimoya nelwandle kuyamlalela?”

Lukha 4:35

Jesu wawekhuta lomoya watsi: “Thula! Phuma futsi kulomuntfu!” Lidimoni lamjika phansi embikwabo bonkhe, noko laphuma kuye lingakamlimati.

KubaseRoma 4:20

Noko akazange asingabate setsembiso saNkulunkulu ngekungasikholwa. Kodvwa wacina ekukholweni anika Nkulunkulu ludvumo.

Sembulo 10:2

Yayiphetse incwajana levulekile esandleni sayo. Ngelunyawo lwayo lwangesekudla yema etikwelwandle, ngelwangesancele yema etikwemhlabatsi.