Matewu 8:2 - Siswati 1996 Bible

² Kwase kufika umuntfu labenebulephelo, wakhuleka kuye watsi: “Nkhosi, nawutsandza, ungangihlambulula.”

Matewu 8:2 Cross References

2 Samuweli 3:39

Lamuhla mine nome sengigcotjiwe, kodvwa angikacini, lamadvodzana aSeruya atidlova. Shangatsi Simakadze angamkhokhisa lomubi ngetento takhe letimbi!”

2 Emakhosi 15:5

Simakadze washaya inkhosi ngesifo lesisabulephelo, kwaze kwaba lilanga leyafa ngalo, yase ihlala endlini yayo yodvwa. Kwase kunguJothamu, umsa wayo, labesengamele sigodlo, sekunguye nalobusa sive eveni.

2 Emakhosi 5:1

Namani abeyindvuna yelibutfo lenkhosi yaseSiriya. Abengumuntfu lomkhulu kabi enkhosini yakhe, futsi ahlonishwa kakhulu, ngobe ngaye Simakadze wanika iSiriya kuncoba. Abelichawe lelinesibindzi, kodvwa abenebulephelo.

2 Emakhosi 5:27

Bulephelo baNamani sebutawunamatsela kuwe kanye nasetitukulwaneni takho siphelane.” Watsi Gehazi nakaphuma, esuka embikwa-Elisha, wabe asanebulephelo asamhlophe njengangcocwane.

Numeri 12:10

Latsi lisuka nje lelifu ethendeni lekuhlangana, Miriyamu wabe asamhlophe hhu lokusabulephelo wonkhe umtimba, asamhlophe njengesitfwatfwa. Aroni wagucukela kuMiriyamu, wamkhandza asatse hhu wonkhe umtimba.

Matewu 10:8

Philisani labagulako, nivuse labafile, niphilise emalephelo, nikhiphe emadimoni. Nemukeliswe ngesihle, ngako-ke nani phanini ngesihle.

Matewu 13:58

Akazange ayente imisebenti yemandla leminyenti lapho ngenca yekungakholwa kwabo.

Matewu 14:33

Labo labebasesikebheni bamkhotsamela batsi: “Ngempela wena uyiNdvodzana yaNkulunkulu!”

Matewu 15:25

Kepha lomfati wasondzela, waguca embikwakhe, watsi: “Nkhosi, ngisite!”

Matewu 18:26

Lesisebenti sase siwa phansi sikhotsamela lenkhosi sadzimate satsi: ‘Ase umane ungibeketelele, ngitawusikhokha sonkhe lesikwelede sami.’

Matewu 2:11

Tangena endlini, tabona umntfwana naMariya, unina. Taguca phansi, tadvumisa iNkhosi; tase tivula tikhwama tato, tamupha tipho: igolide, nemphepho, nemakha.

Matewu 20:20

Kwase kufika kuye unina wemadvodzana aZebedi nalamadvodzana akhe, wakhotsama embikwakhe, wabeka sicelo.

Matewu 26:6

Watsi Jesu aseseBhetani endlini yaSimoni labenebulephelo,

Matewu 28:17

Batsi nabambona bakhuleka kuye, noko labanye babo babesangabata.

Matewu 28:9

Jesu wefika kubo watsi: “Kuthula akube kini!” Beta kuye, bambamba tinyawo, base bakhuleka kuye.

Matewu 4:9

watsi kuye: “Konkhe loku ngitakunika kona, nawungamane uwe phansi nje, ungikhotsame.”

Matewu 8:1

Kwatsi Jesu nehla entsabeni, walandzelwa ticumbi letinyenti tebantfu.

Matewu 8:25

Bafundzi baya kuye bayakumvusa batsi: “Nkhosi, sisindzise! Sesiyafa!”

Matewu 9:18

Watsi Jesu asakhuluma loko, kwefika umphatsi welisinagoge, waguca embikwakhe watsi: “Indvodzakati yami isandza kufa nyalo, kodvwa kota ubeke sandla sakho etikwayo, itawuphila!”

Lukha 4:27

Kwakunemalephelo lamanyenti ka-Israyeli ngesikhatsi semphrofethi Elisha, noko kute nalinye lelaphiliswa emkhatsini wawo ngaphandle kwaNahamani, umSiriya.”

Johane 9:38

Lendvodza yaguca embikwaJesu, yatsi: “Nkhosi, ngiyakholwa.”

Imisebenti yebaPhostoli 10:14

Kodvwa Phetro watsi: “Ngeke, Nkhosi! Angizange sengiyidle intfo leyatiwa ngekutsi ingcolile.”

Imisebenti yebaPhostoli 10:25

Nasatawungena nje ekhaya Phetro, Khoneliyuse waphuma wamhlangabeta, waguca ngemadvolo wakhotsama embikwakhe.

1 kubaseKorinthe 14:25

Timfihlo tenhlitiyo yakhe tiyawuvela ekukhanyeni awe phansi ngebuso, athandaze kuNkulunkulu, acinise atsi: “Impela Nkulunkulu ukhona emkhatsini wenu.”

Sembulo 19:10

Ngase ngiwela ngasetinyaweni tayo ngayikhotsama, kodvwa yatsi kimi: “Ungakwenti loko! Nami ngisisebenti kanye nawe nebazalwane bakho labanebufakazi baJesu. Khotsama Nkulunkulu.” Ngobe bufakazi baJesu bunguMoya wesiphrofetho.