Matewu 7:7 - Siswati 1996 Bible

⁷ “Celani, nitawuphiwa; funani, nitakutfola; nconcotsani, nitakuvulelwa.

Matewu 7:7 Cross References

Genesisi 26:32

Ngalo lelo langa tisebenti ta-Isaka teta kuye tamtjela ngesicobho letase tisimbile tatsi: “Sesiwatfolile emanti.”

1 Emakhosi 3:5

Simakadze watibonakalisa kuSolomoni ebusuku ngesimo seliphupho, ngesikhatsi aseGibeyoni. Nkulunkulu wakhuluma kuye, watsi: “Cela nome ngabe yini lofuna kutsi ngikuphe yona.”

Tihlabelelo 10:17

Yebo, Simakadze! Uyativa tifiso talabacotfo, ucinise nenhlitiyo yabo. Indlebe yakho iyabalalela,

Tihlabelelo 10:4

Lomubi uyatigabatisa, akanaki lutfo, emicabangweni yakhe yonkhe, utsi: “Kute Nkulunkulu.”

Tihlabelelo 119:12

Awubongwe, Simakadze! Ngifundzise timiso takho.

Tihlabelelo 27:8

Wena utsite: “Funani buso bami.” Mine-ke enhlitiyweni yami ngitsi: “Buso bakho, Simakadze, ngiyabufuna.”

Tihlabelelo 34:4

Ngakhuleka kuSimakadze, wangiphendvula, wangikhulula kuko konkhe kwesaba kwami.

Tihlabelelo 37:4

Yenta Simakadze abe yinjabulo yakho, yena-ke utakupha lokufiswa yinhlitiyo yakho.

Tihlabelelo 50:15

Khala kimi ngetikhatsi tekuhlupheka, ngiyawukukhulula, bese uyangidvumisa.”

Tihlabelelo 69:32

Labatfobekile bayawubona bajabule, nine lenifuna Nkulunkulu tinhlitiyo tenu ativuseleleke.

Tihlabelelo 70:4

Bonkhe labafuna wena abajabule batfokote kuwe! Nalabo labatsandza insindziso yakho abasho njalonjalo batsi: “Mkhulu Nkulunkulu!”

Tihlabelelo 86:5

Ngobe wena, Nkhosi, ulungile futsi ulungele kutsetselela, umusa wakho uyabaphuphumela labo labakhala kuwe.

Taga 8:17

Ngiyabatsandza laba labangitsandzako, nalabo labangifunisisako bayangitfola;

Ingoma Yetingoma 3:2

Ngitawuvuka-ke nyalo, ngiyewuyaluka nasedolobheni, etitaladini talo nasetinkhundleni talo. Ngiyawuphenya lowo lotsandvwa yinhlitiyo yami. Ngako ngamfunisisa, kodvwa angimtfolanga.

Isaya 30:19

Awu, bantfu baseSiyoni, nine lenihlala eJerusalema, anisayikubuye nilile. Maye, uyawuba nemusa kini, nanikhala kuye nicela lusito! Uyakwenelela kuva nje, bese uyaniphendvula.

Jeremiya 33:3

‘Ngibite, ngitakuphendvula ngikutjele tintfo letinkhulu naletingaphenyeki, wena longatati.’

Amose 5:4

Naku lokushiwo nguSimakadze kuyo indlu yaka-Israyeli, utsi: “Ngifuneni, nitewuphila.

Matewu 18:19

“Futsi ngicinisile, ngitsi kini: Nangabe lababili benu lapha emhlabeni bavumelana nome ngaluphi ludzaba labalucelako, bayawulwentelwa nguBabe losezulwini.

Matewu 21:22

Konkhe leniyakucela ngekukhuleka nikholwa, niyakukwemukeliswa.”

Matewu 6:33

Kodvwa funani kucala umbuso waNkulunkulu kanye nekulunga kwakhe, khona tonkhe letintfo titakwengetelwa kini.

Matewu 7:11

Nangabe-ke nine lenibabi kangaka nikwati kubapha bantfwabenu tipho letinhle, kakhulu kangakanani-ke uYihlo losezulwini utakubapha lokuhle labacela kuye.

Matewu 7:8

Ngobe wonkhe locelako uyakuphiwa, nalofunako uyatfola, nalonconcotsako uyavulelwa.

Makho 11:24

Ngako-ke ngitsi kini: Konkhe leniyawukucela ngemkhuleko, kholwani kutsi seninako, niyawube seniyaphiwa-ke.

Lukha 13:25

“Umnikati wendlu nasekasukumile wavala umnyango, niyakuma ngephandle ninconcotse nitsi: ‘Nkhosi, sivulele umnyango!’ Uyakuniphendvula atsi: ‘Anginati lapho niphuma khona!’

Lukha 18:1

Jesu wase ubatjela lomfanekiso abafundzisa kutsi kufanele bathandaze sonkhe sikhatsi bangadzinwa.

Johane 15:16

Akusini lenangikhetsa, kodvwa ngimi lenganikhetsa nganitfuma kutsi nihambe nitsele titselo letinyenti, leto titselo time futsi, kuze kutsi nobe yini leniyakuyicela kuBabe egameni lami aniphe yona.

Johane 15:7

Nanihlala kimi nemavi ami ahlala kini, niyawucela lenikutsandzako, nikuphiwe.

Johane 4:10

Jesu waphendvula watsi: “Kube mane bewusati sipho saNkulunkulu nekutsi ngubani lona lotsi: ‘Nginatsise,’ ngabe ucele kuye, yena abetakunika emanti laphilako.”

KubaseRoma 2:7

Labanye bantfu bachubeka benta lokuhle, bafuna tibusiso, neludvumo nekuphila lokungabhubhi; labo-ke Nkulunkulu uyawubanika kuphila lokuphakadze.

KubaseRoma 3:11

kute ngisho namunye locondzisisako, kute lofuna Nkulunkulu.

KumaHebheru 11:6

Umuntfu lote kukholwa angeke akhone kujabulisa Nkulunkulu; ngobe lota kuNkulunkulu kufanele akholwe kutsi Nkulunkulu uyaphila nekutsi uyabavuza labo labamfunako.

YaJakobe 5:15

Umthandazo wekukholwa uyawumphilisa logulako, iNkhosi imvuse, nome entile tono uyawutsetselelwa tona.

1 yaJohane 3:22

Konkhe lesikucelako uyasipha, ngobe siyigcina imiyalo yakhe, futsi senta lokutsandzeka emehlweni akhe.