Matewu 6:9 - Siswati 1996 Bible

⁹ Nanithandazako nibotsi: “ ‘Babe wetfu losezulwini, alingcweliswe libito lakho.

Matewu 6:9 Cross References

2 Samuweli 7:26

kuze Libito lakho libe likhulu phakadze naphakadze. Ngaloko-ke bantfu bayakutsi: ‘Simakadze longuSomandla, unguNkulunkulu wema-Israyeli!’ Indlu yenceku yakho Davide iyakuma itinte embikwakho.

1 Emakhosi 8:43

ubobe sewuyeva usezulwini, indzawo yakho yekuhlala, wente konkhe loko wetive lakucelako kuwe. Loko kuyakwenta kutsi tonkhe tive temhlaba tilati Libito lakho tikwesabe, njengobe kwenta sive sakho ema-Israyeli, tati nekutsi lendlu lengiyakhile ibitwa ngeLibito lakho.

1 Tikhronike 17:24

kuze setsembiso sakho sime sitinte, neLibito lakho libe likhulu phakadze naphakadze. Ngaloko-ke bantfu bayawutsi: ‘Simakadze Somandla, Nkulunkulu wema-Israyeli, unguNkulunkulu wa-Israyeli!’ Indlu yenceku yakho Davide iyakuma itinte embikwakho.

2 Tikhronike 20:6

watsi: “Yebo, Simakadze, Nkulunkulu wabokhokho, wena awusiye yini Nkulunkulu losezulwini? Ubusa yonkhe imibuso yetive temhlaba. Emandla nemagunya kusesandleni sakho, futsi kute longamelana nawe.

Nehemiya 9:5

LamaLevi lekwakuboJeshuwa, naKhadmiyeli, naBani, naHashabneya, naSherebiya, naHodiya, naShebaniya kanye naPhethahiya bakhuluma batsi: “Sukumani nidvumise Simakadze Nkulunkulu wenu kusukela phakadze kuze kube nguphakadze. Alidvunyiswe Libito lakhe lelikhatimulako, Libito lelaphakanyiswa laba ngetulu kwato tonkhe tindvumiso netibongo.”

Tihlabelelo 111:9

Sive sakhe wasitfumelela kuhlengwa, wemisa sivumelwane sakhe kuze kube phakadze. Lingcwele liyesabeka libito lakhe.

Tihlabelelo 115:3

Phela, Nkulunkulu wetfu usemazulwini, wenta konkhe lakutsandzako.

Tihlabelelo 72:18

Akabongwe Simakadze, Nkulunkulu, nguye longuNkulunkulu wema-Israyeli, nguye yedvwa lowenta timangaliso.

Isaya 37:20

Manje-ke, Simakadze Nkulunkulu wetfu, sephule esandleni sakhe, kuze yonkhe imibuso yemhlaba yati kutsi wena wedvwa, Simakadze, unguNkulunkulu.”

Isaya 57:15

Ngobe nguloko lokushiwo nguLophakeme Losetulu, lolibito lakhe linguLongcwele, utsi: “Ngihlala etulu endzaweni lengcwele, kodvwa nakuye lodzabukile nalotfobekile emoyeni, kutewuvuselela umoya walabatfobekile nekuvuselela tinhlitiyo talabephukile emoyeni.

Isaya 6:3

Abememetana odvwana, ngulelo nalelo litsi: “Ungcwele, ungcwele, ungcwele, Simakadze longuSomandla! Umhlaba wonkhe ugcwele bukhosi bakhe.”

Isaya 63:16

Kodvwa wena unguBabe wetfu, nome nje Abrahama angasati tsine, na-Israyeli angasemukeli tsine, kodwva wena, Simakadze, unguBabe wetfu, uMhlengi wetfu; kwasemandvulo lelo Libito lakho.

Isaya 64:8

Noko, wena Simakadze, unguBabe wetfu. Tsine silibumba, wena ungumbumbi, sonkhe singumsebenti wetandla takho.

Isaya 66:1

Naku lokushiwo nguSimakadze, utsi: “Lizulu lisihlalo sami sebukhosi, umhlaba usenabelo setinyawo tami. Iphi-ke lendlu leningangakhela yona? Itawuba kuphi-ke indzawo yami yekuphumula?

Hezekeli 36:23

Ngitawukhombisa bungcwele beLibito lami lelikhulu, lebeselihlanjalatwe emkhatsini wetive, Libito lenilihlambalate emkhatsini wato. Ngulapho-ke tive tiyawukwati khona kutsi mine nginguSimakadze, nase ngitibonakalisa ngani kutsi mine ngingcwele, embikwemehlo ato, kusho iNkhosi Simakadze.

Hezekeli 38:23

Ngiyawubukhombisa kanjalo-ke bukhulu bami nebungcwele bami, ngiyawutenta kutsi ngatiwe emehlweni etive letinyenti. Ngulapho-ke bayawungati khona kutsi mine nginguSimakadze.’ ”

Levithikusi 10:3

Mosi wakhuluma ku-Aroni watsi: “Simakadze abesho kona loku-ke ngesikhatsi atsi: ‘Ngiyawutibonakalisa ngingcwele kulabo labasedvute nami; ngiyawukhatimuliswa embikwabo bonkhe bantfu.’ ” Kodvwa Aroni wathula.

Habakhuki 2:14

Ngobe umhlaba uyawugcwala kwati bukhosi baSimakadze, njengaloku emanti asibekela lwandle.

Zakhariya 14:9

Simakadze uyawuba yinkhosi emhlabeni wonkhe. Ngalelo langa kuyawuba naSimakadze munye, Libito lakhe kube Libito lakhe kuphela.

Malakhi 1:11

“Libito lami liyawuba likhulu etiveni kusukela ekuphumeni kwelilanga kuze kube ngusekushoneni kwalo. Kuyo yonkhe indzawo imphepho neminikelo lehlantekile iyawuletfwa kulo Libito lami, ngobe Libito lami liyawuba likhulu etiveni,” kusho Simakadze longuSomandla.

Matewu 10:29

Abatsengwa yini boncedze lababili ngesenti? Noko kute nome munye longawa phansi afe ngaphandle kwemvume yeYihlo.

Matewu 23:9

Ningabiti muntfu emhlabeni ngekutsi: ‘Babe,’ ngobe munye uYihlo losezulwini.

Matewu 26:29

Kepha ngitsi kini: Kusukela lamuhla angisayiwunatsa kulesitselo semvini, kuyawudzimate kufike lelo langa lengiyakusinatsa ngalo nani sesisisha embusweni waBabe.”

Matewu 26:42

Waphindze wahamba futsi kwesibili wathandaza atsi: “Babe, nangabe lendzebe ingeke yendlule kimi ngingakayinatsi, akwenteke intsandvo yakho!”

Matewu 5:16

Kanjalo-ke akukhanye kukhanya kwenu embikwebantfu, kuze babone lokulungile lenikwentako, bese badvumisa uYihlo losezulwini.”

Matewu 5:48

Ngako-ke nani banini ngulabaphelele, njengobe neYihlo losezulwini aphelele.”

Matewu 6:14

“Ngobe nangabe niyabatsetselela bantfu tono tabo, neYihlo losezulwini uyakunitsetselela.

Matewu 6:6

Kepha wena nawuthandaza, ngena endlini yakho uvale umnyango, uthandaze kuYihlo losekusitsekeni, khona uYihlo lobona ekusitsekeni utawukunika umvuzo.

Matewu 7:11

Nangabe-ke nine lenibabi kangaka nikwati kubapha bantfwabenu tipho letinhle, kakhulu kangakanani-ke uYihlo losezulwini utakubapha lokuhle labacela kuye.

Lukha 15:18

Ngitawuhamba ngiye kubabe ngitsi kuye: “Babe, ngonile kuNkulunkulu nakuwe.

Lukha 15:21

Lendvodzana yatsi kuyise: ‘Babe, ngonile kuNkulunkulu nakuwe, angisafanele nekutsi ngibitwe ngekutsi ngiyindvodzana yakho.’

Lukha 2:14

“Akube bukhosi kuNkulunkulu kulelisetulu kakhulu nekuthula emhlabeni kubantfu labatfokotelwa nguye!”

Johane 20:17

Jesu watsi: “Ungangitsintsi, ngobe ngisengakenyukeli kuBabe, kodvwa hamba uye kubazalwane bami ubatjele kutsi sengiyenyuka ngibuyela kuye longuBabe wami neYihlo, Nkulunkulu wami naNkulunkulu wenu.”

KubaseRoma 1:7

Lencwadzi iya kubo bonkhe labatsandzekako baNkulunkulu labaseRoma, lababitelwa kutsi babe ngulabangcwele. Akube kini umusa nekuthula lokuvela kuBabe wetfu Nkulunkulu naseNkhosini Jesu Khristu.

KubaseRoma 8:15

Ngobe anemukelanga umoya webugcili wekutsi nibuye nesabe, kodvwa nemukela Moya losenta emadvodzana, sikhulume ngaye kuNkulunkulu sitsi: “Babe! Babe wami!”

KubaseGalathiya 1:1

Lencwadzi iphuma kuPawula umphostoli, longatfunywanga bantfu nome ngemuntfu, kodvwa ngaJesu Khristu naNkulunkulu longuYise lowamvusa kulabafile.

KubaseGalathiya 4:6

Njengobe ningemadvodzana akhe nje, Nkulunkulu usitfumelele Moya weNdvodzana yakhe etinhlitiyweni tetfu lobubula atsi: “Babe, Babe wami.”

1 kuThimothi 6:16

Nguye yedvwa longabhubhi lohlala ekukhanyeni lekungasondzeleki kuko, longazange asabonwe ngumuntfu, nalongeke abonwe ngumuntfu. Kuye akube ludvumo nemandla aphakadze. Amen.

1 yaPhetro 1:17

Nanimbita ngekutsi nguBabe, lowo lowehlulela ngaphandle kwekukhetsa buso bemuntfu, ehlulele ngekwemisebenti yemuntfu, hambani ngekwesaba kulesikhatsi nisetihambi kulomhlaba.

Sembulo 4:11

“Ufanele wena, Nkulunkulu, loyiNkhosi yetfu, kutsi wemukele bukhosi, neludvumo, nemandla, ngobe konkhe kwadalwa nguwe. Konkhe kwenteka ngentsandvo yakho, kwadalwa ngayo.”

Sembulo 5:12

tatihlabela ngelivi lelikhulu titsi: “Lifanele liWundlu lelahlatjwa, kutsi lemukele emandla, nengcebo, nekuhlakanipha, nekuncoba, neludvumo, nebukhosi, nesibusiso!”