Matewu 8:16 - Siswati 1996 Bible

¹⁶ Kwatsi nase kuhlwa, baletsa kuye labanyenti lababenemadimoni; wabakhipha bonkhe bomoya lababi ngelivi nje, waphilisa bonkhe lababegula,

Matewu 8:16 Cross References

Eksodusi 15:26

Wakhuluma kubo watsi: “Naningilalela, nigcina livi lami, mine Nkulunkulu wenu, nente loko lokulungile, nigcine nemiyalo yami, ngingeke nginijezise ngaletifo lengatehlisela etikwemaGibhithe. Mine nginguSimakadze longumphilisi wenu.”

Matewu 12:22

Khona kwase kuletfwa kuye umuntfu labenelidimoni ayimphumphutse angakhulumi, wamphilisa. Kwatsi lona bekasimungulu wakhuluma wabona.

Matewu 14:14

Jesu watsi uyehla esikebheni, wabona sicumbi lesikhulu sebantfu, waba nesihawu nabo. Wabaphilisa bonkhe lababegula.

Matewu 8:15

Jesu watsintsa sandla sakhe, umkhuhlane wase uyamyekela; wasukuma wamlungisela kudla.

Matewu 8:33

Lamadvodza abelusile abaleka aya edolobheni, afike abalandzisa yonkhe indzaba, nekutsi kwentekani kulamadvodza lamabili labenemadimoni.

Matewu 9:2

Baletsa kuye umuntfu lobekafe luhlangotsi alaliswe eluhlakeni. Nakabona kukholwa kwabo, Jesu watsi kulobekafe luhlangotsi: “Mani sibindzi, ndvodzana yami! Tono takho titsetselelwe.”

Makho 2:3

Kwaletfwa kuye umuntfu labefe luhlangotsi, etfwelwe ngemadvodza lamane.

Makho 5:8

Yakusho loku, ngobe Jesu abesatsite kuyo: “Phuma dimoni kulomuntfu!”

Makho 9:25

Jesu watsi kube abone sicumbi sibutsana, wawekhuta lomoya lomubi watsi: “Moya webumungulu nebuhhulu! Ngiyakutjela ngitsi: Phuma kuye! Ungaphindzi futsi ubuye kuye!”

Lukha 13:12

Jesu watsi nakambona, wambita watsi: “Mfati, sewukhululekile ekuguleni kwakho.”

Lukha 4:40

Kwatsi ekushoneni kwelilanga bonkhe labebagulelwa tihlobo tabo tiphetfwe tifo letehlukene batiletsa kuJesu; tonkhe watibeka tandla, watiphilisa.

Lukha 4:41

Kwaphuma nemadimoni ebantfwini labanyenti. Amemeta atsi: “Wena uyiNdvodzana yaNkulunkulu!” Jesu abewekhuta angawavumeli kutsi akhulume, ngobe abemati lamadimoni kutsi unguKhristu.

Imisebenti yebaPhostoli 5:15

Ngemiphumela yaloku, lokwakwentiwa baphostoli, labagulako babetfwalwa ngemibhedze nangemacansi babekwe emigwacweni kuze kutsi loPhetro nakendlula, mane nje sitfunti sakhe sihambe etikwabo.