Matewu 8:25 - Siswati 1996 Bible

²⁵ Bafundzi baya kuye bayakumvusa batsi: “Nkhosi, sisindzise! Sesiyafa!”

Matewu 8:25 Cross References

2 Tikhronike 14:11

Asa wakhala kuSimakadze Nkulunkulu wakhe, watsi: “Hawu, Simakadze, kute lofanana nawe ngekusita lote emandla umvikele kulonemandla. Sisite, Simakadze Nkulunkulu wetfu, ngobe setsembele kuwe, futsi site kutekulwa nalemphi lenkhulu kangaka, ngobe setsembele ebitweni lakho. Awu, Simakadze, wena unguNkulunkulu wetfu; ungavumeli muntfu kutsi akuncobe.”

2 Tikhronike 20:12

Awu, Nkulunkulu wetfu, ungeke ubehlulele yini? Ngobe tsine site emandla ekubhekana nalemphi lenkhulu kangaka letewusihlasela. Asati kutsi kufanele senteni, kodvwa emehlo etfu abuke kuwe.”

Tihlabelelo 10:1

Simakadze, umeleni khashane? Utifihleleni ngesikhatsi sisekuhluphekeni?

Jona 1:6

Indvuna yemkhumbi yakhandzanisa Jona alele, yafike yatsi: “Wentani la? Uleleleni? Vuka uthandaze kuNkulunkulu wakho! Mhlawumbe yena utasivela asisindzise singabhubhi!”

Matewu 8:2

Kwase kufika umuntfu labenebulephelo, wakhuleka kuye watsi: “Nkhosi, nawutsandza, ungangihlambulula.”

Matewu 8:24

Kwase kuvuka sivunguvungu selwandle lesikhulu, sikebhe sadzimate sagujetelwa ngemagagasi; kepha Jesu abelele.

Matewu 9:18

Watsi Jesu asakhuluma loko, kwefika umphatsi welisinagoge, waguca embikwakhe watsi: “Indvodzakati yami isandza kufa nyalo, kodvwa kota ubeke sandla sakho etikwayo, itawuphila!”

Lukha 8:24

Baya kuye bafike bamvusa batsi: “Mfundzisi, Mfundzisi, sesiyafa!” Waphaphama wase uyasikhalimela lesivunguvungu nemagagasi; kwabindza, kwaba khona kuthula.