Matewu 7:1 - Siswati 1996 Bible

¹ “Ningabehluleli labanye, kuze nani ningetikwehlulelwa nguNkulunkulu.

Matewu 7:1 Cross References

Isaya 66:5

Vanini livi laSimakadze, nine lenitfutfumeliswa livi lakhe, utsi: “Bomnakenu labanitondzako banikhiphe inyumbazana ngenca yeLibito lami, batsite: ‘Akadvunyiswe Simakadze, kuze sitewubona injabulo yenu!’ Noko bayawutseleka ngelihlazo.

Matewu 7:2

Ngobe ngaloko kwehlulela lenehlulela ngako labanye, nani niyakwehlulelwa ngako; nangaleso silinganiso lenilinganisa ngaso, nani niyakulinganiswa ngaso.

Matewu 7:5

Mtentisi, cala kucala ukhiphe lugodvo lolusesweni lakho, emvakwaloko-ke utakubonisisa kahle kutsi ukhiphe lutsi lolusesweni lwemzalwane wakho.

Lukha 6:37

“Ningabehluleli labanye bantfu, khona ningetikwehlulelwa nguNkulunkulu; ningabalahli labanye, khona ningetiwulahlwa; tsetselelani, nani niyawutsetselelwa.

Lukha 6:41

“Ubukelani lutsi lolusesweni lemzalwane, kodvwa ube utsalalisela lugodvo lolusesweni lakho?

Johane 8:7

Batsi basambuta ngaloko, wavuka watsi kubo: “Lote sono emkhatsini wenu, akacale kucala amgcobe ngelitje!”

YaJakobe 3:1

Bazalwane bami, akukuhle kutsi linyenti lenu libe bafundzisi, nati kutsi tsine lesifundzisako siyakwemukeliswa kwehlulelwa lokumatima.